ಪಶುಗಳ ಪಶುತ್ವ
ಮನುಷ್ಯತ್ವ ಮರೆತವರ ಮೇಲೆ ಮುನಿಸಿಕೊಂಡ ಸೃಷ್ಟಿಕರ್ತ
ಭೂಲೋಕದ ಅಧಿಕಾರವ ಪಶುಗಳಿಗೊಪ್ಪಿಸಿದ
ಮತ್ತು ಬೆತ್ಲೇಹೇಮಿನ ಹಟ್ಟಿಯ ದಿನಗಳಿಂದ
ತನಗಾಪ್ತರೆನಿಸಿದ್ದ ಗೋವುಗಳೇ ಶ್ರೇಷ್ಠರೆಂದ
ಆದರೂ ಅವು ತ್ಯಜಿಸದಾದವು ತಮ್ಮ ಪಶುತ್ವವ
ಪಶುಗಳು
ಮನುಷ್ಯರೊಡನೆ
ಸೇಡು
ತೀರಿಸುವುದಾದಲ್ಲಿ
ನೈಲಾನ್
ಮೂಗುದಾರ
ಬಿಗಿದು
ಕಟ್ಟಿ
ಹಾಕಬಹುದಿತ್ತು
ಕೆಲವರ
ಮರಗಳಿಗೆ,
ಕೆಲವರ
ಗೂಟಕ್ಕೆ
ಕೆಲವರ
ದೊಡ್ಡಿಯಲಿ,
ಕೆಲವರನು
ತೋಟದಲಿ
ಆದರೆ
ಹಾಗೆ
ಮಾಡದಾದವು
ತಮ್ಮ
ಪಶುತ್ವಕ್ಕಾಗಿ
ಮನುಷ್ಯ
ಹೆಗಲಿಗೆ
ನೇಗಿಲೇರಿಸಬಹುದಿತ್ತು
ಹೊಲವನು
ಉಳಲು,
ಮೋಜು-ಕಂಬಳಕ್ಕಾಗಿ
ಮುಗ್ದ
ಕಂದಮ್ಮಗಳ
ವಂಚಿಸಬಹುದಿತ್ತು
ತಂತಮ್ಮ
ತಾಯಿಯಂದಿರ
ಎದೆಹಾಲಿನಿಂದ
ಆದರೆ
ಹಾಗೆ
ಮಾಡದಾದವು
ತಮ್ಮ
ಪಶುತ್ವಕ್ಕಾಗಿ
ಕಾಸಿಗೆ
ಬಾರದವರ
ಕಸಾಯಿಖಾನೆಗೆ
ಕಳಿಸಿ
ಚರ್ಮ
ಸುಲಿದು
ಬಟ್ಟೆ
ಹೊಲಿಸಬಹುದಿತ್ತು
ನವಿರಾದ
ಚೀಲ,
ಪಾದರಕ್ಷೆ
ಮಾಡಬಹುದಿತ್ತು
ಮಾಂಸ-ರಕ್ತದ
ರುಚಿಯುಣ್ಣಬಹುದಿತ್ತು
ಆದರೆ
ಹಾಗೆ
ಮಾಡದಾದವು
ತಮ್ಮ
ಪಶುತ್ವಕ್ಕಾಗಿ
ಕುಟುಂಬ
ಸದಸ್ಯರ
ಬೇರ್ಪಡಿಸಬಹುದಿತ್ತು
ಚಳಿಯಲಿ
ಬತ್ತಲೆ
ನಡುಗಬಿಡಬಹುದಿತ್ತು
ಪಾದದಡಿ
ಕಬ್ಬಿಣದ
ಲಾಳವನು
ಜಡಿದು
ರಸ್ತೆಯಲಿ
ಗಾಡಿ
ಎಳೆಸಬಹುದಿತ್ತು
ಆದರೆ
ಹಾಗೆ
ಮಾಡದಾದವು
ತಮ್ಮ
ಪಶುತ್ವಕ್ಕಾಗಿ
ಪಶುಗಳು
ಮನುಷ್ಯರ
ಗೋಳಿಸಲೇ
ಇಲ್ಲ
ಇದನು
ಕಂಡ
ಸೃಷ್ಟಿಕರ್ತ
ತುಸು
ಆಶ್ಚರ್ಯಗೊಂಡ
ಪಶುತ್ವ
ಕಾಪಾಡಿಕೊಂಡ
ಪ್ರೀತಿಯ
ಪ್ರಾಣಿಗಳ
ಬೆನ್ನು
ತಟ್ಟಿ
ನೇವರಿಸಿದ,
ಪ್ರಸನ್ನನಾಗಿ
ಶಹಬ್ಬಾಸ್!
ಪಶುಗಳೇ
ನೀವೇ
ಧನ್ಯರೆಂದ!
(ಕೊಂಕಣಿ ಮೂಲದ ಸ್ವ-ಅನುವಾದ, "ಲ್ಹಾರಾಂ ಲಜೆಲಿಂ" ಕವಿತಾ ಪಬ್ಲಿಕೇಶನ್ಸ್ ಮಂಗಳೂರು ಇವರಿಂದ ಪ್ರಕಾಶಿತ ರಾಬರ್ಟ್ ಫೆರ್ನಾಂಡಿಸ್ ಉದ್ಯಾವರ ಇವರ ಪ್ರಥಮ ಕವನ ಸಂಗ್ರಹದಿಂದ)