ಬೆಂಗಳೂರು ತಂಡದಿಂದ ಹೊಸ ಇತಿಹಾಸ, ಎಎಫ್ ಸಿ ಫೈನಲಿಗೆ ಲಗ್ಗೆ

Posted By:
Subscribe to Oneindia Kannada

ಬೆಂಗಳೂರು, ಅಕ್ಟೋಬರ್ 20: ನಾಯಕ ಸುನಿಲ್ ಛೇಟ್ರಿ ಅವರ ಅಮೋಘ ಆಟದ ನೆರವಿನಿಂದ ಬೆಂಗಳೂರು ಫುಟ್ಬಾಲ್ ಕ್ಲಬ್(ಬಿಎಫ್ ಸಿ) ತಂಡ ಏಷ್ಯನ್ ಫುಟ್​ಬಾಲ್ (ಎಎಫ್​ಸಿ) ಕಪ್ ​ನ ಫೈನಲಿಗೆ ಲಗ್ಗೆ ಇಟ್ಟಿದೆ. ಈ ಪ್ರತಿಷ್ಠಿತ ಟೂರ್ನಿಯ ಅಂತಿಮ ಹಂತ ತಲುಪಿದ ಭಾರತದ ಮೊಟ್ಟಮೊದಲ ಕ್ಲಬ್ ಎನ್ನುವ ಸಾಧನೆ ಬಿಎಫ್ ಸಿ ತಂಡದ್ದಾಗಿದೆ.

ಕಂಠೀರವ ಸ್ಟೇಡಿಯಂನಲ್ಲಿ ಬುಧವಾರ ನಡೆದ ಎಎಫ್​ಸಿ ಕಪ್ ನ ಸೆಮಿಫೈನಲ್ ಪಂದ್ಯದಲ್ಲಿ ಬೆಂಗಳೂರು ತಂಡದ ನಾಯಕ ಸುನೀಲ್ ಛೇಟ್ರಿ ಬಾರಿಸಿದ ಅವಳಿ ಗೋಲುಗಳು ಪ್ರೇಕ್ಷಕರನ್ನು ಹುಚ್ಚೆದ್ದು ಕುಣಿಯುವಂತೆ ಮಾಡಿತು. ಸೆಮಿಫೈನಲ್ ಹಂತದ ಎರಡನೇ ಪಂದ್ಯ ಇದಾಗಿತ್ತು.

Bengaluru FC beat Johor; become first Indian team to enter AFC Cup final

ಹಾಲಿ ಚಾಂಪಿಯನ್ ಮಲೇಷ್ಯಾದ ಜೋಹರ್ ದಾರುಲ್ ತಜೀಮ್ (ಜೆಡಿಟಿ) ತಂಡವನ್ನು ಬಿಎಫ್ ಸಿ 1-3 ಅಂತರದಿಂದ ಸೋಲಿಸಿತು.

ಇದಕ್ಕೂ ಮುನ್ನ ಸೆಪ್ಟೆಂಬರ್ 28 ರಂದು ಮಲೇಷ್ಯಾದಲ್ಲಿ ನಡೆದಿದ್ದ ಸೆಮಿಫೈನಲ್ ಚರಣದ ಮೊದಲ ಪಂದ್ಯದಲ್ಲಿ ಬಿಎಫ್​ಸಿ 1-1 ಗೋಲುಗಳಿಂದ ಡ್ರಾ ಮಾಡಿಕೊಂಡಿತ್ತು. ಈ ಮೂಲಕ ಜೆಡಿಟಿ ತಂಡವನ್ನು ಸೆಮಿಫೈನಲ್ ಲೆಗ್​ ನಲ್ಲಿ 4-2 ಗೋಲು ಸರಾಸರಿಯಲ್ಲಿ ಮಣಿಸಿದ ಬಿಎಫ್​ಸಿ ಫೈನಲ್​ ತಲುಪಿದೆ.

ಬಿಎಫ್​ಸಿ ತಂಡದ ಪರ ನಾಯಕ ಛೇಟ್ರಿ (41, 67ನೇ ನಿಮಿಷ) ಜೋಡಿ ಗೋಲು ಬಾರಿಸಿದರು. ಗೊಂಜಾಲೆಜ್ 75ನೇ ನಿಮಿಷದಲ್ಲಿ ಗೋಲು ಬಾರಿಸಿ ಗೆಲುವಿನ ಅಂತರ ಹಿಗ್ಗಿಸಿದರು.

ಎಎಫ್​ಸಿ ಕಪ್ ಫೈನಲ್ ಪಂದ್ಯ ನವೆಂಬರ್ 5ರಂದು ಕತಾರ್ ನ ದೋಹಾದಲ್ಲಿ ನಡೆಯಲಿದೆ. ಬಿಎಫ್​ಸಿ ತಂಡ ಇರಾಕ್​ನ ಅಲ್ ಕ್ಯುವಾ ಅಲ್ ಜಾವಿಯಾ ತಂಡವನ್ನು ಪ್ರಶಸ್ತಿಗಾಗಿ ಎದುರಿಸಲಿದೆ. (ಒನ್ ಇಂಡಿಯಾ ಸುದ್ದಿ)

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ - ನೋಂದಣಿ ಉಚಿತ!

English summary
Bengaluru FC became the first Indian club to reach the Asian Football Confederation (AFC) Cup final by trouncing holders Malaysia's Johor Darul Ta'zim 3-1 in the semi-final second leg here on Wednesday (Oct 19).
Please Wait while comments are loading...