ಬಸವನ ಗುಡಿಯಲ್ಲಿ ಕಡಲೆಕಾಯಿ ಪರಿಷೆ; ಗಮನ ಸೆಳೆದ ಕಡಲೆಕಾಯಿ ವಿವಿಧ ತಳಿಗಳು

ಪ್ರತಿ ವರ್ಷ ಕಾರ್ತಿಕ ಮಾಸದ ಕೊನೆಯ ಸೋಮವಾರದಂದು ಬಸವನಗುಡಿ ಕಡಲೆಕಾಯಿ ಪರಿಷೆ ನಡೆಯುತ್ತದೆ. ಅದೇ ರೀತಿ ಈಬಾರಿಯೂ ಸೋಮವಾರದಿಂದ ಜಾತ್ರೆ ಸಂಭ್ರದಿಂದ ಆರಂಭವಾಗಿತ್ತು. 

ಪರಿಷೆಯಲ್ಲಿ ಎಲ್ಲಿ ನೋಡಿದರೂ ಸದ್ದೋ ಸದ್ದು.. ಸಣ್ಣ ಮಕ್ಕಳಿಂದ ಹಿಡಿದು ದೊಡ್ಡವರು ಸಹ ಕಿರುಚಾಡುತ್ತಾ ಪರಿಷೆಯ ರಂಗನ್ನು ಮತ್ತಷ್ಟು ಹೆಚ್ಚಿದ್ದರು.

ಬಸವನಗುಡಿಯಲ್ಲಿ ಸಾಮಾನ್ಯವಾಗಿ ಪರಿಷೆ ವ್ಯಾಪಾರಿಗಳ ಮುಖದಲ್ಲಿ ಮಂದಹಾಸ ತುಂಬಿ ತುಳುಕುತ್ತಿದ್ದು, ವ್ಯಾಪಾರಿಗಳು ಬಿಡುವಿಲ್ಲದೇ ವ್ಯಾಪಾರ ಮಾಡಿದಲ್ಲಿ ತೊಡಗಿದ್ದರು.

ಕಡಲೆ ಪರಿಷೆಯಲ್ಲಿ ಬರೀ ರೈತ ಸಮುದಾಯದವರಲ್ಲದೇ, ಬಲೂನ್‌ ಮಾರಾಟಗಾರರು, ಹಣ್ಣಿನ ವ್ಯಾಪಾರಿಗಳು, ಬಟ್ಟೆ ವ್ಯಾಪಾರಿಗಳು ಸಹ ಟೆಂಟ್‌ ಹಾಕಿದ್ದು, ಗಮನ ಸೆಳೆದಿದೆ.

ಕಡಲೆಕಾಯಿ ಪರಿಷೆಯಲ್ಲಿ ಕಡಲೆಕಾಯಿಯ ವಿವಿಧ ತಳಿಗಳು ಗಮನ ಸೆಳೆದಿದ್ದು, ಎರಡು-ಬೀಜ, ಮೂರು-ಬೀಜ ಮತ್ತು ಏಕ-ಬೀಜದ ಕಡಲೆಕಾಯಿಗಳು ಲಭ್ಯವಿತ್ತು.

ಇತಿಹಾಸದ ಪ್ರಕಾರ ಪ್ರತಿ ವರ್ಷ ಕಡಲೆಕಾಯಿ ಬೆಳೆಗಳು ಕೊಯ್ಲಿಗೆ ಸಿದ್ಧವಾಗಿರುವ ಜಮೀನಿನ ಮೇಲೆ ಕಳ್ಳತನ ಸೇರಿದಂತೆ ಇನ್ನಿತರ ಸಮಸ್ಯೆಗಳು ಎದುರಾಗಿ ಬೆಳೆಗಳೆಲ್ಲಾ ನಾಶವಾಗುತ್ತಿದ್ದವು ಎಂದು ಹಿರಿಯರು ಹೇಳುತ್ತಿದ್ದಾರೆ. 

ನಂದಿಯು ಶಿವನ ವಾಹನ ಆಗಿರುವುದರಿಂದ, ನಂದಿಗೂ ಸಹ ಸೋಮವಾ ಅತ್ಯಂತ ಪ್ರಿಯವಾಗಿದೆ. ಆದ್ದರಿಂದ ಈ ದಿನ ಕಡಲೆಕಾಯಿ ಪರಿಷೆಯನ್ನು ಆಯೋಜಿಸಲಾಗುತ್ತದೆ ಎನ್ನುವ ಪ್ರತೋತಿ ಈಗಲೂ ಇದೆ. 

ಸಿಲಿಕಾನ್‌ ಸಿಟಿ ಬೆಂಗಳೂರಿನ ಪ್ರಮುಖ ಭಾಗಗಳಲ್ಲಿ ಕಡಲೆಕಾಯಿಯನ್ನು ಬೆಳೆಯುವ ಮೊದಲು, ಬಸವನಗುಡಿಯ ಪಕ್ಕದ ಹಳ್ಳಿಗಳು ಶೇಂಗಾ ಕೃಷಿ ಜಮೀನುಗಳನ್ನು ಹೊಂದಿದ್ದವು ಎನ್ನುವ ಮಾಹಿತಿ ಇದೆ.