ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2017 ವೇಳಾಪಟ್ಟಿ

ದುಬೈ, ಮಾರ್ಚ್. 08 : ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ (ಐಸಿಸಿ) ಬುಧವಾರ ವಿಶ್ವ ಮಹಿಳೆಯರ ದಿನದಂದು ಐಸಿಸಿ ಮಹಿಳಾ ಕ್ರಿಕೆಟ್ ವಿಶ್ವಕಪ್ 2017 ವೇಳಾಪಟ್ಟಿಯನ್ನು ಪ್ರಕಟಿಸಿದೆ.

ಒಟ್ಟು 28 ಪಂದ್ಯಗಳು, ಜೂನ್ 24 ರಿಂದ ಜುಲೈ 23ರವರಗೆ ಪಾಕಿಸ್ತಾನ, ವೆಸ್ಟ್ ಇಂಡೀಸ್, ಆಸ್ಟ್ರೇಲಿಯಾ ಮತ್ತು ದಕ್ಷಿಣ ಆಫ್ರಿಕಾ ಈ ನಾಲ್ಕು ರಾಷ್ಟ್ರಗಳ ಕ್ರಿಕೆಟ್ ಸ್ಟೇಡಿಯಂಗಳಲ್ಲಿ ಪಂದ್ಯಗಳು ನಡೆಯಲಿವೆ.[2017 ವಿಶ್ವಕಪ್ ಗೆ ಅರ್ಹತೆ ಪಡೆದ ಭಾರತ ಮಹಿಳಾ ಕ್ರಿಕೆಟ್ ತಂಡ]

ಜೂನ್ 24ರಂದು ಉದ್ಘಾಟನಾ ಪಂದ್ಯದಲ್ಲಿ ಭಾರತ ಹಾಗೂ ಇಂಗ್ಲೆಂಡ್ ಮಹಿಳಾ ತಂಡಗಳು ಡರ್ಬಿಯಲ್ಲಿ ಸೆಣಸಲಿವೆ. ಭಾರತ ಡರ್ಬಿಯಲ್ಲಿ ನಾಲ್ಕು ಪಂದ್ಯಗಳನ್ನು ಆಡಲಿದ್ದು ಜುಲೈ 2ರಂದು ಸಾಂಪ್ರದಾಯಿಕ ಎದುರಾಳಿ ಪಾಕಿಸ್ತಾನವನ್ನು ಎದುರಿಸಲಿದೆ.

ಜೂನ್ 29ರಂದು ವೆಸ್ಟ್ ಇಂಡೀಸ್, ಜುಲೈ 5 ಇಂಗ್ಲೆಂಡ್, ಜುಲೈ 8 ದಕ್ಷಿಣ ಆಫ್ರಿಕಾ, ಜುಲೈ 12 ಆಸ್ಟ್ರೇಲಿಯಾ, ಜುಲೈ 15ರಂದು ನ್ಯೂಜಿಲೆಂಡ್ ವಿರುದ್ಧ ಭಾರತ ಮಹಿಳಾ ತಂಡ ಆಡಲಿದೆ.

As we today celebrate #IWD2017 & the launch of #WWC17, take a look at what's in store this summer: https://t.co/QcGxSngEcP pic.twitter.com/gGgj6QjxSa

— ICC (@ICC) March 8, 2017

ಬ್ರಿಸ್ಟಲ್ ನಲ್ಲಿ ಜುಲೈ 18ರಂದು ಮೊದಲ ಸೆಮಿಫೈನಲ್ ನಡೆದರೆ ಡರ್ಬಿಯಲ್ಲಿ ಜುಲೈ 20 ರಂದು ಎರಡನೇ ಸೆಮಿಫೈನಲ್ ಪಂದ್ಯ ನಡೆಯಲಿದೆ. ಜುಲೈ 23 ಲಾರ್ಡ್ಸ್ ನಲ್ಲಿ ಫೈನಲ್ ಪಂದ್ಯ ನಡೆಯಲಿದೆ.