ಅಹಮದಾಬಾದ್, ಜೂನ್ 17: ಟೀಂ ಇಂಡಿಯಾದ ಆಲ್ ರೌಂಡರ್ ರವೀಂದ್ರ ಜಡೇಜ ಹಾಗೂ ಅವರ ಪತ್ನಿ ರೀವಾ ಸೋಲಂಕಿ ಅವರು ಗಿರ್ ರಾಷ್ಟ್ರೀಯ ಉದ್ಯಾನವನದಲ್ಲಿ ವಿಹರಿಸಿದ್ದು ಈಗ ವಿವಾದಕ್ಕೆ ಕಾರಣವಾಗಿದೆ. ಸಿಂಹಗಳ ಜತೆ ಸೆಲ್ಫಿ ತೆಗೆದುಕೊಂಡ ದಂಪತಿ ಈಗ ಕಾನೂನಿನ ಕಣ್ಣಿಗೆ ಬಿದ್ದಿದ್ದಾರೆ.
ದಿ ಇಂಡಿಯನ್ ಎಕ್ಸ್ ಪ್ರೆಸ್ ವರದಿಯಂತೆ ಜಡೇಜ ಹಾಗೂ ರೀವಾ ಅವರು ಗುಜರಾತ್ ನ ಜುನಾಗಢ್ ಪ್ರದೇಶದ ಸಸನ್ ಗಿರ್ ನಲ್ಲಿ ಮಂಗಳವಾರ ಹಾಗೂ ಬುಧವಾರ 'ಲಯನ್ ಸಫಾರಿ' ಗೆ ತೆರಳಿದ್ದರು. ಇದು ಗಿರ್ ರಾಷ್ಟ್ರೀಯ ಉದ್ಯಾನ ಹಾಗೂ ಸಿಂಹ ಧಾಮದ ಪ್ರವಾಸಿ ವಲಯವಾಗಿದೆ. [ನೆಚ್ಚಿನ ಸಾಥಿಯ ಮುದ್ದಾದ ಮಗು ಜತೆ ರವೀಂದ್ರ ಜಡೇಜ]
ಆದರೆ, 28 ವರ್ಷ ವಯಸ್ಸಿನ ಕ್ರಿಕೆಟರ್ ಜಡೇಜ ಅವರ ಪತ್ನಿ ಹಾಗೂ ಗೆಳೆಯರು ಸಫಾರಿ ವೇಳೆಯಲ್ಲಿ ಜಿಪ್ಸಿ ವಾಹನದಿಂದ ಕೆಳಗಿಳಿದು ಸಿಂಹಗಳ ಜತೆ ಸೆಲ್ಫಿ, ಗ್ರೂಪ್ ಫೋಟೊ ತೆಗೆಸಿಕೊಂಡಿದ್ದಾರೆ. ಇವರಿಂದ ಕೇವಲ 12 ರಿಂದ 13 ಅಡಿ ದೂರದಲ್ಲಿತ್ತು.
ಸಿಂಹಗಳ ಮುಂದೆ ತೆಗೆದ ಫೋಟೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗ್ತುತಿದ್ದಂತೆಯೇ ಈ ಬಗ್ಗೆ ತನಿಖೆ ನಡೆಸುವಂತೆ ಗುಜರಾತ್ ಅರಣ್ಯ ಇಲಾಖೆ ಆದೇಶ ಹೊರಡಿಸಿದೆ. [ಮದ್ವೆ ನಂತರ ಜಡೇಜ ಮದ್ವೆಯಲ್ಲೂ ವಿವಾದ!]
ಇನ್ನೊಂದು ಫೋಟೊದಲ್ಲಿ ಅರಣ್ಯ ಇಲಾಖೆ ಸಿಬ್ಬಂದಿ ಜತೆ ನಿಂತು ಜಡೇಜ ಪೋಸ್ ಕೊಟ್ಟಿದ್ದಾರೆ. ಈ ಬಗ್ಗೆ ಪ್ರಕರಣ ದಾಖಲಿಸಿಕೊಳ್ಳಲಾಗಿದ್ದು, ಗಿರ್ ಸಿಂಹ ಧಾಮದಿಂದ ವರದಿ ತರೆಸಿಕೊಳ್ಳಲಾಗುತ್ತದೆ.