Click it and Unblock the Notifications
Just In
-
-
-
Don't Miss
-
ಜೀವ ಸಂಗಾತಿಗೆ ಹುಟ್ಟು ಹಬ್ಬದಂದು ವಿಶ್ ಮಾಡಲು ಸುಂದರ ಸಾಲುಗಳ ಗ್ರೀಟಿಂಗ್ಸ್ ಇಲ್ಲಿದೆ -
ಡಿ. ಕೆ ಸುರೇಶ್ ಪರ ನಟ ದರ್ಶನ್ ಪ್ರಚಾರ; ಆ 2 ವಿಧಾನಸಭಾ ಕ್ಷೇತ್ರಗಳಲ್ಲಿ ಮತಬೇಟೆ -
ಆರ್ಸಿಬಿಗೆ ಸಹಿ ಹಾಕಲು ವಿರಾಟ್ ಕೊಹ್ಲಿ ಕೇಳಿದ್ದೇಗೆ?; ಕುತೂಹಲಕಾರಿ ಕಥೆ ಬಿಚ್ಚಿಟ್ಟ ಕೆಎಲ್ ರಾಹುಲ್ -
ಟಾಟಾ ಕಾರುಗಳಂತೆಯೇ ಗರಿಷ್ಠ ಸುರಕ್ಷತೆ ತೋರಿದ ಸ್ವಿಫ್ಟ್: ಕ್ರ್ಯಾಶ್ ಟೆಸ್ಟ್ನಲ್ಲಿ 4 ಸ್ಟಾರ್ -
ಅಗ್ಗದ ಬೆಲೆಯಲ್ಲಿ ಎಂಟ್ರಿ ಕೊಡಲು ಸಜ್ಜಾಗಿದೆ ಐಟೆಲ್ S24 ಸ್ಮಾರ್ಟ್ಫೋನ್! -
n. r. narayana murthy ಐದು ತಿಂಗಳ ಮೊಮ್ಮಗನಿಗೆ 4.2 ಕೋಟಿ ಇನ್ಫೋಸಿಸ್ ಲಾಭ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅಮೆರಿಕದ ಅಸಾಧ್ಯ ಚಳಿಗಾಳಿಯನ್ನು ತಡೆಯಲು 10 ಉಪಯುಕ್ತ ಟಿಪ್ಸ್
ಇನ್ನೆರಡು ದಿನ ಅಮೆರಿಕಾದ ಮಧ್ಯ ಪಶ್ಚಿಮ ಭಾಗವಾದ ಇಲಿನಾಯ್, ಓಹಿಯೋ ಮುಂತಾದ ಕಡೆ ಚಳಿ ಮಾರುತ ಬೀಸಿದ್ದು, ಸುಮಾರು ಇಪ್ಪತ್ತು ವರುಷಗಳಿಂದ ಕಾಣದ ಕನಿಷ್ಠ ತಾಪಮಾನ ಎದುರಾಗುವ ಬಗ್ಗೆ ಅಮೆರಿಕಾದ ವಾತಾವರಣ ತಜ್ಞರು ಎಚ್ಚರಿಕೆ ನೀಡಿದ್ದಾರೆ.
ಕೆಲವು ಕಡೆಗಳಲ್ಲಿ ತಾಪಮಾನ -40ಕ್ಕೆ ತಗ್ಗುವ ಸಂಭವ ಇದೆ. ಇಂತಹ ವಿಪರೀತ ಚಳಿಯಿಂದ ಸರಿಯಾಗಿ ರಕ್ಷಣೆ ಪಡೆಯದಿದ್ದರೆ, ಕ್ಷಣಗಳಲ್ಲಿ ಫ್ರಾಸ್ಟ್ ಬೈಟ್ ಆಗುವ ಸಂಭವ ಇದೆ ಎಂದು ಸಿಎನ್ಏನ್ ಸಂಸ್ಥೆಯ ವಾತಾವರಣ ತಜ್ಞರು ಎಚ್ಚರಿಸಿದ್ದಾರೆ.
ಅಮೆರಿಕಾದ ಈ ಭಾಗದ ಮನೆಗಳನ್ನು ಕಟ್ಟುವಾಗ ಅಸಾದ್ಯ ಛಳಿಯ ಕೊರೆತವನ್ನು ತಡೆಯುವಂತೆ ನಿರ್ಮಿಸಲಾಗಿದೆ. ಆದರೂ, ಈಗ ಎದುರಾಗಿರುವ ಕೇಳರಿಯದ ಚಳಿಯನ್ನು ಎದುರಿಸುವುದು ಕಷ್ಟವಾಗಬಹುದೆಂದು ತಜ್ಞರು ಅಭಿಪ್ರಾಯ ಪಟ್ಟಿದ್ದಾರೆ. ಉತ್ತರ ಧ್ರುವದಲ್ಲಿ ಉಂಟಾಗಿರುವ ವಾಯುಭಾರ ಕುಸಿತದಿಂದಾಗಿ ಇಂಥ ತೀವ್ರತರ ವಾತಾವರಣ ಸೃಷ್ಟಿಯಾಗಿದೆ.
