ಗ್ರಾಸ್ ಐಸ್ಲೆ, ಆಗಸ್ಟ್ 10: ವೆಸ್ಟ್ ಇಂಡೀಸ್ ವಿರುದ್ಧದ ಮೂರನೇ ಟೆಸ್ಟ್ ಪಂದ್ಯದ ಎರಡನೇ ದಿನದಂದು ಆರ್ ಅಶ್ವಿನ್ ಹಾಗೂ ವೃದ್ಧಿಮಾನ್ ಸಹಾ ಅಮೋಘ ಶತಕ ಬಾರಿಸಿದ್ದಾರೆ. ಅಶ್ವಿನ್ ಹಾಗೂ ವೃದ್ಧಿಮಾನ್ ದಾಖಲೆಯ ಜೊತೆಯಾಟದ ನೆರವಿನಿಂದ ಡರೆನ್ ಸಾಮಿ ಸ್ಟೇಡಿಯಂನಲ್ಲಿ ಬುಧವಾರ ವಿಂಡೀಸ್ ವಿರುದ್ಧ ಭಾರತ ಸುಸ್ಥಿತಿ ತಲುಪಿದರೂ 129.4 ಓವರ್ ಗಳಲ್ಲಿ 353 ಸ್ಕೋರಿಗೆ ಆಲೌಟ್ ಆಗಿದೆ.
| ಮೊದಲ ದಿನದ ಆಟದ ವರದಿ
ಅಶ್ವಿನ್ ಕೂಡಾ 6 ಬೌಂಡರಿ ಹಾಗೂ ಒಂದು ಸಿಕ್ಸರ್ ಇದ್ದ 118 ರನ್ ಗಳಿಸಿ ಕಮಿನ್ಸ್ ಗೆ ವಿಕೆಟ್ ಒಪ್ಪಿಸಿದರು. ಜಡೇಜ ಕೇವಲ 6 ರನ್ ಗಳಿಸಿದರು.
ಮೊದಲ ದಿನದ ಅಂತ್ಯಕ್ಕೆ ಭಾರತ 234/5 ಸ್ಕೋರ್ ಮಾಡಿತ್ತು. ಅಶ್ವಿನ್ 75 ಹಾಗೂ ಸಹಾ 46 ರನ್ ಗಳಿಸಿದ್ದರು. ಎರಡನೇ ದಿನದ ಭೋಜನ ವಿರಾಮದ ವೇಳೆಗೆ ಅಶ್ವಿನ್ 99 ರನ್ ಹಾಗೂ ಸಹಾ 93 ರನ್ ಗಳಿಸಿ 316/6 ಮೊತ್ತಕ್ಕೇರಿಸಿದರು. ಅಶ್ವಿನ್ ಹಾಗೂ ಸಹಾ 6 ನೇ ವಿಕೆಟ್ ಗೆ 65.3 ಓವರ್ ಗಳಲ್ಲಿ 200 ಪ್ಲಸ್ ರನ್ ಜೊತೆಯಾಟ ಸೇರಿಸಿದ್ದರು.