ಮೊಹಾಲಿ, ನವೆಂಬರ್ 29: ಟೀಂ ಇಂಡಿಯಾ ಟೆಸ್ಟ್ ತಂಡದ ನಾಯಕ ವಿರಾಟ್ ಕೊಹ್ಲಿ ಈಗ ಅದ್ಭುತ ಲಯದಲ್ಲಿರಬಹುದು. ಆದರೆ, 2012ರಲ್ಲಿ ಅವರನ್ನು ತಂಡದಿಂದ ಕೈಬಿಡಲು ಆಯ್ಕೆದಾರರು ಬಯಸಿದ್ದರು. ಆ ಸಂದರ್ಭದಲ್ಲಿ ಇಬ್ಬರು ದಿಗ್ಗಜರು ಕೊಹ್ಲಿ ಪರ ನಿಲ್ಲಲಿದ್ದಾರೆ ಕೊಹ್ಲಿ ಈ ದಿನ ಫೀಲ್ಡ್ ನಲ್ಲಿರುತ್ತಿರಲಿಲ್ಲ ಎನ್ನಬಹುದು.
2011-12ರ ಆಸ್ಟ್ರೇಲಿಯಾ ಪ್ರವಾಸದಲ್ಲಿ ಕೊಹ್ಲಿ ಕಳಪೆ ಆಟ ಪ್ರದರ್ಶಿಸಿದ್ದಾಗ ಆಯ್ಕೆದಾರರು ಕೊಹ್ಲಿಯನ್ನು ತಂಡದಿಂದ ಕೈಬಿಡಲು ನಿರ್ಧರಿಸಿದ್ದರು. ಆದರೆ, ನಾಯಕ ಧೋನಿ ಹಾಗೂ ನಾನು ಕೊಹ್ಲಿ ತಂಡದಲ್ಲಿರಲಿ ಎಂದು ಪಟ್ಟು ಹಿಡಿದೆವು ಎಂದು ವೀರೇಂದ್ರ ಸೆಹ್ವಾಗ್ ಅವರು ವೀಕ್ಷಕ ವಿವರಣೆ ಸಂದರ್ಭದಲ್ಲಿ ಹೇಳಿದ್ದಾರೆ.
ಭಾರತ ಹಾಗೂ ಇಂಗ್ಲೆಂಡ್ ನಡುವಿನ ಮೂರನೇ ಟೆಸ್ಟ್ ಪಂದ್ಯದ ಮೂರನೇ ದಿನದಂದು ಹಿಂದಿ ವೀಕ್ಷಕ ವಿವರಣೆ ನೀಡುವ ಸಂದರ್ಭದಲ್ಲಿ ಈ ವಿಷಯವನ್ನು ಸೆಹ್ವಾಗ್ ಹೊರ ಹಾಕಿದ್ದಾರೆ.