ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕನವರಿಕೆ

|
Google Oneindia Kannada News

Vasanth Kulkarni, Singapore
ನಾಳಿನ ಕನಸುಗಳ ಗಾರೆ ಇಟ್ಟಿಗೆಗಳಿಂದ
ಇಂದ್ರ ಧನುಷ್ಯದ ಕಮಾನು ಕಟ್ಟುವ ಮನಸು
ಆಕಾಶಗಂಗೆಯ ತೃಣಮಾತ್ರ ಸ್ಥಳದಿಂದ
ನೀಹಾರಿಕೆಗಳಿಗೆ ಸೇತು ರಚಿಸುವ ಹುರುಪು

ಕನಸುಗಣ್ಣುಗಳಿಂದ ಕರ್ಮ ಲೋಕಕೆ ಹೋಗಿ
ಮರೀಚಿಕೆಯ ಜಲಧಾರೆ ಆಶಿಸುವ ಹೊಂಗನಸು
ಕ್ಷಿಪಣಿ ವೇಗದಿ ಸಾಗಿ ತನುಮನವ ದುಡಿಸಿ
ಕೀರ್ತಿ ಸಿರಿಯನ್ನೆಲ್ಲ ಬಾಚುವ ಹುಮ್ಮಸ್ಸು

ಉತ್ತುಂಗದಿಂದಿಳಿವಾಗ ಆಗೊಮ್ಮೆ ಈಗೊಮ್ಮೆ
ಅಂದಿನ ಮುಗ್ಧತೆಯ ಸರಳತೆಯ ನೆನಪು
ಅಹಮಿಕೆಯ ಸ್ಪರ್ಧೆಯ ಕ್ಷಣಗಳಲ್ಲೊಮ್ಮೆ
ಬಾಲ್ಯದಲಿ ಘ್ರಾಣಿಸಿದ ಹೂವುಗಳ ಹೊಳಹು

ಕೌಮಾರ್ಯದ ಮಧುರ ಅನುಭೂತಿ ಸ್ಫುರಿಸಿ
ತರಗೆಲೆಗಳಂತುದುರಿದ ವರ್ಷಗಳ ಲೆಕ್ಕ
ಮುಸ್ಸಂಜೆಯು ಮಸುಕು ಮುಸುಕನ್ನು ಧರಿಸಿ
ಮುಂದೆ ನಿಂತಿರುವದದು ಸ್ವಾಭಾವಿಕ

ಎಲ್ಲವನು ಗಳಿಸಿದರೂ ಎಲ್ಲವನು ಕಳೆದು
ಮಾಯವಾಗುವ ಕಾಲವದು ಮಾಯಾ ಮಿಕ!
ನಮ್ಮೆಲ್ಲರೊಳಗುಳಿವ ಅಭಿಲಾಷೆಯು
ನಶಿಸಿ ತಾ ಹೋಗದದು ಬಲು ಮಾರ್ಮಿಕ!

ಅದಾವ ಅಗೋಚರ ಚದುರಂಗದಾಟವಿದು
ಅರಿವಿಲ್ಲದೇ ಹೆಜ್ಜೆ ಇಡುವ ಗತಿಯು?
ಕಾಣದಿಹ ಸೂತ್ರಗಳ ಕೈಯಲ್ಲಿ ಹಿಡಿದು
ಅಡಗಿ ಆಡಿಸುತಿರುವ ಅಚಿಂತ್ಯವು!

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X