ಮಹಿಳಾ ಕ್ರಿಕೆಟ್ ವಿಶ್ವಕಪ್: 139 ದೇಶಗಳಲ್ಲಿ ನೇರಪ್ರಸಾರ

Posted By:
Subscribe to Oneindia Kannada

ಲಂಡನ್, ಜೂನ್ 20: ಇದೇ ತಿಂಗಳ 23ರಂದು ಆರಂಭಗೊಳ್ಳಲಿರುವ ಮಹಿಳಾ ಕ್ರಿಕೆಟ್ ವಿಶ್ವಕಪ್ ಪಂದ್ಯಾವಳಿಯನ್ನು 139 ರಾಷ್ಟ್ರಗಳಲ್ಲಿ ನೇರಪ್ರಸಾರ ಮಾಡಲಾಗುವುದು ಎಂದು ಅಂತಾರಾಷ್ಟ್ರೀಯ ಕ್ರಿಕೆಟ್ ಸಂಸ್ಥೆ (ಐಸಿಸಿ) ತಿಳಿಸಿದೆ. ಇಷ್ಟು ರಾಷ್ಟ್ರಗಳಲ್ಲಿ ಮಹಿಳೆಯರ ಕ್ರಿಕೆಟ್ ಪಂದ್ಯಾವಳಿಯೊಂದು ಪ್ರಸಾರವಾಗುತ್ತಿರುವುದು ಇದೇ ಮೊದಲು.

ಪಂದ್ಯಗಳಲ್ಲಿ ಉಪಯೋಗಿಸುವ ತಂತ್ರಜ್ಞಾನಗಳಲ್ಲೂ ಈ ಬಾರಿ ಹೊಸತನ ತರಲಾಗಿದ್ದು, ಲಾರ್ಡ್ಸ್ ನಲ್ಲಿ ಜುಲೈ 23ರಂದು ನಡೆಯಲಿರುವ ಫೈನಲ್ ಪಂದ್ಯದಲ್ಲಿ ಸ್ಪೈಡರ್ ಕ್ಯಾಮ್ ಹಾಗೂ ಡ್ರೋನ್ ಉಪಯೋಗಿಸಲಾಗುತ್ತದೆ. ಈ ರೀತಿಯ ವ್ಯವಸ್ಥೆಯನ್ನು ಮಹಿಳೆಯರ ಕ್ರಿಕೆಟ್ ಪಂದ್ಯವೊಂದಕ್ಕೆ ಅಳವಡಿಸುತ್ತಿರುವುದೂ ಇದೇ ಮೊದಲು.

ಮಹಿಳಾ ವಿಶ್ವಕಪ್: ವಿಜೇತರ ಬಹುಮಾನ ಮೊತ್ತ 10 ಪಟ್ಟು ಹೆಚ್ಚು!

ICC Women's World Cup 2017 will be live for 139 countries

ವಿವಿಧ ಖಂಡಗಳಲ್ಲಿನ ಜನರು ಐಸಿಸಿ ಟಿವಿ ಮೂಲಕವೇ ಈ ಪಂದ್ಯಗಳನ್ನು ನೇರಪ್ರಸಾರದ ರೂಪದಲ್ಲಿ ನೋಡಬಹುದು. ಫೈನಲ್ ಪಂದ್ಯಕ್ಕೆ ಸ್ಪೈಡರ್ ಕ್ಯಾಮ್, ಡ್ರೋನ್ ಜತೆಗೆ ವಿಶೇಷ ಕ್ಯಾಮೆರಾಗಳು, 8 ಹಾಕ್-ಐ ಕ್ಯಾಮೆರಾಗಳನ್ನೂ ಉಪಯೋಗಿಸಲಾಗುತ್ತಿದೆ.

ಈ ಮೊದಲು ಮಹಿಳೆಯರ ಕ್ರಿಕೆಟ್ ಪಂದ್ಯಾವಳಿಗಳಿಗೆ ಇಷ್ಟೆಲ್ಲಾ ಸೌಲಭ್ಯ ನೀಡಲಾಗುತ್ತಿರಲಿಲ್ಲ. ಆದರೆ, ಈ ಬಾರಿ ಮಾತ್ರ ಮಹಿಳೆಯರ ಕ್ರಿಕೆಟ್ ಗೆ ಉತ್ತೇಜನ ನೀಡುವ ಸಲುವಾಗಿ ಇಂಥ ಕ್ರಮಗಳನ್ನು ಕೈಗೊಳ್ಳಲಾಗಿದೆ.

ಕನ್ನಡ ಮ್ಯಾಟ್ರಿಮನಿಯಲ್ಲಿ ಸೂಕ್ತ ಸಂಗಾತಿಯನ್ನು ಆಯ್ಕೆ ಮಾಡಿ - ನೋಂದಣಿ ಉಚಿತ!

English summary
The ICC Women's World Cup 2017 will see unprecedented broadcast coverage as the International Cricket Council today announces the 31 match television and online schedule. The tournament will be covered as live coverage to 139 countries.
Please Wait while comments are loading...