Click it and Unblock the Notifications
Just In
-
-
-
Don't Miss
-
ಹೌಸ್ವೈಫ್ ಆಗಿರುವ ಈ ಮಹಿಳೆ ದಿನದಲ್ಲಿ 2 ಗಂಟೆ ಕೆಲಸ ಮಾಡಿ ಲಕ್ಷ ಗಳಿಸುತ್ತಿದ್ದಾರಂತೆ! -
ಕನ್ನಡ ಚಿತ್ರರಂಗಕ್ಕೆ ಬಂದ ಕಾಲಿವುಡ್ನ ಕಿನ್ನರಿ ; ಡಾಲಿಯ 'ಉತ್ತರಕಾಂಡ'ಕ್ಕೆ ಇವರೇ ನಾಯಕಿ..? -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ಜನ ಕ್ಯೂ ನಿಂತು ಖರೀದಿಸುತ್ತಿದ್ದ ಮಾರುತಿ ಸ್ವಿಫ್ಟ್ ಕಾರು ಮಾರಾಟದಲ್ಲಿ ಕುಸಿತ: ಕಾರಣವೇನು? -
ಅಂಬುಜಾ ಸಿಮೆಂಟ್ ಮೇಲೆ ಅದಾನಿ ಗ್ರೂಪ್ನಿಂದ 8,339 ಕೋಟಿ ರೂ. ಹೂಡಿಕೆ -
ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಐರಿಶ್ ಕನ್ನಡಿಗರ ಸಂಭ್ರಮ ಇಮ್ಮಡಿಸಿದ ಗಣೇಶ
ಭಾದ್ರಪದ ಮಾಸ ಬರುತ್ತಿದ್ದಂತೆ ಐರ್ಲೆಂಡ್ ನಲ್ಲಿರುವ ಐರಿಶ್ ಕನ್ನಡ ಸಂಘದಲ್ಲಿ ಸಂಭ್ರಮವೋ ಸಂಭ್ರಮ. ಕನ್ನಡಿಗರೆಲ್ಲ ಸೇರಿ ವಿಘ್ನ ನಿವಾರಕ ಗಣಪನನ್ನು ಪೂಜಿಸುವ ಪರಿಯಿದೆಯಲ್ಲ... ಕಳೆದ ದಶಕದಿಂದ ಇದೇ ಸಂತೋಷ, ಸಂಭ್ರಮ ಐರಿಶ್ ಕನ್ನಡಿಗರಲ್ಲಿ ಮನೆಮಾಡಿದೆ. ಪ್ರತೀವರ್ಷವೂ ವಿಜೃಂಭಣೆಯಿಂದಲೇ ಗಣೇಶೋತ್ಸವ ಆಚರಿಸಲಾಗುತ್ತಿದೆ.
ಐರ್ಲೆಂಡ್‌ನ ಡಬ್ಲಿನ್‌ನಲ್ಲಿರುವ ಫಿಬಲ್‌ಸ್ಟೋನ್ ಕಮ್ಯೂನಿಟಿ ಸೆಂಟರಿನಲ್ಲಿ 20ನೇ ಸೆಪ್ಟೆಂಬರ್ ನಂದು ಗಣೇಶ ನಮ್ಮೆಲ್ಲರ ಭಕ್ತಿಗೆ ಮೆಚ್ಚಿ, ಕಡುಬಿನ ನೈವೇದ್ಯ ಸ್ವೀಕರಿಸಿ ನಮ್ಮನ್ನು ಆಶೀರ್ವದಿಸಿದ. ಸಂಘದ ಸದಸ್ಯರೆಲ್ಲರೂ ನಿಸ್ವಾರ್ಥದಿಂದ ದುಡಿದು, ಭರ್ತಿ ಉತ್ಸಾಹದಿಂದ ಗಣೇಶನನ್ನು ಪೂಜಿಸಿ, ಶ್ರದ್ಧೆಯಿಂದ ಎಲ್ಲ ಕಾರ್ಯಕ್ರಮದಲ್ಲಿ ಪಾಲ್ಗೊಂಡರು. [ಗಣೇಶನ ಹಬ್ಬಕ್ಕೆ ಬದಲಾವಣೆ ನಿಮ್ಮಿಂದಲೇ ಆರಂಭವಾಗಲಿ!]
ಈ ವರ್ಷ ಯಾವುದೇ ವಿಘ್ನ ಬರದಿರಲಪ್ಪ ಎಂದು ದೊಡ್ಡವರು, ಸಣ್ಣವರು ಎಲ್ಲ ಸೇರಿ 150ಕ್ಕೂ ಹೆಚ್ಚು ಕನ್ನಡಿಗರು ಸೇರಿದ್ದರು. ಕನ್ನಡಿಗರು ಹೇಗೆ ಗಣೇಶೋತ್ಸವ ಆಚರಿಸುತ್ತಾರೆಂದು ನೋಡಲು ಕೆಲ ಆಂಗ್ಲ ಸ್ನೇಹಿತರು ಕೂಡ ಅಲ್ಲಿಗೆ ಬಂದಿದ್ದರು. ಭಕ್ತವತ್ಸಲ, ಕರುಣಾಸಾಗರ ಗಣೇಶ ಮೊದಲೇ ಸುಂದರ! ಆತ ಇನ್ನಷ್ಟು ಸಂದರವಾಗಿ ಕಾಣಲು ಮತ್ತೊಂದಿಷ್ಟು ಅಲಂಕಾರ! ಗಣೇಶನ ಸಂಭ್ರಮವಂತೂ ಹೇಳತೀರದು!
