ವಿಡಿಯೋ: ಕೌಂಟಿ ಪಂದ್ಯದಲ್ಲಿ 10 ವಿಕೆಟ್ ಕಬಳಿಸಿದ ಅಮೀರ್

ಲಂಡನ್, ಆಗಸ್ಟ್ ೧೦: ಪಾಕಿಸ್ತಾನದ ಮೊಹಮ್ಮದ್ ಅಮೀರ್ ಅವರು ಇಂಗ್ಲೆಂಡಿನ ಕೌಂಟಿ ಕ್ರಿಕೆಟ್ ನಲ್ಲಿ ಸಾಧನೆ ಮಾಡಿದ್ದಾರೆ.
ಎಸ್ಸೆಕ್ಸ್ ತಂಡದ ಪರವಾಗಿ ಆಡುತ್ತಿರುವ ಅಮೀರ್, ಪಂದ್ಯವೊಂದರಲ್ಲಿ 10 ವಿಕೆಟ್ ಕಬಳಿಸಿ ದಾಖಲೆ ಬರೆದಿದ್ದಾರೆ. ಈ ಮೂಲಕ ಎಸ್ಸೆಕ್ಸ್ ತಂಡ ಮೊಟ್ಟ ಮೊದಲ ಬಾರಿಗೆ ಕೌಂಟಿ ಚಾಂಪಿಯನ್ ಆಗುವ ಕನಸು ಕಾಣುತ್ತಿದೆ.

ಸ್ಕಾರ್ಬರೋನಲ್ಲಿ ಎಸ್ಸೆಕ್ಸ್ ಹಾಗೂ ಯಾರ್ಕ್ ಶೈರ್ ಮಧ್ಯೆ ನಡೆದ ಪಂದ್ಯದಲ್ಲಿ ಅಮೀರ್ ಅವರ ಉತ್ತಮ ಪ್ರದರ್ಶನದ ನೆರವಿನಿಂದ ಎಸ್ಸೆಕ್ಸ್ ತಂಡವು 8 ವಿಕೆಟ್ ಗಳ ಜಯ ಸಾಧಿಸಿದೆ.

ಮೊದಲ ಇನ್ನಿಂಗ್ಸ್ ನಲ್ಲಿ 11.2 ಓವರ್ ಬೌಲಿಂಗ್ ಮಾಡಿದ್ದ ಅಮೀರ್ 18 ರನ್ ನೀಡಿ 5 ವಿಕೆಟ್ ಪಡೆದಿದ್ದರು.

🎥 | The Pakistan 'King of Swing' strikes again! @iamamirofficial bowling Kohler-Cadmore for 4. #YORvESS pic.twitter.com/rpq8IeRFR8

— Essex Cricket (@EssexCricket) August 6, 2017

2ನೇ ಇನ್ನಿಂಗ್ಸ್ ನಲ್ಲಿ ಅಮೀರ್ 54 ರನ್ ನೀಡಿ 5 ವಿಕೆಟ್ ಗಳಿಸಿದರು.

WICKET and Mohammad Amir has a 10 wicket match haul. His latest victim Coad caught at 2nd slip by Simon Harmer for 28. 131-9. #YORvESS pic.twitter.com/YmrkRu6hz2

— Essex Cricket (@EssexCricket) August 7, 2017

ಅಮೀರ್ ದಾಳಿಗೆ ನಲುಗಿದ ಯಾರ್ಕ್ ಶೈರ್ ಮೊದಲ ಇನ್ನಿಂಗ್ಸ್ ನಲ್ಲಿ 113 ರನ್ ಹಾಗೂ ಎರಡನೇ ಇನ್ನಿಂಗ್ಸ್ ನಲ್ಲಿ 150 ರನ್ ಗಳಿಗೆ ಆಲೌಟ್ ಆಯಿತು. ಕೇವಲ 32 ರನ್ ಗಳ ಗುರಿ ಪಡೆದ ಎಸ್ಸೆಕ್ಸ್ 2 ವಿಕೆಟ್ ಕಳೆದುಕೊಂಡು ಗೆಲುವು ಸಾಧಿಸಿತು.