ಬ್ರಿಸ್ಬೇನ್, ಜನವರಿ, 15: ಸಂಕ್ರಾಂತಿ ದಿನ ಭಾರತಕ್ಕೆ ಬೆಲ್ಲವಿಲ್ಲ. ಆಸ್ಟ್ರೇಲಿಯಾ ವಿರುದ್ಧದ 2ನೇ ಏಕದಿನ ಪಂದ್ಯದಲ್ಲೂ ಭಾರತಕ್ಕೆ ಸೋಲಾಗಿದೆ. ಭಾರತ ನೀಡಿದ್ದ 309 ರನ್ ಗುರಿಯನ್ನು ಆಸ್ಟ್ರೇಲಿಯಾ ಅನಾಯಾಸವಾಗಿ ಮುಟ್ಟಿ ವಿಜಯದ ಕಹಳೆ ಮೊಳಿಸಿತು.
ಟಾಸ್ ಗೆದ್ದು ಮೊದಲು ಬ್ಯಾಟಿಂಗ್ ಮಾಡಿದ ಭಾರತ ಆರಂಭಿಕ ರೋಹಿತ್ ಶರ್ಮಾ ಶತಕದ ನೆರವಿನಿಂದ 308 ರನ್ ಮೊತ್ತವನ್ನೇ ಕಲೆಹಾಕಿತ್ತು. ಆದರೆ ಆರಂಭಿಕ ಪಿಂಚ್, ಮಾರ್ಶ್ ಮತ್ತು ಬೈಲಿ ಅರ್ಧಶತಕಗಳು ಪಂದ್ಯವನ್ನು ಭಾರತದಿಂದ ಕಸಿದುಕೊಂಡಿತು. ತಂಡಕ್ಕೆ ಮರಳಿದ ಇಶಾಂತ್ ಶರ್ಮಾ ಸಹ ಬೌಲಿಂಗ್ ನಲ್ಲಿ ಪ್ರಭಾವ ಬೀರಲು ಸಾಧ್ಯವಾಗಲಿಲ್ಲ. [ಪರ್ತ್ ನಲ್ಲಿ ರೋಹಿತ್ ಶರ್ಮಾ ಬರೆದ ದಾಖಲೆಗಳಿವು]
ಸ್ಕೋರ್ ಬೋರ್ಡ್
ಸಂಘಟಿತ ಹೋರಾಟ ನೀಡಿದ ಆಸ್ಟ್ರೇಲಿಯಾ 5 ಪಂದ್ಯಗಳ ಸರಣಿಯಲ್ಲಿ 2-0ದ ಮುನ್ನಡೆ ಸಾಧಿಸಿತು. ಶತಕ ದಾಖಲಿಸಿದ ರೋಹಿತ್ ಶರ್ಮಾ ಪಂದ್ಯ ಪುರುಷೋತ್ತಮ ಪ್ರಶಸ್ತಿಗೆ ಭಾಜನರಾದರು.