ಲಾಲು ಪ್ರಸಾದ ಯಾದವ್

ಪಾಟ್ನಾ ವಿಶ್ವವಿದ್ಯಾಲಯದ ಬಿ.ಎನ್. ಕಾಲೇಜಿನಿಂದ ಎಲ್‌ಎಲ್‌ಬಿ ಡಿಗ್ರಿ ಹಾಗೂ ರಾಜ್ಯಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಪಡೆದ ಲಾಲು ಪ್ರಸಾದ ಯಾದವ್ ಪಾಟ್ನಾದ ಬಿಹಾರ ವೆಟರ್ನರಿ ಕಾಲೇಜಿನಲ್ಲಿ ಕ್ಲರ್ಕ ಆಗಿ ವೃತ್ತಿ ಆರಂಭಿಸಿದರು. ಇವರ ಹಿರಿಯ ಸಹೋದರ ಇದೇ ಕಾಲೇಜಿನಲ್ಲಿ ಗುಮಾಸ್ತರಾಗಿದ್ದರು. ಲಾಲು ಪ್ರಸಾದ ಅವರಿಗೆ ಒಟ್ಟು 6 ಜನ ಸಹೋದರ, ಸಹೋದರಿಯರಿದ್ದಾರೆ. ಲಾಲು ಪ್ರಸಾದ ಹಾಗೂ ರಾಬ್ರಿ ದೇವಿ ದಂಪತಿಗೆ 9 ಜನ ಮಕ್ಕಳಿದ್ದಾರೆ. ಇದರಲ್ಲಿ ಇಬ್ಬರು ಪುತ್ರರು ಹಾಗೂ 7 ಜನ ಪುತ್ರಿಯರು. ಫುಟಬಾಲ್, ಕುಸ್ತಿ, ಕ್ರಿಕೆಟ್, ಬ್ಯಾಡ್ಮಿಂಟನ್, ಕಬಡ್ಡಿ ಹಾಗೂ ಇನ್ನಿತರ ಆಟಗಳಲ್ಲಿ ಲಾಲು ಆಸಕ್ತಿ ಹೊಂದಿದ್ದಾರೆ. 2001 ರಲ್ಲಿ ಇವರು ಬಿಹಾರ ಕ್ರಿಕೆಟ್ ಅಸೋಸಿಯೇಶನ್ ಅಧ್ಯಕ್ಷರಾಗಿದ್ದರು. ಛಾಪ್ರಾ ಹಾಗೂ ಪಾಟ್ನಾಗಳಲ್ಲಿರುವ ಸ್ಪೋರ್ಟ್ಸ ಕ್ಲಬ್‌ಗಳೊಂದಿಗೆ ಇವರು ನಿಕಟ ಒಡನಾಟ ಹೊಂದಿದ್ದಾರೆ. 1990ರ ಸೆಪ್ಟೆಂಬರ್ 23 ರಂದು ರಾಮರಥ ಯಾತ್ರೆ ಮೂಲಕ ಅಯೋಧ್ಯೆಗೆ ತೆರಳುತ್ತಿದ್ದ ಎಲ್.ಕೆ. ಅಡ್ವಾಣಿ ಅವರನ್ನು ಸಮಸ್ತಿಪುರದಲ್ಲಿ ಬಂಧಿಸುವ ಮೂಲಕ ಲಾಲು ಪ್ರಸಾದ ಯಾದವ್ ಸೆಕ್ಯೂಲರ್ ಮುಖಂಡನಾಗಿ ಗುರುತಿಸಿಕೊಂಡರು.
ಲಾಲು ಪ್ರಸಾದ ವಿರುದ್ಧದ ಪ್ರಮುಖ ಕೇಸುಗಳು ಹೀಗಿವೆ:
1. 1998: ಆದಾಯಕ್ಕೆ ಮಿರಿದ ಆಸ್ತಿ ಸಂಪಾದನೆ ಪ್ರಕರಣ
2. 1996: ಮೇವು ಹಗರಣ- 2ನೇ ಪ್ರಕರಣದಲ್ಲಿ ದೇವಘರ ಖಜಾನೆಗೆ 89.27 ಲಕ್ಷ ರೂ. ವಂಚನೆ ಆರೋಪ. 2017ರಲ್ಲಿ ಅಪರಾಧಿ ಎಂದು ತೀರ್ಪು.
