ಗಾಲೆ, ಆಗಸ್ಟ್ 06: ವಿಶ್ವದ ನಂ.1 ಟೆಸ್ಟ್ ತಂಡ ಆಸ್ಟ್ರೇಲಿಯಾ ತಂಡ ಹೀನಾಯ ಸೋಲು ಕಂಡಿದೆ. ಶ್ರೀಲಂಕಾ ವಿರುದ್ಧದ ಎರಡನೇ ಟೆಸ್ಟ್ ಪಂದ್ಯವನ್ನು 229ರನ್ ಗಳ ಅಂತರದಲ್ಲಿ ಸೋತ ಆಸೀಸ್ ತಂಡದ ವಿರುದ್ಧ ಶ್ರೀಲಂಕಾ 2-0 ಅಂತರದ ಸರಣಿ ಜಯ ಕೂಡಾ ದಾಖಲಿಸಿದೆ.
ಗಾಲೆಯಲ್ಲಿ ನಡೆದ 2ನೇ ಟೆಸ್ಟ್ ಪಂದ್ಯ ಗೆಲ್ಲಲು ಆಸ್ಟ್ರೇಲಿಯಾಕ್ಕೆ 413 ರನ್ ಗುರಿ ನೀಡಲಾಗಿತ್ತು. ಆದರೆ, ಸ್ಮಿತ್ ಪಡೆ 183ರನ್ ಗಳಿಗೆ ಎಲ್ಲಾ ವಿಕೆಟ್ ಕಳೆದುಕೊಂಡು ಪಂದ್ಯ ಹಾಗೂ ಸರಣಿ ಕಳೆದುಕೊಂಡಿದೆ. [ಪಾಕಿಸ್ತಾನದ ಯಾಸಿರ್ ಕೆಳಕ್ಕೆ ಹಾಕಿ ಮೇಲಕ್ಕೇರಿದ ಅಶ್ವಿನ್]
ಎರಡನೇ ಇನ್ನಿಂಗ್ಸ್ ನಲ್ಲಿ ಆಫ್ ಸ್ಪಿನ್ನರ್ ದಿಲ್ರುವಾನ್ ಪೆರೆರಾ 6 ವಿಕೆಟ್ ಕಬಳಿಸಿ ಶನಿವಾರ (ಆಗಸ್ಟ್ 06) ದಂದು ಪ್ರವಾಸಿ ಆಸ್ಟ್ರೇಲಿಯಾ ತಂಡಕ್ಕೆ ಸೋಲುಣಿಸಿದರು. ಈ ಸೋಲಿನ ನಡುವೆಯೂ ಆಸ್ಟ್ರೇಲಿಯಾ ವೇಗಿ ಮಿಚೆಲ್ ಸ್ಟಾರ್ಕ್ ಅವರು ಈ ಪಂದ್ಯದಲ್ಲಿ 11/94 ಗಳಿಸಿ ತಮ್ಮ ಛಾಪು ಮೂಡಿಸಿದರು. ಪಲ್ಲಕೆಲೆಯಲ್ಲಿ ನಡೆದ ಮೊದಲ ಟೆಸ್ಟ್ ಪಂದ್ಯವನ್ನು ಶ್ರೀಲಂಕಾ ತಂಡ 106ರನ್ ಗಳಿಂದ ಗೆದ್ದುಕೊಂಡಿತ್ತು.
ಸಂಕ್ಷಿಪ್ತ ಸ್ಕೋರ್
ಶ್ರೀಲಂಕಾ 281 (73.1 ಓವರ್ಸ್) ಹಾಗೂ 237 (59.3 ಓವರ್ಸ್)
ಆಸ್ಟ್ರೇಲಿಯಾ 106 (33.2 ಓವರ್ಸ್) ಹಾಗೂ 183 (50.1 ಓವರ್ಸ್)
(ಎಎಫ್ ಪಿ)