ಇಂಗ್ಲೆಂಡ್ ಕ್ರಿಕೆಟರ್ ಗೆ ಬಲವಂತದ ನಿವೃತ್ತಿ ಶಿಕ್ಷೆ ಏಕೆ?

ಲಂಡನ್, ಏಪ್ರಿಲ್ 12: ಇಂಗ್ಲೆಂಡಿನ ಯುವ ಪ್ರತಿಭಾವಂತ ಟೆಸ್ಟ್ ಕ್ರಿಕೆಟರ್ ರೊಬ್ಬರು ಬಲವಂತವಾಗಿ ನಿವೃತ್ತಿ ಹೊಂದಬೇಕಾದ ಶಿಕ್ಷೆಗೆ ಗುರಿಯಾಗಿದ್ದಾರೆ. ಬಲಗೈ ಬ್ಯಾಟ್ಸ್ ಮನ್ ಜೇಮ್ಸ್ ಟೇಲರ್ ಅವರು ತೀವ್ರವಾದ ಹೃದಯ ಸಂಬಂಧಿ ಕಾಯಿಲೆಗೆ ತುತ್ತಾಗಿದ್ದು, ಅನಿವಾರ್ಯವಾಗಿ ಅಕಾಲಿಕ ನಿವೃತ್ತಿ ಪಡೆದುಕೊಳ್ಳಬೇಕಿದೆ.

ಇಂಗ್ಲೆಂಡ್ ಹಾಗೂ ವೇಲ್ಸ್ ಕ್ರಿಕೆಟ್ ಬೋರ್ಡ್ (ಇಸಿಬಿ) ಮಂಗಳವಾರ ಈ ಬಗ್ಗೆ ಪ್ರಕಟಣೆ ಹೊರಡಿಸಿದ್ದು, 26 ವರ್ಷ ವಯಸ್ಸಿನ ನ್ಯಾಟಿಂಗ್ ಹ್ಯಾಮ್ ಶೈರ್ ನ ಬಲಗೈ ಬ್ಯಾಟ್ಸ್ ಮನ್ ಜೇಮ್ಸ್ ಟೇಲರ್ ಅವರ ವೃತ್ತಿ ಬದುಕಿಗೆ ಅನಿವಾರ್ಯವಾಗಿ ವಿದಾಯ ಹೇಳಬೇಕಿದೆ ಎಂದು ತಿಳಿಸಲಾಗಿದೆ.[ಕ್ರಿಕೆಟ್ ದುರಂತ: ಇಂಗ್ಲೆಂಡ್ ವಿಕೆಟ್ ಕೀಪರ್ ವೃತ್ತಿ ಅಂತ್ಯ]

ಕಳೆದ ವಾರದ ಕೇಂಬ್ರಿಡ್ಜ್ ಎಂಸಿಸಿಯು ವಿರುದ್ಧದ ಪಂದ್ಯಕ್ಕೂ ಮುನ್ನ ಅಸ್ವಸ್ಥಗೊಂಡಿದ್ದ ಟೇಲರ್ ಅವರು ನಂತರ ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಹೋದಾಗ ಆಘಾತಕಾರಿ ವಿಷಯ ತಿಳಿದು ಬಂದಿದೆ.[ಮಾರ್ಕ್ ಬೌಚರ್ ಕ್ರಿಕೆಟ್ ಜೀವನ ದುರಂತ ಅಂತ್ಯ]

Terrible news @jamestaylor20’s career sadly brought to an end by a serious heart condition
We’re all with you Titch pic.twitter.com/qNa6gFZKGK

— England Cricket (@englandcricket) April 12, 2016

ಜೇಮ್ಸ್ ಟೇಲರ್ ಅವರು ಇಂಗ್ಲೆಂಡ್ ಪರ 7 ಟೆಸ್ಟ್ ಪಂದ್ಯ ಹಾಗೂ 27 ಏಕದಿನ ಅಂತಾರಾಷ್ಟ್ರೀಯ ಪಂದ್ಯಗಳನ್ನಾಡಿದ್ದಾರೆ. 2011ರಲ್ಲಿ ಒಡಿಐ ಹಾಗೂ 2012ರಲ್ಲಿ ಟೆಸ್ಟ್ ತಂಡವನ್ನು ಸೇರಿದ್ದರು.ಬಲವಂತದ ನಿವೃತ್ತಿ ಬಗ್ಗೆ ಜೇಮ್ಸ್ ಟೇಲರ್ ಕೂಡಾ ಟ್ವೀಟ್ ಮಾಡಿ ಹೋರಾಟ ಮುಂದುವರೆಯಲಿದೆ ಎಂದಿದ್ದಾರೆ.