ದುಬೈ ಸೆಪ್ಟೆಂಬರ್, 02 : 2017 ರ ಚಾಂಪಿಯನ್ಸ್ ಟ್ರೋಫಿ ಕ್ರಿಕೆಟ್ ಟೂರ್ನಿಗೆ ಈಗಿನಿಂದಲೇ ಟಿಕೆಟ್ ಗಾಗಿ ಐಸಿಸಿ ಆನ್ ಲೈನ್ ನಲ್ಲಿ ಅರ್ಜಿ ಅಹ್ವಾನಿಸಿದೆ. ಮುಂದಿನ ವರ್ಷ ಜೂನ್ 1 ರಿಂದ 18ರ ವರೆಗೆ ಇಂಗ್ಲೆಂಡ್ ನಲ್ಲಿ ನಡೆಯಲಿರುವ ಈ ಟೂರ್ನಿಯ ಪಂದ್ಯಗಳ ಟಿಕೆಟ್ ಗಳನ್ನು ಕಾಯ್ದಿರಿಸಲು ಅಂತಾರಾಷ್ಟ್ರೀಯ ಕ್ರಿಕೆಟ್ ಕೌನ್ಸಿಲ್ www.icc-cricket.com ವೆಬ್ ಸೈಟ್ ನಲ್ಲಿ ಅರ್ಜಿ ಸಲ್ಲಿಸಲು ಕೋರಿದೆ.
ಟೆಕೆಟ್ ಕಾಯ್ದಿರಿಸಲು ಸೆ.01 ರಿಂದ www.icc-cricket.com ವೆಬ್ ಸೈಟ್ ನಲ್ಲಿ ಆರಂಭವಾಗಿದ್ದು ಸೆ.30ರ ವರೆಗೆ ಟೆಕೆಟ್ ಗಾಗಿ ಅರ್ಜಿ ಸಲ್ಲಿಸಬಹುದು ಎಂದು ಐಸಿಸಿ ತಿಳಿಸಿದೆ. ಈ ಟೂರ್ನಿಯಲ್ಲಿ 15 ಲೀಗ್ ಪಂದ್ಯಗಳು ನಡೆಯಲಿದ್ದು, ಒಬ್ಬ ಅರ್ಜಿದಾರನಿಗೆ ಪಂದ್ಯದಗಳ ಅನುಗುಣವಾಗಿ 4 ರಿಂದ 10 ಟಿಕೆಟ್ ಗಳನ್ನು ನೀಡಲಾಗುತ್ತದೆ. ಮಕ್ಕಳಿಗೆ £5 ವಯಸ್ಕರರಿಗೆ £20 ದರವನ್ನು ಐಸಿಸಿ ನಿಗದಿಪಡಿಸಿದೆ.
ಇನ್ನು ಟೂರ್ನಿ ಪ್ರಾರಂಭವಾಗುವ 9 ತಿಂಗಳು ಮುಂಚಿತವಾಗಿಯೇ ಟಿಕೆಟ್ ಗಳಿಗೆ ಅರ್ಜಿ ಅಹ್ವಾಸಿರುವುದು ವಿಶೇಷ. ವಿಶ್ವ ಕ್ರಿಕೆಟ್ನಲ್ಲಿ ಐಸಿಸಿ ಚಾಂಪಿಯನ್ಸ್ ಟ್ರೋಫಿ ಎನ್ನುವುದೊಂದು ದೊಡ್ಡ ಟೂರ್ನಿಯಾಗಿದೆ. 2013ನೇ ಆವೃತ್ತಿಯ ಚಾಂಪಿಯನ್ಸ್ ಟ್ರೋಫಿ ಪಂದ್ಯಾವಳಿ ಯಶಸ್ವಿ ಕಂಡಿದೆ. ಈಗ 2017 ರ ಪಂದ್ಯವಳಿಗಳನ್ನು ಕ್ರಿಕೆಟ್ ಅಭಿಮಾನಿಗಳು ಎದುರುನೋಡುತ್ತಿದ್ದಾರೆಂದು ಐಸಿಸಿ ಮುಖ್ಯ ಕಾರ್ಯನಿರ್ವಹಕ ಡೇವಿಡ್ ರಿಚಾರ್ಡ್ ಸನ್ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.
ಈ ಟೂರ್ನಿಯಲ್ಲಿ 8 ತಂಡಗಳು 15 ಪಂದ್ಯಗಳನ್ನು ಆಡಲಿವೆ. 18 ದಿನಗಳ ಅವಧಿಯಲ್ಲಿ ಇಂಗ್ಲೆಂಡ್ ಮತ್ತು ವೇಲ್ಸ್ನ 3 ಕ್ರಿಕೆಟ್ ಮೈದಾನಗಳಲ್ಲಿ ಈ ಪಂದ್ಯಗಳು ನಡೆಯಲಿವೆ