ಸರಳತೆಗೆ ಮತ್ತೊಂದು ಹೆಸರು ಎಂಎಸ್ ಧೋನಿ

ಆತ ಟೀಂ ಇಂಡಿಯಾ ಕಂಡ ಶ್ರೇಷ್ಠ ನಾಯಕ, ಸದ್ಯ ಏಕದಿನ ಮತ್ತು ಟಿ-20 ತಂಡ ಮುನ್ನಡೆಸುತ್ತಿರುವ ನಾವಿಕ, ಏಕದಿನ ವಿಶ್ವಕಪ್, ಐಸಿಸಿ ಚಾಂಪಿಯನ್ಸ್ ಟ್ರೋಫಿ, ಟಿ-20 ವಿಶ್ವ ಕಪ್, ಏಷ್ಯಾ ಕಪ್ ಗಳನ್ನು ಭಾರತಕ್ಕೆ ಗೆದ್ದು ಕೊಟ್ಟ ಏಕೈಕ ನಾಯಕ.

ಹೌದು,, ನಾವು ಹೇಳುತ್ತಿರುವುದು ಮಹೇಂದ್ರ ಸಿಂಗ್ ಧೋನಿ ಅವರ ಬಗ್ಗೆಯೇ. ಎಂಎಸ್ ಮೊದಲಿನಿಂದಲೂ ಸರಳತೆಗೆ ಹೆಸರು. ಆಗಾಗ ತಮ್ಮ ಕೇಶ ವಿನ್ಯಾಸ ಬದಲು ಮಾಡಿ ಸುದ್ದಿ ಮಾಡುತ್ತಿದ್ದ ಫಿನಿಶರ್ ಈ ಬಾರಿ ಸುದ್ದಿ ಮಾಡಿರುವುದು ಸರಳತೆಗೆ.[ಹೇರ್ ಕಟಿಂಗ್ ಸ್ವಾರಸ್ಯಗಳನ್ನು ತಿಳಿದುಕೊಳ್ಳಿ]

ಯಾವುದೋ ಫೈ ಸ್ಟಾರ್ ರೇಂಜಿನ ಕಟಿಂಗ್ ಶಾಪ್ ಗೆ ಹೋಗಿ ಎಂ ಎಸ್ ಕಟಿಂಗ್ ಮಾಡಿಸಿಕೊಂಡರೆ ನಮಗೇನು? ಎಂದು ಸುಮ್ಮನಾಗಬೇಡಿ. ಈ ಬಾರಿ ನಾಯಕ ಧೋನಿ ತಮ್ಮ ಹೇರ್ ಕಟ್ ಗೆ ತೆರಳಿದ್ದು ಸಾಮಾನ್ಯ ಶಾಪ್ ವೊಂದಕ್ಕೆ.[ವಿರಾಟ್ ಕೊಹ್ಲಿ ಕೇಶ ವಿನ್ಯಾಸ ಬದಲಾಗಿದೆ ನೋಡಿದಿರಾ?]

ಇದೇ ಕಾರಣಕ್ಕೆ ಧೋನಿ ಅಭಿಮಾನಿಗಳಿಗೆ ಮತ್ತಷ್ಟು ಇಷ್ಟ ಆಗುತ್ತಾರೆ. ಹೇರ್ ಕಟ್ ಮಾಡಿಸಿಕೊಳ್ಳುತ್ತಿರುವ ಫೋಟೋವನ್ನು ಸಾಮಾಜಿಕ ತಾಣ ಫೇಸ್ ಬುಕ್ ನಲ್ಲಿ ಧೋನಿ ಹರಿಯಬಿಟ್ಟಿದ್ದಾರೆ. ಈ ಫೋಟೋಕ್ಕೆ ಆರು ಲಕ್ಷ ಲೈಕ್ ಗಳು ಬಂದಿದ್ದರೆ 8 ಸಾವಿರಕ್ಕೂ ಅಧಿಕ ಶೇರ್ ಕಂಡಿದೆ.[ರಿಕಿ ಪಾಂಟಿಂಗ್ ದಾಖಲೆ ಸಮಕ್ಕೆ ಎಂಎಸ್ ಧೋನಿ]

ಪ್ರತಿ ಬಾರಿ ತಂಡ ಕಪ್ ಗೆದ್ದಾಗ ಹೊಸ ಹುಡುಗರ ಕೈಗೆ ಕಪ್ ನೀಡಿ ಪ್ರೋತ್ಸಾಹ ಇಮ್ಮಡಿಗೊಳಿಸುವ ಎಂಎಸ್ ಈ ಬಾರಿ ಸರಳತೆ ಮೆರೆದು ಸುದ್ದಿ ಮಾಡಿದ್ದಾರೆ.