3. 1996: ಮೇವು ಹಗರಣ- 3ನೇ ಪ್ರಕರಣದಲ್ಲಿ ಚಾಯಬಾಸಾ ಖಜಾನೆಗೆ 35.62 ಕೋಟಿ ರೂ. ವಂಚನೆ ಆರೋಪ. 2018ರಲ್ಲಿ ಅಪರಾಧಿ ಎಂದು ತೀರ್ಪು.
4. 1996: ಮೇವು ಹಗರಣ- 4ನೇ ಪ್ರಕರಣದಲ್ಲಿ ಡುಮ್ಕಾ ಖಜಾನೆಗೆ 3.97 ಕೋಟಿ ರೂ. ವಂಚನೆ ಆರೋಪ. ೨೦೧೮ ರಲ್ಲಿ ಅಪರಾಧಿ ಎಂದು ತೀರ್ಪು.
5. 1996: ಮೇವು ಹಗರಣ- 5ನೇ ಪ್ರಕರಣದಲ್ಲಿ ದೋರಂಡಾ ಖಜಾನೆಗೆ 184 ಕೋಟಿ ರೂ. ವಂಚನೆ ಆರೋಪ. ಈ ಪ್ರಕರಣ ವಿಚಾರಣೆ ಹಂತದಲ್ಲಿದೆ.
6. 2005: ಭಾರತೀಯ ರೈಲ್ವೆ ಟೆಂಡರ್ ಹಗರಣ: ಲಾಲು ಪ್ರಸಾದ ಕುಟುಂಬದ ವಿರುದ್ಧ ಪ್ರಕರಣ ದಾಖಲಿಸಿದ ಸಿಬಿಐ
7. 2017: ಡಿಲೈಟ್ ಪ್ರಾಪರ್ಟೀಸ್ 45 ಕೋಟಿ ರೂ. ಆದಾಯಕ್ಕೆ ಮಿರಿದ ಆಸ್ತಿ ಸಂಪಾದನೆ ಹಾಗೂ ತೆರಿಗೆ ವಂಚನೆ ಪ್ರಕರಣ. ಜಾರಿ ನಿರ್ದೇಶನಾಲಯದಿಂದ ಲಾಲು ಪ್ರಸಾದ ಕುಟುಂಬದ ವಿರುದ್ಧ ಪ್ರಕರಣ ದಾಖಲು.
8. 2017: ಎಬಿ ಎಕ್ಸಪೋರ್ಟ್ಸ್ ಆದಾಯಕ್ಕೆ ಮೀರಿದ ಆಸ್ತಿ ಸಂಪಾದನೆ ಹಾಗೂ ತೆರಿಗೆ ವಂಚನೆ ಪ್ರಕರಣ. ಲಾಲು ಪ್ರಸಾದ ಕುಟುಂಬದ ವಿರುದ್ಧ ಜಾರಿ ನಿರ್ದೇಶನಾಲಯದಿಂದ ಪ್ರಕರಣ ದಾಖಲು.
9. 2017: ಪಾಟ್ನಾ ಝೂ ಮಣ್ಣು ಹಗರಣ

2004 ರಲ್ಲಿ ಪಾಟ್ನಾ ವಿಶ್ವವಿದ್ಯಾಲಯದಿಂದ ಗೌರವ ಡಾಕ್ಟರೇಟ್ ಪಡೆದರು. 1990 ರಲ್ಲಿ ಆರ್ಥಿಕ ಸುಧಾರಣೆ ಕ್ರಮಗಳಿಗಾಗಿ ಇವರ ಪಕ್ಷ ವಿಶ್ವ ಬ್ಯಾಂಕ್ ಹೊಗಳಿಕೆಗೆ ಪಾತ್ರವಾಯಿತು.