ಎಲ್ಲ ಅಲಂಕಾರಗಳು ಮುಗಿದ ಮೇಲೆ ಶಾಸ್ತ್ರೋಕ್ತವಾಗಿ ಗಣಪತಿಯನ್ನು ಪೂಜಿಸಲಾಯಿತು. ಗಣೇಶನ ಪೂಜೆಯ ನಂತರ ಇದ್ದೇ ಇತ್ತಲ್ಲ ಹೊಟ್ಟೆಯ ಪೂಜೆ. ಗಜಾನನನ ನೈವೇದ್ಯಕ್ಕೆಂದು ತಯಾರಿಸಲಾಗಿದ್ದ ಕಡುಬು, ಮೋದಕ ಸಮೇತ 21 ಬಗೆಯ ಪ್ರಸಾದಗಳು, ಬಾಳೆ ಎಲೆಯ ಭರ್ಜರಿ ಊಟದ ಸಮೇತ ಭಕ್ತಾದಿಗಳ ಹೊಟ್ಟೆ ಸೇರಿದವು.
ಎಲ್ಲರೂ ಸಾಂಪ್ರದಾಯಿಕ ಉಡುಗೆತೊಡುಗೆಗಳಲ್ಲಿ ಬಂದಿದ್ದು ಕಣ್ಣಿಗೂ ಹಬ್ಬದಂತಿತ್ತು. ಮಕ್ಕಳಿಗಾಗಿ ರೂಪಿಸಲಾಗಿದ್ದ ವಿದ್ಯಾಧಿಪತಿ ಗಣೇಶನ ಕುರಿತ ವಿಡಿಯೋ ಮನಸೆಳೆಯಿತು. ಗಣಪನ ಚಿತ್ರಕ್ಕೆ ಬಣ್ಣ ತುಂಬುವ ಸ್ಪರ್ಧೆ ಕೂಡ ಏರ್ಪಡಿಸಲಾಗಿತ್ತು. ಉಟೋಪಚಾರ ಮುಗಿದ ನಂತರ ಸಂಘದ ಸದಸ್ಯರಿಗೆಲ್ಲ ಸಂಪ್ರದಾಯದಂತೆ ತಾಂಬೂಲ ನೀಡಿದ್ದು, ಹಬ್ಬಕ್ಕೆ ಮತ್ತಷ್ಟು ಕಳೆ ತಂದಿತ್ತು.
ಪೂಜೆ, ಊಟೋಪಚಾರ ಮುಗಿದ ಮೇಲೆ ಇನ್ನೇನಿದೆ? ನಮ್ಮನ್ನೆಲ್ಲ ಹರಸಿದ ಗಣಪನನ್ನು ಅಷ್ಟೇ ಸಂಭ್ರಮದಿಂದ ಕಳಿಸಿಕೊಡಲೇಬೇಕಲ್ಲ? ಮತ್ತೊಮ್ಮೆ ಭರ್ಜರಿ ಮೆರವಣಿಗೆಯ ಮೂಲಕ, ಗಂಟೆ ಜಾಗಟೆ ಸದ್ದುಗಳೊಂದಿಗೆ ಗಣೇಶನನ್ನು ವಿಸರ್ಜಿಸಲಾಯಿತು. ಮುಂದಿನ ವರ್ಷ ಮತ್ತೆ ಬೇಗನೆ ಬರುತ್ತೇನೆಂದು ಗಣೇಶನೂ ಟಾಟಾ ಹೇಳಿದ. [ಶಾಸ್ತ್ರಬದ್ಧವಾಗಿ ಗಣಪತಿಯನ್ನು ವಿಸರ್ಜಿಸುವ ಕ್ರಮ]
ಇಷ್ಟೆಲ್ಲ ಕಾರ್ಯಕ್ರಮಗಳನ್ನು ಅತ್ಯುತ್ತಮವಾಗಿ ಮತ್ತು ಶಿಸ್ತಿನಿಂದ ಆಯೋಜನೆ ಮಾಡಿದ್ದಕ್ಕೆ ಐರಿಶ್ ಕನ್ನಡ ಸಂಘದ ಪದಾಧಿಕಾರಿಗಳಿಗೆ ಥ್ಯಾಂಕ್ಸ್ ಹೇಳಲೇಬೇಕು. ಒಟ್ಟಿನಲ್ಲಿ ಡಬ್ಲಿನ್ ಕನ್ನಡಿಗರೆಲ್ಲ ಸೇರಿ ಶುಭಾಶಯ ವಿನಿಮಯ ಮಾಡಿಕೊಳ್ಳುವುದರ ಜೊತೆಗೆ ಗಣೇಶನನ್ನು ಪೂಜಿಸುತ್ತ ಒಂದಿಷ್ಟು ಸಂತಸದ ಕ್ಷಣಗಳನ್ನು ಕಳೆದೆವು.
