ರೋಹಿತ್ ಶರ್ಮ ದಾಖಲೆ ಆಟ, ಪುಣೆಗೆ ಮತ್ತೆ ಕಹಿಯೂಟ

ಪುಣೆ, ಮೇ 02: ನಾಯಕ ರೋಹಿತ್ ಶರ್ಮ ಅವರ ದಾಖಲೆಯ ಆಟದ ನೆರವಿನಿಂದ ಮುಂಬೈ ಇಂಡಿಯನ್ಸ್ ತಂಡ ಹ್ಯಾಟ್ರಿಕ್ ಗೆಲುವಿನ ಸಂಭ್ರಮ ಆಚರಿಸಿದೆ.

ಐಪಿಎಲ್ 2016: ವೇಳಾಪಟ್ಟಿ | ಯಾವ ತಂಡದಲ್ಲಿ ಯಾವ ಆಟಗಾರರು | ಗ್ಯಾಲರಿ

ಹಾಲಿ ಚಾಂಪಿಯನ್ಸ್ ಮುಂಬೈ ಇಂಡಿಯನ್ಸ್ ತಂಡ ತನ್ನ 9ನೇ ಪಂದ್ಯದಲ್ಲಿ ರೈಸಿಂಗ್ ಪುಣೆ ಸೂಪರ್ ​ಜೈಂಟ್ಸ್ ವಿರುದ್ಧ 8 ವಿಕೆಟ್​ಗಳಿಂದ ಗೆಲುವು ಸಾಧಿಸಿದೆ. [ಪೀಟರ್ಸನ್ ಬದಲಿಗೆ ಉಸ್ಮಾನ್ ಸೇರ್ಪಡೆ]

ರೋಹಿತ್ ಶರ್ಮ ಅಜೇಯ 85 ರನ್(60 ಎಸೆತ, 8X4, 3X6) ಜವಾಬ್ದಾರಿಯುತ ಬ್ಯಾಟಿಂಗ್ ನೆರವಿನಿಂದ ಮುಂಬೈ ತಂಡ 18.3 ಓವರ್​ಗಳಲ್ಲಿ 2 ವಿಕೆಟ್​ಗೆ 161 ರನ್ ಗಳಿಸಿ ಸುಲಭ ಜಯ ದಾಖಲಿಸಿತು. ರೋಹಿತ್ ಅವರಿಗೆ ಪಾರ್ಥಿವ್ ಪಟೇಲ್ (21), ರಾಯುಡು (22) ಮತ್ತು ಬಟ್ಲರ್ (ಅಜೇಯ 27) ಉತ್ತಮ ಸಾಥ್ ನೀಡಿದರು.[ಐಪಿಎಲ್ 2016 : ಹೊರ ಹೋದ ಆಟಗಾರರ ಪಟ್ಟಿ]

ಮಹಾರಾಷ್ಟ್ರ ಕ್ರಿಕೆಟ್ ಸಂಸ್ಥೆ ಸ್ಟೇಡಿಯಂನಲ್ಲಿ ಭಾನುವಾರ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಬ್ಯಾಟಿಂಗ್ ಮಾಡಿದ ಸೂಪರ್​ಜೈಂಟ್ಸ್ ತಂಡ, ಸೌರಭ್ ತಿವಾರಿ 57ರನ್ (45 ಎಸೆತ, 4X4, 2X6) ಹಾಗೂ ಸ್ಟೀವನ್ ಸ್ಮಿತ್ 45 ರನ್ (23ಎಸೆತ, 4X4, 3X6) ಗಳಿಸಿದರು. 5 ವಿಕೆಟ್​ಗೆ 159ರನ್ ಮಾತ್ರ ಗಳಿಸಿದ ಪುಣೆಗೆ ಬೂಮ್ರಾ (29ಕ್ಕೆ 3) ಬಿಗಿ ಬೌಲಿಂಗ್ ಕಟಂಕವಾಯಿತು.