ನಾನು ರಾಮ, ನೀನು ಸೀತೆ ಆಗೊಣವೇ?

ನೆನಪಿದೆಯೇ ನಿನಗೆ ನಾಗವೇಣಿ! ಒಂದೇ ಲೋಟ, ಎರಡು ಜೊತೆಯ ತುಟಿಗಳು

ಪಾನಕ ಸಮಾರಾಧನೆ, ನಮಗೆ ನಿಂಬೆ, ಬೇಲ, ಸಿಹಿ, ಹುಳಿ ಮಿಳಿತ ಹಣ್ಣುಗಳು

ನೆನಪಿದೆಯೇ ನೀಲಾಂಬರಿ! ಕೋಸಂಬರಿ ಸೇವೆ, ಹೆಸರು ಬೇಳೆ, ಕಡಲೆ ಉಸಲಿ
ಘಮ, ಘಮ ಒಗ್ಗರಣೆ; ಕೊತ್ತಂಬರಿ, ಕರಿಬೆವು ಸುವಾಸನೆ; ತೆಂಗಿನ ತುರಿ ಬಾಯಲ್ಲಿ

ತುಂಬಿದೆದೆಯಾ ತಾರಿಣಿ! ನಿನಗೆ ಹುಳಿಯವಲಕ್ಕಿ ನೈವೇದ್ಯ; ಗುಗ್ಗರಿ ಕಾಳು ಜಗಿಯಲು
ಜೊತೆಗೆ ನೆಲಗಡಲೆ ಬೆರೆಸಿದರೆ, ನನಗೂ, ನಿನಗೂ ಮಧುಚಂದ್ರದಾ ಸಗ್ಗ ಎಟುಕುತಿರಲು

ಸವೆಯದಾ ಸಾವಿತ್ರಿ ನೀನು; ಘಾಧ ಒಲವಿನ ಗಾಯಿತ್ರಿ; ನೀ ಅನುಸೂಯ, ನಾ ಅತ್ರಿ ಅಲ್ಲವೇ?
ನೀನಲ್ಲಿ, ನಾನಿಲ್ಲಿ ಏಕಾದೆವೋ! ಒಂದಾದರೂ ಸಾರಿ ನಾನು ರಾಮ, ನೀನು ಸೀತೆ ಆಗೊಣವೇ?

English summary

Shall we become Rama and Seeta, at least for once in our life? A Kannada poem by KRS Murthy from North California, USA, on the occasion of Ramanavami.