ನವದೆಹಲಿ, ಅಕ್ಟೋಬರ್ 21: ಭಾರತ ಹಾಗೂ ಆಸ್ಟ್ರೇಲಿಯಾ ನಡುವಿನ ಟೆಸ್ಟ್ ಸರಣಿಯ ವೇಳಾಪಟ್ಟಿಯನ್ನು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ(ಬಿಸಿಸಿಐ) ಶುಕ್ರವಾರ ಪ್ರಕಟಿಸಿದೆ.
ಬಾರ್ಡರ್ -ಗವಾಸ್ಕರ್ ಟ್ರೋಫಿಗಾಗಿ ವಿರಾಟ್ ಕೊಹ್ಲಿ ನೇತೃತ್ವದ ಭಾರತ ಹಾಗೂ ಸ್ಟೀವ್ ಸ್ಮಿತ್ ನೇತೃತ್ವದ ಆಸ್ಟ್ರೇಲಿಯಾ ಸೆಣಸಾಡಲಿವೆ. ಪುಣೆ, ಬೆಂಗಳೂರು, ರಾಂಚಿ ಹಾಗೂ ಧರ್ಮಶಾಲದಲ್ಲಿ ನಾಲ್ಕು ಟೆಸ್ಟ್ ಪಂದ್ಯಗಳು ನಡೆಯಲಿವೆ.[500 ಟೆಸ್ಟ್ ಪಂದ್ಯಗಳು, 32 ಟೀಂ ಇಂಡಿಯಾ ಕ್ಯಾಪ್ಟನ್ಸ್]
ಮೊದಲ ಟೆಸ್ಟ್ ಪಂದ್ಯ ಪುಣೆಯಲ್ಲಿ ಫೆಬ್ರವರಿ 23ರಿಂದ 27ರ ತನಕ ನಿಗದಿಯಾಗಿದೆ. ಕಳೆದ ಬಾರಿ 2013ರಲ್ಲಿ ಎಂಎಸ್ ಧೋನಿ ನೇತೃತ್ವ ಭಾರತದ ಎದುರು ಆಸ್ಟ್ರೇಲಿಯಾ ತಂಡ 4-0 ಅಂತರದಲ್ಲಿ ಸರಣಿ ವೈಟ್ ವಾಶ್ ಮಾಡಿಸಿಕೊಂಡಿತ್ತು.[ಭಾರತಕ್ಕೆ ಇಂಗ್ಲೆಂಡ್ ಪ್ರವಾಸ, ಬೆಂಗ್ಳೂರಲ್ಲಿ 1 ಟಿ20 ಪಂದ್ಯ]
ಟೀಂ ಇಂಡಿಯಾ ಇನ್ನೂ 10 ಟೆಸ್ಟ್ ಪಂದ್ಯ, 6 ಏಕದಿನ ಪಂದ್ಯ ಹಾಗೂ 3 ಟಿ20 ಅಂತಾರಾಷ್ಟ್ರೀಯ ಪಂದ್ಯಗಳನ್ನು ತವರು ನೆಲದಲ್ಲಿ ಆಡಬೇಕಿದೆ. ಭಾರತ ಪ್ರವಾಸ ಕೈಗೊಳ್ಳಲಿರುವ ಆಸ್ಟ್ರೇಲಿಯಾ ತಂಡ ಯಾವುದೇ ಏಕದಿನ ಹಾಗೂ ಟಿ20 ಪಂದ್ಯಗಳನ್ನಾಡುತ್ತಿಲ್ಲ.[ಈ ಕಾಲಘಟ್ಟದ ವಿಶ್ವ ಟೆಸ್ಟ್ XIಗೆ ಕೊಹ್ಲಿ ನಾಯಕ!]
ಬಾರ್ಡರ್ -ಗವಾಸ್ಕರ್ ಟ್ರೋಫಿ 2017ರ ವೇಳಾಪಟ್ಟಿ:
* ಮೊದಲ ಟೆಸ್ಟ್ (ಫೆಬ್ರವರಿ 23 ರಿಂದ 27) -ಪುಣೆ[2016-17: 13 ಟೆಸ್ಟ್, 8 ಒಡಿಐ, 3 ಟಿ20 ಟೀಂ ಇಂಡಿಯಾ ವೇಳಾಪಟ್ಟಿ]
* ಎರಡನೇ ಟೆಸ್ಟ್ (ಮಾರ್ಚ್ 4 ರಿಂದ 8) -ಬೆಂಗಳೂರು
* ಮೂರನೇ ಟೆಸ್ಟ್ (ಮಾರ್ಚ್ 16 ರಿಂದ 20) -ರಾಂಚಿ
* ನಾಲ್ಕನೇ ಟೆಸ್ಟ್ (ಮಾರ್ಚ್ 25 ರಿಂದ 29) -ಧರ್ಮಶಾಲ
(ಒನ್ಇಂಡಿಯಾ ಸುದ್ದಿ)