ರಿಯೋ ಡಿ ಜನೈರೋ ಆಗಸ್ಟ್, 12 : ಆರ್ಚರಿಯಲ್ಲಿ ಪದಕದ ಭರವಸೆ ಮೂಡಿಸಿದ್ದ ಬಿಲ್ಲುಗಾರ ಅತನು ದಾಸ್ ಪ್ರೀ ಕ್ವಾರ್ಟರ್ ಫೈನಲ್ ನಲ್ಲಿ ಗುರಿ ನೋಡಿ ಬಾಣ ಬಿಡಲು ವಿಫಲರಾಗಿದ್ದಾರೆ.
ರಿಯೋ ಒಲಿಂಪಿಕ್ಸ್ 2016 : ಗ್ಯಾಲರಿ || ವಿಶೇಷ ಪುಟ
ಶುಕ್ರವಾರ (ಅ.12) ನಡೆದ ಆರ್ಚರಿ ಪುರುಷರ ವಯಕ್ತಿಕ ವಿಭಾಗ ಪ್ರಿ ಕ್ವಾರ್ಟರ್ ಫೈನಲ್ ಪಂದ್ಯದಲ್ಲಿ ಈ ಹಿಂದೆ ವಿಶ್ವ ಶ್ರೇಯಾಂಕದಲ್ಲಿ 5ನೇ ಸ್ಥಾನದಲ್ಲಿದ್ದ ದಕ್ಷಿಣ ಕೊರಿಯಾದ ಬಿಲ್ಲುಗಾರ ಲೀ ಸಿಯುಂಗ್ ವಿರುದ್ದ 4-6 (28-30, 30-28, 27-27, 27-28, 28-28) ಅಂತರದಲ್ಲಿ ಪರಾಭವಗೊಂಡು ರಿಯೋ ಒಲಿಂಪಿಕ್ಸ್ ನಿಂದ ಹೊರ ನಡೆದರು. [7ನೇ ದಿನವೂ ಭಾರತೀಯರಿಗೆ ನಿರಾಸೆ]
ಮಂಗಳವಾರ (ಅ.09) ರಂದು ನಡೆದ ಆರ್ಚರಿ (ಬಿಲ್ಲುಗಾರಿಕೆ) ವೈಯಕ್ತಿಕ ವಿಭಾಗದ ಪಂದ್ಯದಲ್ಲಿ ಅತನು ಮೊದಲನೇ ಪಂದ್ಯದಲ್ಲಿ ನೇಪಾಳದ ಜೀತ್ ಬಹದ್ದೂರ್ ಮುಕ್ತಾನ್ರನ್ನು 6-0 ಅಂತರದಿಂದ ಸುಲಭವಾಗಿ ಸೋಲಿಸಿ 32ರ ಘಟ್ಟಕ್ಕೆ ಎಂಟ್ರಿಕೊಟ್ಟಿದ್ದರು.
ಇನ್ನು 32ರ ಘಟ್ಟದ ಎರಡನೇ ಪಂದ್ಯದಲ್ಲಿ ದಾಸ್ 6-4ರಿಂದ ಕ್ಯೂಬಾದ ಆಡ್ರಿಯನ್ ಪ್ಯುಂಟೇಸ್ ಪರೇಜ್ರನ್ನು ಮಣಿಸಿ ಶುಭಾರಂಭ ಮಾಡುವ ಮೂಲಕ ಕ್ವಾರ್ಟರ್ ಫೈನಲ್ ಎಂಟ್ರಿಕೊಟ್ಟಿದ್ದರು. ಆದರೆ ಕ್ವಾರ್ಟರ್ ಫೈನಲ್ ನಲ್ಲಿ ವಿಶ್ವ ಶ್ರೇಯಾಂಕಿತ ದಕ್ಷಿಣ ಕೋರಿಯಾದ ಲೀ ವಿರುದ್ದ ಗುರಿ ನೋಡಿ ಬಾಣ ಬಿಡಲು ದಾಸ್ ವಿಫಲಗೊಂಡಿದ್ದಾರೆ.