ರವಿಶಾಸ್ತ್ರಿಗೆ ಅತಿ ಹೆಚ್ಚಿನ ಸಂಭಾವನೆ
ಆಸ್ಟ್ರೇಲಿಯಾ ಕೋಚ್ ಡರೇನ್ ಲಿಮನ್ 0.55 ಮಿಲಿಯನ್ ಡಾಲರ್ (3.55 ಕೋಟಿ ರು), ಇಂಗ್ಲೆಂಡ್ ಕೋಚ್ ಟ್ರೆವರ್ ಬೆಲಿಸ್ 0.52 ಮಿಲಿಯನ್ ಡಾಲರ್(3.4 ಕೋಟಿ ರು) ಸಂಭಾವನೆ ಪಡೆಯುತ್ತಿದ್ದಾರೆ. ದಕ್ಷಿಣ ಆಫ್ರಿಕಾದ ಕೋಚ್ ರಸೆಲ್ ಡೊಮಿಗೋ ಅವರಿಗೆ 58.5 ಲಕ್ಷ ರು ಮಾತ್ರ ಸಿಗುತ್ತಿದೆ.
ಅನಿಲ್ ಕುಂಬ್ಳೆ ಬೇಡಿಕೆ ಈಡೇರಿದೆ
* ನಾಯಕನಿಗೆ ಸಿಗುವ ಸಂಬಳದ ಶೇ 60ರಷ್ಟು, ಅಂದಿನ ಲೆಕ್ಕದಂತೆ 6.5 ಕೋಟಿ ರು ನಿಂದ 7.5 ಕೋಟಿ ರುಗೆ ಏರಿಕೆ ಯಾಗಬೇಕು.
* ಶೇ 30ರಷ್ಟು ಸಂಬಳ, ತಂಡದ ಫಲಿತಾಂಶದ ಮೇಲೆ ವೇರಿಯಬಲ್ ಬೋನಸ್ ಸಿಗಬೇಕು.
* ನಾಯಕನಿಗೆ ಕೂಡಾ ಉತ್ತಮ ಫಲಿತಾಂಶ ನೀಡಿದರೆ ಮಾತ್ರ ಬೋನಸ್ ಗೆ ಅರ್ಹ ಎಂದು ಕುಂಬ್ಳೆ ತಮ್ಮ ಬೇಡಿಕೆ ಪಟ್ಟಿ ಸಲ್ಲಿಸಿದ್ದ್ರು. ಈ ಪೈಕಿ ಕೋಚ್ ಸಂಭಾವನೆ ಬೇಡಿಕೆ ಈಡೇರಿದೆ. ಇದರ ಲಾಭ ರವಿಶಾಸ್ತ್ರಿಗೆ ಸಿಕ್ಕಿದೆ.
ಕೊಹ್ಲಿಗಿಂತ ಕುಂಬ್ಳೆಗೆ ಹೆಚ್ಚು ಸಂಬಳ
ಕೊಹ್ಲಿ ವರ್ಷಕ್ಕೆ ಒಂದು ಮಿಲಿಯನ್ ಡಾಲರ್ ಅಂದರೆ 6, 50, 81, 500 ರೂ ಸಂಭಾವನೆ ಪಡೆಯುತ್ತಾರೆ. ಬಿಸಿಸಿಐನ 'ಎ' ಶ್ರೇಣಿ ಗುತ್ತಿಗೆಯನ್ನು ಹೊಂದಿದ್ದಾರೆ. ಆದರೆ, ಕೊಹ್ಲಿಗಿಂತ ರವಿಶಾಸ್ತ್ರಿಗೆ ಸಿಗುವ ಸಂಭಾವನೆ ಅಧಿಕವಾಗಿದೆ. ಆದರೆ, ಬಿಸಿಸಿಐ ಆದಾಯದ ಶೇ13ರಷ್ಟು ಪಾಲು ಕೊಹ್ಲಿಗೆ ಲಭಿಸಲಿದೆ. ನಾಯಕರ ಪೈಕಿ ಆಸ್ಟ್ರೇಲಿಯಾದ ಸ್ಟೀವ್ ಸ್ಮಿತ್ ಅವರು ವಾರ್ಷಿಕ 9.6 ಕೋಟಿ ರು ಪಡೆಯುತ್ತಿದ್ದು ಅಗ್ರಸ್ಥಾನದಲ್ಲಿದ್ದಾರೆ.
ಆಟಗಾರರಿಗಿಂತಲೂ ಹೆಚ್ಚು ಸಂಭಾವನೆ
ಆಟಗಾರರಿಗಿಂತಲೂ ಅತ್ಯಧಿಕ ಸಂಭಾವನೆ ಗಳಿಸುವ ಕೋಚ್ ಗಳ ಪೈಕಿ ರವಿಶಾಸ್ತ್ರಿ ಮುಂದಿದ್ದಾರೆ. ಪಾಕಿಸ್ತಾನದ ಮಿಕಿ ಅರ್ಥರ್ಗೆ ಪಾಕಿಸ್ತಾನ ಟಾಪ್ ಕ್ರಿಕೆಟರ್ ಗಿಂತ ಮೂರು ಪಟ್ಟು ಹೆಚ್ಚು ಸಂಭಾವನೆ ಸಿಗುತ್ತಿದೆ. ಬಾಂಗ್ಲಾದೇಶದ ಕೋಚ್ ಚಂಡಿಕಾ ಹತುರ್ಸಿಂಗಾಗೆ ಆಟಗಾರರಿಗಿಂತ 5 ಪಟ್ಟು ಹೆಚ್ಚು ಸಂಭಾವನೆ ಸಿಗುತ್ತಿದೆ.