ಉಡುಪಿಯಲ್ಲಿ ಭಾಗೀರಥಿ ಜನ್ಮದಿನ ಸಂಪನ್ನ; ಉತ್ಸವಗಳಿಗೆ ತೆರೆ

ಉಡುಪಿಯ ಶ್ರೀ ಕೃಷ್ಣ ಮಠದಲ್ಲಿ ಭಾಗೀರಥಿ ಜನ್ಮದಿನ ಸಂಪನ್ನವಾಯಿತು. ಕೃಷ್ಣಮಠದಲ್ಲಿ ನಡೆದ ವಿವಿಧ ಉತ್ಸವಗಳಿಗೆ ತೆರೆ ಬಿದ್ದಿತು.

ರಥೋತ್ಸವದಲ್ಲಿ ಪರ್ಯಾಯ ಅದಮಾರು ಶ್ರೀ ಈಶಪ್ರಿಯತೀರ್ಥ ಶ್ರೀಪಾದರು, ಭಾವೀ ಪರ್ಯಾಯ ಕೃಷ್ಣಾಪುರ ಶ್ರೀ ವಿದ್ಯಾಸಾಗರತೀರ್ಥ ಶ್ರೀಪಾದರು, ಕಾಣಿಯೂರು ಶ್ರೀ ವಿದ್ಯಾವಲ್ಲಭತೀರ್ಥ ಶ್ರೀಪಾದರು ಪಾಲ್ಗೊಂಡಿದ್ದರು.

ಕೃಷ್ಣಮಠದಲ್ಲಿ ನಡೆಯುತ್ತಿದ್ದ ಉತ್ಸವಗಳಿಗೆ ತೆರೆ ಬಿದ್ದಿದೆ. ಉತ್ಸವ ಮೂರ್ತಿಯನ್ನು ಗರ್ಭಗುಡಿಯೊಳಗೆ ಇರಿಸಲಾಯಿತು. ಮುಂಬರುವ ಉತ್ಥಾನ ದ್ವಾದಶಿವರೆಗೆ ದೇವರು ಶಯನದಲ್ಲಿರುತ್ತಾರೆ ಎಂಬ ನಂಬಿಕೆ ಭಕ್ತರಲ್ಲಿದೆ.

ಭಾಗೀರಥಿ ಜನ್ಮದಿನ ಪ್ರಯುಕ್ತ ವಿವಿಧ ಧಾರ್ಮಿಕ ಪ್ರಕ್ರಿಯೆಗಳು ಜರುಗಿದವು. ವಿಶೇಷ ಪೂಜೆಗಳನ್ನು ಸಲ್ಲಿಕೆ ಮಾಡಲಾಯಿತು.

ಉಡುಪಿಯ ಶ್ರೀಕೃಷ್ಣಮಠದಲ್ಲಿ ಭಾಗೀರಥಿ ಜನ್ಮದಿನದ ಪ್ರಯುಕ್ತ ಮಧ್ವ ಸರೋವರದ ಭಾಗೀರಥಿ ಗುಡಿಯ ಮುಂಭಾಗದಲ್ಲಿ ಶ್ರೀ ಈಶಪ್ರಿಯ ತೀರ್ಥ ಶ್ರೀಪಾದರು ತೊಟ್ಟಿಲು ಪೂಜೆ ನಡೆಸಿದರು.

ಭಾಗೀರಥಿ ಜನ್ಮದಿನ ಪ್ರಯುಕ್ತ ವಿವಿಧ ಧಾರ್ಮಿಕ ಪ್ರಕ್ರಿಯೆಗಳು ಜರುಗಿದವು. ರಥೋತ್ಸವ ನಡೆಯಿತು.