ಜಕಾರ್ತ, ಜೂನ್ 18 : ಇಂಡೊನೇಷ್ಯಾ ಸೂಪರ್ ಸೀರಿಸ್ ಪ್ರೀಮಿಯರ್ ಬ್ಯಾಡ್ಮಿಂಟನ್ ಟೂರ್ನಿ ಯಲ್ಲಿ ಶನಿವಾರ ಭಾರತದ ಭರವಸೆಯ ಆಟಗಾರ ಕಿದಂಬಿ ಶ್ರೀಕಾಂತ್ ಫೈನಲ್ ಗೆ ಲಗ್ಗೆಯಿಟ್ಟಿದ್ದಾರೆ.
24 ವರ್ಷ ವಯಸ್ಸಿನ ಭಾರತದ ಆಟಗಾರ ಸೆಮಿಫೈನಲ್ ನಲ್ಲಿ 21-15, 18-21, 24-22 ಅಂತರದಲ್ಲಿ ಅಗ್ರ ಶ್ರೇಯಾಂಕಿತ ಕೊರಿಯಾದ ಸನ್ ವಾನ್ ಅಮೋಘ ಜಯ ಸಾಧಿಸಿದರು.
ಒಂದು ಗಂಟೆ 12 ನಿಮಿಷ ನಡೆದ ಪಂದ್ಯದಲ್ಲಿ ಶ್ರೀಕಾಂತ್ ಅಮೋಘ ಸಾಮರ್ಥ್ಯದಿಂದ ಫೈನಲ್ ತಲುಪಿದರು.
ಹಿಂದಿನ ನಾಲ್ಕು ಮುಖಾಮುಖಿ ಗಳಲ್ಲಿ ಶ್ರೀಕಾಂತ್ ಕೊರಿಯಾದ ಆಟಗಾರನ ಎದುರು ಸೋಲು ಕಂಡಿದ್ದರು. ಫೈನಲ್ನಲ್ಲಿ ಅವರು ಜಪಾನ್ನ ಕಜು ಮಸಾ ಸಕೈ ಅವರನ್ನು ಎದುರಿಸಲಿದ್ದಾರೆ.