ಸಾಕ್ಷಿ ಸಾಧನೆಗೆ ಬಹುಪರಾಕ್ ಎಂದ ಪ್ರಧಾನಿ ಮೋದಿ

ರಿಯೋ ಡಿ ಜನೈರೋ ಆಗಸ್ಟ್, 18: ಭಾರತದ ಪಾಲಿಗೆ ರಿಯೋ ಒಲಿಂಪಿಕ್ಸ್ ನಲ್ಲಿ ಚೊಚ್ಚಲ ಪದಕ ಗೆದ್ದುಕೊಟ್ಟ ಸಾಕ್ಷಿ ಮಲಿಕ್'ಗೆ ಅಭಿನಂದನೆಯ ಮಹಾಪೂರವೇ ಹರಿದು ಬರುತ್ತಿದೆ. ಪ್ರಧಾನಿ ನರೇಂದ್ರ ಮೋದಿ ಹಾಗೂ ರಾಷ್ಟ್ರಪತಿ ಭವನದ ಅಧಿಕೃತ ಟ್ವಿಟ್ಟರ್ ಖಾತೆಯಿಂದ ಶುಭ ಹಾರೈಕೆ ಸಂದಿದೆ.

ರಿಯೋ ಒಲಿಂಪಿಕ್ಸ್ 2016 : ಗ್ಯಾಲರಿ || ವಿಶೇಷ ಪುಟ

ಹನ್ನೆರಡು ದಿನಗಳು ಕಳೆದು ಇನ್ನೇನು ಭಾರತದ ಕ್ರೀಡೆಗಳು ಮುಕ್ತಾಯಗೊಂಡವು, ಒಂದೇ ಒಂದು ಪದಕ ಗೆಲ್ಲಲು ಸಾಧ್ಯವಾಗಲಿಲ್ಲವಲ್ಲ ಎಂದು ಕೊರಗುತ್ತಿದ್ದ ಕ್ರೀಡಾಭಿಮಾನಿಗಳಲ್ಲಿ ಸಂತಸ ಮೂಡಿಸುವಲ್ಲಿ ಸಾಕ್ಷಿ ಮಲಿಕ್ ಸಾಕ್ಷಿಯಾಗಿದ್ದಾರೆ.

ಸಾಕ್ಷಿಯ ಈ ಸಾಧನೆಗೆ ಸಾಮಾಜಿಕ ಜಾಲತಾಣಗಳಲ್ಲಿ ದೇಶದ ಮೂಲೆ ಮೂಲೆಗಳಿಂದ ಅಭಿನಂದನೆಗಳ ಮಹಾಪೂರವೇ ಹರಿದುಬರುತ್ತಿವೆ. ಭಾರತ ಪರ ಮೊದಲ ಪದಕ ಗಳಿಸಿದ ಕುಸ್ತಿಪಟು ಸಾಕ್ಷಿ ಮಲಿಕ್ ಗೆ ಪ್ರಧಾನಿ ನರೇಂದ್ರ ಮೋದಿ ಹಾಗು ಭಾರತದ ಪ್ರಥಮ ಪ್ರಜೆ ಪ್ರಣವ್ ಮುಖರ್ಜಿ ಅವರು ಟ್ವಿಟ್ಟರ್ ಮೂಲಕ ಅಭಿನಂದಿಸಿದ್ದಾರೆ.

ನಿಮ್ಮ ಈ ಅಭೂತಪೂರ್ವ ಸಾಧನೆ ಮುಂಬರುವ ದಿನಗಳಲ್ಲಿ ಭಾರತದ ಇತರ ಕ್ರೀಡಾಪಟುಗಳಿಗೂ ಪ್ರೇರಣೆಯಾಗಲಿದೆ ಎಂದು ಟ್ವಿಟ್ಟರ್ ನಲ್ಲಿ ಪ್ರಧಾನಿ ನರೇಂದ್ರ ಮೋದಿ ಅವರು ಸಾಕ್ಷಿರನ್ನು ಅಭಿನಂದಿಸಿದ್ದಾರೆ.

