ಭಾರತದ ಆರಂಭಿಕ ಜೋಡಿ- ರೋಹಿತ್ -ಶಿಖರ್ ರಿಂದ ಹೊಸ ದಾಖಲೆ

ಭಾರತದ ಯಶಸ್ವಿ ಆರಂಭಿಕ ಜೋಡಿ

ಐಸಿಸಿ ಆಯೋಜನೆಯ ಚಾಂಪಿಯನ್ಸ್ ಟ್ರೋಫಿ ಟೂರ್ನಮೆಂಟ್ ಗಳಲ್ಲಿ ಎರಡು ಬಾರಿ ಶತಕದ ಜೊತೆಯಾಟ ಸಾಧಿಸಿದ್ದು ಇದೇ ಮೊದಲು. ಜತೆಗೆ ಸತತ ಎರಡು ಬಾರಿ ಒಂದೇ ಟೂರ್ನಮೆಂಟ್ ನಲ್ಲಿ 100ರನ್ ಗಡಿ ದಾಟಿದ್ದು ಕೂಡಾ ರೋಹಿತ್ ಹಾಗ್ ಶಿಖರ್ ಅವರ ಸಾಧನೆ.

ರನ್ ಸರಾಸರಿಯಲ್ಲೂ ಮುಂದೆ

2015ರ ವಿಶ್ವಕಪ್ ನಂತರ (500 ಪ್ಲಸ್ ರನ್ ಗಳಿಸಿದ ಜೋಡಿಯನ್ನು ಮಾತ್ರ ಪರಿಗಣಿಸಿ) ಅತ್ಯಂತ ಯಶಸ್ವಿ ಜೋಡಿ ಎನಿಸಿಕೊಂಡಿರುವ ರೋಹಿತ್ ಶರ್ಮ ಹಾಗೂ ಶಿಖರ್ ಧವನ್ ಅವರು 55.10 ರನ್ ಸರಾಸರಿಯಂತೆ ರನ್ ಗಳಿಸಿದ್ದಾರೆ.

ಧವನ್ ದಾಖಲೆ

ಉತ್ತಮ ಲಯದಲ್ಲಿರುವ ಶಿಖರ್ ಧವನ್ ಅವರು ಈ ಪಂದ್ಯದಲ್ಲಿ ತಮ್ಮ ವೃತ್ತಿ ಬದುಕಿನ 19ನೇ ಅರ್ಧಾಶತಕ ಸಿಡಿಸಿದರು. ಇದರ ಜೊತೆಗೆ ಚಾಂಪಿಯನ್ಸ್ ಟ್ರೋಫಿಯಲ್ಲಿ ಅತ್ಯಂತ ತ್ವರಿತವಾಗಿ 500ರನ್ ಗಳಿಸಿದ ಮೊದಲ ಆಟಗಾರ ಎನಿಸಿಕೊಂಡರು. 7 ಇನ್ನಿಂಗ್ಸ್ ಗಳಲ್ಲಿ 500ರನ್ ಗಡಿ ದಾಟಿದ್ದಾರೆ.

ಭಾರತ ಹಾಗೂ ಶ್ರೀಲಂಕಾ

ಭಾರತ ಹಾಗೂ ಶ್ರೀಲಂಕಾ ನಡುವೆ ಇದು 150ನೇ ಏಕದಿನ ಪಂದ್ಯವಾಗಿದ್ದು, ವಿಶ್ವದ ಯಾವುದೇ ತಂಡದ ನಡುವೆ ಇಷ್ಟು ಏಕದಿನ ಪಂದ್ಯಗಳು ನಡೆದಿಲ್ಲ. ಎರಡನೇ ಸ್ಥಾನದಲ್ಲಿ ಶ್ರೀಲಂಕಾ ಹಾಗೂ ಪಾಕಿಸ್ತಾನವಿದ್ದು, ಉಭಯ ತಂಡಗಳು 147 ಪಂದ್ಯಗಳನ್ನಾಡಿವೆ.