ಜೋಹಾನ್ಸ್ ಬರ್ಗ್, ಫೆ.08. ವಿಶ್ವದ ಎಲ್ಲಾ ಬ್ಯಾಟ್ಸ್ ಮನ್ ಗಳಿಗೆ ನಡುಕ ಹುಟ್ಟಿಸುವ ದಕ್ಷಿಣ ಆಫ್ರಿಕಾ ತಂಡ ವೇಗಿ ಡೇಲ್ ಸ್ಟೈನ್ ಅವರು ಬೆಚ್ಚಿ ಬಿದ್ದ ಪ್ರಸಂಗ ನಡೆದಿದೆ. ವಿಶ್ವಮಾನ್ಯ ವೇಗಿ, ವಿಶ್ವದ ಅತಿ ವಿಷಕಾರಿ ಹಾವುಗಳಲ್ಲಿ ಒಂದೆನಿಸಿರುವ ಬ್ಲ್ಯಾಕ್ ಮಾಂಬಾ ಜೊತೆ ಮುಖಾಮುಖಿಯಾಗಿದ್ದಾರೆ.
ಇತ್ತೀಚೆಗೆ ಸ್ಟೈನ್ ಅವರು ರಾಷ್ಟ್ರೀಯ ಕ್ರೂಜರ್(Kruger) ರಾಷ್ಟ್ರೀಯ ಉದ್ಯಾನಕ್ಕೆ ಹೋಗಿದ್ದರು. ಕಾರಿನಲ್ಲಿ ಹೋಗುವ ಮಾರ್ಗ ಮಧ್ಯದಲ್ಲಿ ಹಾವೊಂದು ದಾರಿಯಲ್ಲಿ ಬಿದ್ದಿತ್ತು ಅದನ್ನು ಕಂಡ ಸ್ಟೈನ್ ಯಾವುದೋ ಹಾವು ಒಂದು ಗಾಯಗೊಂಡು ಬಿದ್ದಿದೆ ಎಂದು ಕಾರಿನಿಂದ ಇಳಿದು ನೋಡಲು ಹಾವಿನ ಹತ್ತಿರ ಹೋಗಿದ್ದಾರೆ.
ಹತ್ತಿರದಿಂದ ನೋಡಿದಾಗ ಇದು ಬ್ಲ್ಯಾಕ್ ಮಾಂಬಾ ಅತ್ಯಂತ ವಿಷಕಾರಿ ಸರ್ಪ ಎಂದು ಸ್ಟೈನ್ ಗೆ ತಿಳಿದು ಬಂದಿದೆ. ಸಾವಿನ ದವಡೆಯಿಂದ ಕೆಲವೇ ಇಂಚುಗಳ ದೂರದಲ್ಲಿದ್ದ ಸ್ಟೈನ್ ಅವರು ಅದೃಷ್ಟವಶಾತ್ ಪಾರಾಗಿದ್ದಾರೆ. ಹಾವು ಕೂಡಾ ತಕ್ಷಣ ಹಿಂದೆ ಸರಿದಿದೆ.
So this poor guy was hit by a car, we stopped to move him out the road thinking it was a brown… https://t.co/AhMjrNM3Ts
— Dale Steyn (@DaleSteyn62) February 6, 2016
32 ವರ್ಷ ವಯಸ್ಸಿನ ಸ್ಟೈನ್ ಅವರು ದಕ್ಷಿಣ ಆಫ್ರಿಕಾ ಪರ 82 ಟೆಸ್ಟ್ ಪಂದ್ಯ, 112 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದಾರೆ. ಸದ್ಯ ಇಂಗ್ಲೆಂಡ್ ಸರಣಿಯಲ್ಲಿ ಆಡುತ್ತಿದ್ದಾರೆ. ಮಾಂಬಾ ಕಡಿತದಿಂದ ಬಚಾವಾಗಿದ್ದರ ಬಗ್ಗೆ ಇನ್ಸ್ಟಾಗ್ರಾಮ್ ನಲ್ಲಿ ವಿಡಿಯೋ ಹಾಕಿ ಅದನ್ನು ಮೈಕ್ರೋ ಬ್ಲಾಗಿಂಗ್ ತಾಣ ಟ್ವಿಟ್ಟರ್ ಮೂಲಕ ಹಂಚಿಕೊಂಡಿದ್ದಾರೆ.