ಸಾಕ್ಷಿ ಜತೆಗಿರುವ ಮೋದಿ ಫೋಟೊ

ರಿಯೋ ಒಲಿಂಪಿಕ್ಸ್ ಗೆ ಹೊರಡುವ ಮುನ್ನ ಪ್ರಧಾನಿ ಮೋದಿ ಅವರನ್ನು ಸಾಕ್ಷಿ ಭೇಟಿ ಮಾಡಿದ್ದರು. ಮೋದಿ ಅವರ ಜತೆಗಿನ ಫೋಟೊ ಮತ್ತೆ ಸಾಮಾಜಿಕ ಜಾಲ ತಾಣಗಳಲ್ಲಿ ಹಂಚಿಕೆಯಾಗುತ್ತಿದೆ.

On this very auspicious day of Raksha Bandhan, Sakshi Malik, a daughter of India, wins a Bronze & makes all of us very proud. #Rio2016 — Narendra Modi (@narendramodi) August 18, 2016

ಸಾಕ್ಷಿ ಭಾರತದ ಹೆಮ್ಮೆಯ ಪುತ್ರಿ ಎಂದ ಮೋದಿ

ಸಾಕ್ಷಿ ಭಾರತದ ಹೆಮ್ಮೆಯ ಪುತ್ರಿ ಎಂದ ಪ್ರಧಾನಿ ನರೇಂದ್ರ ಮೋದಿ, ರಕ್ಷಾಬಂಧನ್ ಶುಭ ದಿನದಂದು ಶುಭ ಸುದ್ದಿ ಸಿಕ್ಕಿದೆ ಎಂದಿದ್ದಾರೆ

Sakshi Malik creates history! Congratulations to her for the Bronze. The entire nation is rejoicing. — Narendra Modi (@narendramodi) August 18, 2016

ಇತಿಹಾಸ ಸೃಷ್ಟಿಸಿದ ಸಾಕ್ಷಿಗೆ ಶುಭ ಹಾರೈಕೆ

ಇತಿಹಾಸ ಸೃಷ್ಟಿಸಿದ ಸಾಕ್ಷಿಗೆ ಶುಭ ಹಾರೈಕೆ ಎಂದು ಕಂಚಿನ ಪದಕ ವಿಜೇತೆಯನ್ನು ಅಭಿನಂದಿಸಿದ ಮೋದಿ.

Hearty Congratulations to #SakshiMalik for winning a medal in women's wrestling in #Rio2016 and doing India proud #PresidentMukherjee — President of India (@RashtrapatiBhvn) August 18, 2016

ಪ್ರಥಮ ಪ್ರಜೆ ಪ್ರಣಬ್ ರಿಂದ ಟ್ವೀಟ್

ಪ್ರಥಮ ಪ್ರಜೆ ಪ್ರಣಬ್ ಅವರ ರಾಷ್ಟ್ರಪತಿ ಭವನ ಅಧಿಕೃತ ಟ್ವೀಟ್ ಖಾತೆಯಿಂದ ಶುಭ ಹಾರೈಕೆ ಸಂದೇಶ.

A matter of happiness that India's daughter #SakshiMalik won a medal fr country on Raksha Bandhan-Haryana CM Khattar pic.twitter.com/T1rOCaS0XK — ANI (@ANI_news) August 18, 2016

ಹರ್ಯಾಣದ ಸಿಎಂ ಖಟ್ಟಾರ್ ಅವರ ಪ್ರತಿಕ್ರಿಯೆ

ಹರ್ಯಾಣದ ಸಿಎಂ ಖಟ್ಟಾರ್ ಅವರ ಪ್ರತಿಕ್ರಿಯೆ ನೀಡಿದ್ದು ಹೀಗೆ.. ಆದರೆ, ಸಾಕ್ಷಿ ಬಗ್ಗೆ ಖಟ್ಟಾರ್ ಅವರ ಅಧಿಕೃತ ಟ್ವೀಟ್ ಖಾತೆಯಿಂದ ಯಾವುದೇ ಸಂದೇಶ ಬಂದಿಲ್ಲ. ಈ ಬಗ್ಗೆ ಕೂಡಾ ಚರ್ಚೆ ನಡೆಯುತ್ತಿದೆ.