• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಅಕ್ಕ ತಾರಾಮೇಳಕ್ಕೆ ಚಿತ್ರ ಕಲಾವಿದರ ಹಿಂಡು

By * ಶಾಮಿ
|

Puneeth Rajkumar
ಇದೇ ಸೆಪ್ಟೆಂಬರ್ 3, 4 ಹಾಗೂ 5 ರಂದು ನ್ಯೂಜೆರ್ಸಿಯ ಬೃಂದಾವನ ಕನ್ನಡ ಕೂಟದ ಅಂಗಳದಲ್ಲಿ ನಡೆಯಲಿರುವ ಅಕ್ಕ ವಿಶ್ವ ಕನ್ನಡ ಸಮ್ಮೇಳನಕ್ಕೆ ತಾರಾರಂಗು ಬರುತ್ತಿದೆ. ಕನ್ನಡಿಗರ ಜಾತ್ರೆಯ ಕೊನೆಯ ದಿನ ಅಂದರೆ ಭಾನುವಾರ ಸಂಜೆ ಭರ್ಜರಿ ತಾರಾಮೇಳವನ್ನು ವ್ಯವಸ್ಥೆ ಮಾಡಲಾಗಿದೆ. ತಾರಾ ಮೇಳದಲ್ಲಿ ಕನ್ನಡ ಚಿತ್ರರಂಗದ ಜನಪ್ರಿಯ ನಟ/ನಟಿ, ಗಾಯಕ/ಗಾಯಕಿ ಸೇರಿದಂತೆ ಒಟ್ಟು 27 ಮಂದಿ ಕಲಾವಿದರು ಹಿಂಡುಹಿಂಡಾಗಿ ಭಾಗವಹಿಸಲಿದ್ದಾರೆ.

ಗಾಂಧೀನಗರದಿಂದ ಅಮೆರಿಕಾ ಕನ್ನಡಿಗರ ಸಮ್ಮಿಲನಕ್ಕೆ ತೆರಳುತ್ತಿರುವ ಈ 27 ಕನ್ನಡ ಚಿತ್ರ ಕರ್ಮಿಗಳು ತಮ್ಮ ಸ್ವಂತ ಖರ್ಚುವೆಚ್ಚದಲ್ಲೇ ಭಾಗವಹಿಸಲು ಮುಂದಾಗಿರುವುದು ಗಮನಾರ್ಹ ಸಂಗತಿ ಎಂದು ಅಕ್ಕ ಟ್ರಸ್ಟಿ ಅಮರ್ ನಾಥ್ ಗೌಡ ಹೇಳಿದ್ದಾರೆ.

ಬೆಂಗಳೂರಿನಲ್ಲಿ ಗುರುವಾರ ಪತ್ರಕರ್ತರೊಂದಿಗೆ ಮಾತನಾಡುತ್ತಾ ಈ ವಿಷಯ ಹೊರಗೆಡವಿದ ಅವರು, ಭರ್ಜರಿ ತಾರಾ ಮೇಳದಲ್ಲಿ ನಟ ನಟಿಯರಿಂದ ನೃತ್ಯದ ಜತೆಗೆ ಹಾಡುಗಳು ಇರುತ್ತವೆ ಎಂದರು. ಅಕ್ಕ ಸಮ್ಮೇಳನದ ಬ್ರಾಂಡ್ ಅಂಬಾಸಡರ್ ಆಗಿರುವ ಪುನೀತ್ ರಾಜ್ ಕುಮಾರ್, ವಿಜಯ ರಾಘವೇಂದ್ರ, ರಮ್ಯಾ, ಐಂದ್ರಿತಾ ರೇ, ಅಂಬರೀಷ್, ಜಗ್ಗೇಶ್, ಕೋಮಲ್, ಬಿ ಸರೋಜಾದೇವಿ, ರಘು ದೀಕ್ಷಿತ್ ಸೇರಿದಂತೆ ಹಲವರು ಕಲಾವಿದರು ತಾರಾ ಮೇಳದಲ್ಲಿ ಭಾಗವಹಿಸಲಿದ್ದಾರೆ. ಈ ಕಾರ್ಯಕ್ರಮ ಅಂದು ರಾತ್ರಿ 2 ಗಂಟೆ ತನಕ ಸಾಗುತ್ತದೆ ಎಂದು ಗೌಡರು ಹೇಳಿದರು.

