ದಾಖಲೆಗಳ ವೀರ
14 ವರ್ಷ ವಯಸ್ಸಿದ್ದಾಗಲೇ ಶಾ ಅವರ ಪ್ರತಿಭೆ ವಿಶ್ವಕ್ಕೆ ಪರಿಚಯವಾಗಿತ್ತು. ಮುಂಬೈನ ಹ್ಯಾರೀಸ್ ಶೀಲ್ಡ್ ಶಾಲೆ ಟೂರ್ನಿಯಲ್ಲಿ 546ರನ್ ಗಳಿಸಿ ಹೊಸ ವಿಶ್ವದಾಖಲೆ ಬರೆದಿದರು. ಈ ಸಾಧನೆ ಮಾಡಿದ ಅತ್ಯಂತ ಚಿಕ್ಕ ವಯಸ್ಸಿನ ಆಟಗಾರ ಎನಿಸಿಕೊಂಡಿದ್ದರು.
ಬದಲಿ ಆಟಗಾರನಾಗಿ ತಂಡಕ್ಕೆ
ಸೆಮಿಫೈನಲ್ ಪಂದ್ಯಕ್ಕೆ ಕೆವಿನ್ ಅಲ್ಮೆಡಾ ಬದಲಿಗೆ ಬಂದ ಪೃಥ್ವಿ ಶಾ ಅವರು ಮೊದಲ ಇನ್ನಿಂಗ್ಸ್ ನಲ್ಲಿ 4 ರನ್ ಗಳಿಸಿ ಔಟಾಗಿದ್ದರು. ಆದರೆ, ಎರಡನೇ ಇನ್ನಿಂಗ್ಸ್ ನಲ್ಲಿ ಭರ್ಜರಿ ಶತಕ ಬಾರಿಸಿ ತಂಡಕ್ಕೆ ಆಸರೆಯಾದರು.
ಬಾಬುಭಾಯಿ ಪಟೇಲ್
ಬಾಬುಭಾಯಿ ಪಟೇಲ್ ಅವರು ಮುಂಬೈ ನಿಂದ ರಣಜಿ ಟ್ರೋಫಿಯಿಂದ ಚೊಚ್ಚಲ ಪಂದ್ಯದಲ್ಲೇ ಚೊಚ್ಚಲ ಶತಕ ಸಿಡಿಸಿದ ಆಟಗಾರರಾಗಿದ್ದಾರೆ. 1935-36ರಲ್ಲಿ ಈ ಸಾಧನೆ ಮಾಡಿದ್ದರು. 1988-89ರಲ್ಲಿ ಸಚಿನ್ ಈ ಸಾಧನೆ ಮಾಡಿದ್ದರು.
ಹ್ಯಾರೀಸ್ ಶೀಲ್ಡ್ ಕ್ರಿಕೆಟ್ ಟೂರ್ನಿಮೆಂಟ್
ಹ್ಯಾರೀಸ್ ಶೀಲ್ಡ್ ಕ್ರಿಕೆಟ್ ಟೂರ್ನಿಮೆಂಟ್ ನಲ್ಲಿ ಪೃಥ್ವಿ ಬರೋಬ್ಬರಿ 546 ರನ್ ಚೆಚ್ಚಿದ್ದರು. ಈ ಶಾಲಾ ಟೂರ್ನಿಮೆಂಟ್ ನಲ್ಲಿ ಸಚಿನ್ ಅವರು ತಮ್ಮ ಶಾಲಾ ದಿನಗಳಲ್ಲಿ 326 ರನ್ ಹೊಡೆದು ನಾಟೌಟ್ ಆಗಿದ್ದರು. ವಿನೋದ್ ಕಾಂಬ್ಳಿ ಅವರ ಜತೆ 664 ರನ್ ಗಳ ಜೊತೆಯಾಟ ಪ್ರದರ್ಶಿಸಿದ್ದರು. ಮುಂಬೈನ ಆಟಗಾರ ವಾಸಿಂ ಜಾಫರ್ ಅವರ ಸಂಬಂಧಿ ಅರ್ಮಾನ್ ಜಾಫರ್ ಅವರು ಇದೇ ಟೂರ್ನಿಯಲ್ಲಿ 498 ರನ್ ಚೆಚ್ಚಿ ಹೊಸ ದಾಖಲೆ ಬರೆದಿದ್ದರು.