ಐ ಲೀಗ್ ಫುಲ್ ವೇಳಾಪಟ್ಟಿ, ಬೆಂಗಳೂರು ಪಂದ್ಯ ಯಾವಾಗ?

ಬೆಂಗಳೂರು, ಡಿಸೆಂಬರ್ 21: 2016-17ನೇ ಸಾಲಿನ ಐ ಲೀಗ್ ಪಂದ್ಯಾವಳಿಯ ವೇಳಾಪಟ್ಟಿ ಪ್ರಕಟಿಸಲಾಗಿದೆ. ಹಾಲಿ ಚಾಂಪಿಯನ್ ಬೆಂಗಳೂರು ಎಫ್ ಸಿ ತಂಡ ಶ್ರೀಕಂಠೀವರ ಸ್ಟೇಡಿಯಂನಲ್ಲಿ ತನ್ನ ಮೊದಲ ಪಂದ್ಯವನ್ನು ಶಿಲ್ಲಾಂಗ್ ಲಾಜೊಂಗ್ ಎಫ್ ಸಿ ವಿರುದ್ಧ ಆಡಲಿದೆ.

ಬೆಂಗಳೂರಿನಲ್ಲಿ ಉದ್ಘಾಟನಾ ಪಂದ್ಯದ ನಂತರ ಕೋಲ್ಕತಾದ ಬಾರಾಸಾತ್ ಸ್ಟೇಡಿಯಂನಲ್ಲಿ ಕೋಲ್ಕತಾದ ದಿಗ್ಗಜ ತಂಡ ಈಸ್ಟ್ ಬೆಂಗಾಲ್ ಹಾಗೂ ಐಜ್ವಾಲ್ ಎಫ್ ಸಿ ಸೆಣಸಲಿದೆ. 2014-15ರ ಚಾಂಪಿಯನ್ ಮೋಹನ್ ಬಗಾನ್ ತಂಡ ಜನವರಿ 8ರಂದು ಗೋವಾದ ಚರ್ಚಿಲ್ ಬ್ರದರ್ಸ್ ತಂಡವನ್ನು ಎದುರಿಸಲಿದೆ.

ಈ ಬಾರಿ ಐ ಲೀಗ್ ಗೆ ಎರಡು ಹೊಸ ತಂಡಗಳು ಸೇರ್ಪಡೆಗೊಂಡಿವೆ. ಚೆನ್ನೈ ಸಿಟಿ ಎಫ್ ಸಿ ಹಾಗೂ ಮಿನರ್ವಾ ಪಂಜಾಬ್ ಎಫ್ ಸಿ. ಎರಡು ಸೀಸನ್ ಗಳ ನಿಷೇಧದ ನಂತರ ಗೋವಾದ ಚರ್ಚಿಲ್ ಬ್ರದರ್ಸ್ ತಂಡ ಮತ್ತೊಮ್ಮೆ ಲೀಗ್ ನಲ್ಲಿ ಆಡಲು ಅರ್ಹತೆ ಪಡೆದುಕೊಂಡಿದೆ. ಕ್ಲಬ್ ಡಿ ಗೋವಾ ಹಾಗೂ ಡೆಂಪೋ ಎಸ್ ಸಿ ಈ ವರ್ಷ ಲೀಗ್ ನಲ್ಲಿ ಆಡುತ್ತಿಲ್ಲ.