ಪತ್ರಿಕಾಗೋಷ್ಠಿಯಲ್ಲಿ ನಟ ವಿಜಯ ರಾಘವೇಂದ್ರ ಹಾಗೂ ಚಿತ್ರನಟಿ ಐಂದ್ರಿತಾ ರೇ ಉಪಸ್ಥಿತರಿದ್ದರು. ವಿಜಯ ರಾಘವೇಂದ್ರ ಮಾತನಾಡುತ್ತಾ, ಭರ್ಜರಿ ತಾರಾ ಮೇಳದ ಮನರಂಜನೆ ಕಾರ್ಯಕ್ರಮಕ್ಕೆ ತಾವು ಈಗಾಗಲೆ ರೂಪರೇಷೆಗಳನ್ನು ಸಿದ್ಧಮಾಡಿಕೊಳ್ಳುತ್ತಿದ್ದೇನೆ ಎಂದರು. ಚಿಗರೆ ಕಂಗಳ ಬೆಡಗಿ ಐಂದ್ರಿತಾ ರೇ ಮಾತನಾಡುತ್ತಾ, "ಇದೇ ಪ್ರಥಮ ಬಾರಿಗೆ ಅಮೆರಿಕಾಗೆ ಹೋಗುತ್ತಿದ್ದೇನೆ. ನನ್ನ ಬಳಿ ಆರು ತಿಂಗಳ ಕಾಲವಧಿಯ ವೀಸಾ ಇದೆ. ಅಮೆರಿಕಾದಲ್ಲಿ ಡ್ಯಾನ್ಸ್ ಮಾಡುತ್ತೇನೆ" ಎಂದರು. ತಾರಾಮೇಳವಲ್ಲದೆ ಮೂರು ದಿನಗಳ ಕಾರ್ಯಕ್ರಮಗಳನ್ನು ಜೀ ಕನ್ನಡ ವಾಹಿನಿ ಇಡಿಯಾಗಿ ಸೆರೆಹಿಡಿಯಲಿದ್ದು ಅದನ್ನು ತನ್ನ ವಾಹಿನಿಯಲ್ಲಿ ಸಮ್ಮೇಳನದ ನಂತರ ಪ್ರಸಾರ ಮಾಡಲಿದೆ.

ಪತ್ರಿಕಾಗೋಷ್ಠಿಯಲ್ಲಿ ಅಕ್ಕ ನಿರ್ದೇಶಕ ಹಳೇಕೋಟೆ ವಿಶ್ವಾಮಿತ್ರ, ಅಕ್ಕ ಜಂಟಿ ಕಾರ್ಯದರ್ಶಿ ಯಮುನಾ, ಸಮ್ಮೇಳನದ ಅತಿಥಿ ಸತ್ಕಾರ ಸಮಿತಿಯ ಮುಂದಾಳು ಶರತ್ ಭಂಡಾರಿ, ವಸ್ತು ಪ್ರದರ್ಶನ ಮತ್ತು ಮಾರಾಟ ಮಳಿಗೆ ವ್ಯವಸ್ಥಾಪಕ ಹರೀಶ್ ನಾಯ್ಡು ಹಾಗೂ ಅಕ್ಕ ಭಾರತೀಯ ಸಂಯೋಜನಾಧಿಕಾರಿ ಲಕ್ಷ್ಮೀನಾರಾಯಣ್ ,ಈ ಸಂಜೆ ನಾಗರಾಜ್, ರಾಘವೇಂದ್ರ ರಾಜು, ನಾಗರಾಜ ರೆಡ್ಡಿ, ವೈ.ಕೆ.ಮುದ್ದುಕೃಷ್ಣ, ಲಹರಿ ವೇಲು ಮುಂತಾದವರು ಉಪಸ್ಥಿತರಿದ್ದರು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Association of Kannada Kootas of America (AKKA)6th AKKA World Kannada Conference held on September 3-5, 2010 at New Jersey. On last day of the conference Kannada film stars jamboree has organised. Puneeth Rajkumar,Vijay Raghavendra, Ramya, Aindrita Ray, Ambarish, Jaggesh, Komal, B Saroja Devi and many more stars are participating.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more