ಎಲ್ಲೆಡೆ ವಿಪರೀತ ಹಿಮ ಸುರಿಯುತ್ತಿದ್ದು, ಮನೆ, ರಸ್ತೆ, ವಾಹನಗಳನ್ನೆಲ್ಲ ಹಿಮ ಮುಚ್ಚಿಹಾಕಿದೆ. ಇಲಿನಾಯ್, ಮಿಷಿಗನ್ ಮುಂತಾದೆಡೆಗಳಲ್ಲೆಲ್ಲ ತುರ್ತು ಪರಿಸ್ಥಿತಿ ಘೋಷಿಸಲಾಗಿದೆ. ಒಟ್ಟಾರೆ 5.5 ಕೋಟಿಗೂ ಹೆಚ್ಚು ಜನ ಈ ಚಳಿಗಾಳಿಯಿಂದ ಬಾಧಿತರಾಗಲಿದ್ದಾರೆ ಎಂದು ಅಂದಾಜಿಸಲಾಗಿದೆ.
ಈ ಚಳಿಯ ದುಷ್ಪರಿಣಾಮವನ್ನು ಆದಷ್ಟು ಕಡಿಮೆಗೊಳಿಸಲು ಈ ಕೆಳಗಿನ ಮುಂಜಾಗ್ರತಾ ಕ್ರಮಗಳು ಸಹಾಯ ಆಗಬಹುದು.
1. ನಿಮ್ಮ ಮನೆಯ ಒಳಗಿನ ತಾಪಮಾನವನ್ನು ಮುಂಚಿತವಾಗಿ 2 ಡಿಗ್ರಿಗಳಷ್ಟು ಹೆಚ್ಚಿಸಿಡಿ.
2. ಮನೆಯಲ್ಲಿರುವ ಫರ್ನೇಸೈನ ಫಿಲ್ಟರುಗಳನ್ನು ಬದಲಿಸಿ.
3. ಮನೆಯಲ್ಲಿರುವ ಎಲ್ಲ ಕಿಟಕಿ ಬಾಗಿಲುಗಳಲ್ಲಿ ಹೊರಗಿನ ಚಳಿ ಪ್ರವೇಶಿಸಬಹುದಾದ ಸಣ್ಣ ಪುಟ್ಟ ರಂದ್ರಗಳಿದ್ದರೆ ಅವುಗಳನ್ನು, ಅದಕ್ಕೆಂದೇ ದೊರೆಯುವ ಪ್ಲಾಸ್ಟಿಕ್ ಶೀಟುಗಳಿಂದ ಮುಚ್ಚಿರಿ.
4. ಗ್ಯಾರೇಜು ಬಾಗಿಲುಗಳನ್ನು ಆದಷ್ಟು ಮುಚ್ಚೇ ಇರಿ.
5. ಮನೆಯಿಂದ ಹೊರಗೆ ಹೋಗಿಬರವುದನ್ನು ಆದಷ್ಟು ನಿಯಂತ್ರಿಸಿ.
6. ವೆಂಟಿಲೇಟರ್ (ಗವಾಕ್ಷಿ) ಗಳಲ್ಲಿ ಯಾವುದೇ ಅದೇ ತಡೆ ಇಲ್ಲದಂತೆ ನೋಡಿಕೊಳ್ಳಿ.
7. ನಿಮ್ಮ ಮನೆಯ ತಾಪಮಾಪಕ ಸರಿ ಇದೆ ಎಂದು ಖಾತ್ರಿ ಮಾಡಿಕೊಳ್ಳಿ.
8. ಮನೆಯಲ್ಲಿ ಅಡುಗೆ ಮಾಡಲು ಇರುವ ಓವನ್ ಅಥವಾ ಒಲೆಯನ್ನು, ಮನೆಯ ತಾಪ ಹೆಚ್ಚಿಸಲು ಬಳಸಬೇಡಿ.
9. ಮನೆಯ ತಾಪ ಕಮ್ಮಿಯಾಗದಂತೆ ಮಾಡಲು ನೀರನ್ನು ಕುದಿಸುವುದು, ಸೂಪ್ ಮಾಡಿಕೊಳ್ಳುವುದು ಅಥವಾ ಹ್ಯುಮಿಡಿಫಯರ್ ಬಳಸುವುದು ಮಾಡುವುದರಿಂದ ಮನೆಯ ಆರ್ದ್ರತೆ ಹೆಚ್ಚಿ ಮನೆಯ ಉಷ್ಣಾಂಶ ತಕ್ಕಮಟ್ಟಿಗೆ ಹೆಚ್ಚಿಸುತ್ತದೆ.
10. ನೀರಿನ ಕೊಳವೆಗಳು ಹೆಪ್ಪುಗಟ್ಟಿ ಒಡೆಯದಂತೆ ಮಾಡಲು, ಮನೆಯಲ್ಲಿರುವ ಕೊಳಾಯಿಗಳಲ್ಲಿ ಸ್ವಲ್ಪ ಸ್ವಲ್ಪ ನೀರು ತೊಟ್ಟಿಕ್ಕುವಂತೆ ಮಾಡಿ.
ಎಲ್ಲಕ್ಕಿಂತ ಹೆಚ್ಚಾಗಿ ನಿಮ್ಮ ನೆರೆ ಹೊರೆಯಲ್ಲಿರುವ ವಯಸ್ಸಾದ ಹಿರಿಯರಿದ್ದರೆ, ಅವರು ಕ್ಷೇಮವಾಗಿದ್ದಾರೆ ಎಂದು ಖಾತ್ರಿಮಾಡಿಕೊಳ್ಳಿ.
