ಬೆಂಗಳೂರು, ಫೆ. 16: ಕರ್ನಾಟಕದ ಆರಂಭಿಕ ಬ್ಯಾಟ್ಸ್ ಮನ್ ಕೆಎಲ್ ರಾಹುಲ್ ಹಾಗೂ ಜಮ್ಮು ಮತ್ತು ಕಾಶ್ಮೀರದ ಆಲ್ ರೌಂಡರ್ ಪರ್ವೇಜ್ ರಸೂಲ್ ಅವರನ್ನು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್ ಸಿಬಿ) ತಂಡ ತನ್ನ ತೆಕ್ಕೆಗೆ ತೆಗೆದುಕೊಂಡಿದೆ.
ಕೆಎಲ್ ರಾಹುಲ್ ಹಾಗೂ ಪರ್ವೇಜ್ ರಸೂಲ್ ಅವರು ಇಂಡಿಯನ್ ಪ್ರಿಮಿಯರ್ ಲೀಗ್ (ಐಪಿಎಲ್) ನಲ್ಲಿ ಸನ್ ರೈಸರ್ಸ್ ಹೈದರಾಬಾದ್ (ಎಸ್ ಆರ್ ಎಚ್) ಪರ ಆಡುತ್ತಿದ್ದರು. [ಐಪಿಎಲ್ 2016: ಯಾವ ತಂಡದಲ್ಲಿ ಯಾವ ಆಟಗಾರರಿದ್ದಾರೆ?]
ರಸೂಲ್ ಅವರು ಜಮ್ಮು ಮತ್ತು ಕಾಶ್ಮೀರ ಪರ ಆಡುವ ಈ ಮುಂಚೆ ಪುಣೆ ವಾರಿಯರ್ಸ್ ಪರ ಆಡಿದ್ದರು. 2014ರಲ್ಲಿ 95 ಲಕ್ಷ ರು ಕೊಟ್ಟು ಸನ್ ರೈಸರ್ಸ್ ತಂಡ ಕೊಂಡುಕೊಂಡಿತ್ತು. 27 ವರ್ಷ ವಯಸ್ಸಿನ ರಸೂಲ್ ಅವರು ಭಾರತ ಪರ 1 ಏಕದಿನ ಕ್ರಿಕೆಟ್ ಪಂದ್ಯವಾಡಿದ್ದಾರೆ. ಐಪಿಎಲ್ 2016 ಏಪ್ರಿಲ್ 9, 2016 ರಿಂದ ಮೇ 29, 2016ರ ತನಕ ನಡೆಯಲಿದೆ. (ಒನ್ ಇಂಡಿಯಾ ಸುದ್ದಿ)