ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕಾಲದೊಂದಿಗೆ ಓಡುವ ಕೈವಾಚು ಪುರಾಣ

By ವಸಂತ ಕುಲಕರ್ಣಿ, ಸಿಂಗಪುರ
|
Google Oneindia Kannada News

Story of my wrist watch
ಇತ್ತೀಚೆಗೆ ನನ್ನ ವಾಚು (ಕೈ ಗಡಿಯಾರ) ನಿಧಾನವಾಗಿ ಹಿಂದೆ ಬೀಳತೊಡಗಿದೆ. ಈ ವಾಚನ್ನು ನಾನು ಸುಮಾರು ಏಳು ವರ್ಷಗಳ ಹಿಂದೆ ಕೊಂಡುಕೊಂಡಿದ್ದೆ. ನನ್ನ ಈ ವಾಚು ಅಂತಹ ವೈಭವಪೂರ್ಣವಾದದ್ದೇನಲ್ಲ. ತುಂಬಾ ಸರಳವಾದ ಬಿಳಿ ಹಿನ್ನೆಲೆಯಲ್ಲಿ ಒಂದರಿಂದ ಹನ್ನೆರಡರವರೆಗೆ ಎಲ್ಲ ಸಂಖ್ಯೆಗಳನ್ನು ಹೊಂದಿರುವ ಸರಳ ವಾಚು ಇದು.

ಅನೇಕ ಗಡಿಯಾರಗಳನ್ನು ನೋಡಿದ ನಂತರ ಈ ಗಡಿಯಾರವನ್ನು ನಾನು ಆರಿಸಿಕೊಂಡಾಗ ನನ್ನ ಹೆಂಡತಿಗೆ ಅದು ಇಷ್ಟವಾಗಿಲ್ಲ ಎಂಬುದು ಅವಳ ಮುಖಭಾವದಿಂದ ತಿಳಿಯಿತು. ಮೈ ಮೇಲಿನ ಬಟ್ಟೆಗಳಿಂದ ಹಿಡಿದು ಹಾಕಿಕೊಳ್ಳುವ ಪಾದರಕ್ಷೆಗಳವರೆಗೆ ಸ್ವಲ್ಪವಾದರೂ ಆಡಂಬರ ಕಾಣಬೇಕು ಎಂಬ ಅಭಿರುಚಿಯನ್ನು ಹೊಂದಿದ ಅವಳಿಗೆ ನನ್ನ ಈ ಸರ್ವ ಸಾಧಾರಣ ವಾಚು ಈ ಅನಭಿರುಚಿಯ ಪರಾಕಾಷ್ಠೆ! ಅವಳಿಗೆ ತದ್ವಿರುದ್ಧವಾಗಿ ನನ್ನ ಸ್ವಭಾವ. ಅಲ್ಲದೇ ನನ್ನದೇ ಹಠ ಸಾಧಿಸುವ ಸ್ವಭಾವ ಬೇರೆ. ಆದುದರಿಂದ ಈ ವಾಚು ನನ್ನ ಜೊತೆ ಮನೆಗೆ ಬಂದಿತು ಮತ್ತು ಕಳೆದ ಏಳು ವರ್ಷಗಳಿಂದ ನನ್ನ ನಿರಂತರ ಸಾಥಿಯಾಗಿದೆ.

ಈ ನಡುವೆ ನಾನೊಂದು ಕೆಲಸವನ್ನು ಬಿಟ್ಟು ಮತ್ತೊಂದೆಡೆ ಸೇರಿಕೊಂಡಾಗ, ನನ್ನನ್ನು ಬೀಳ್ಕೊಡುವ ಸಂದರ್ಭದಲ್ಲಿ ನನ್ನ ಹಿಂದಿನ ಕಂಪನಿಯ ನನ್ನ ಸಹೋದ್ಯೋಗಿಗಳು ನನಗೊಂದು ವಾಚನ್ನು ಕಾಣಿಕೆಯಾಗಿ ನೀಡಿದರು. ಈ ವಾಚು ಕಪ್ಪು ಡಯಲಿನಲ್ಲಿ ಬಿಳಿ ಮುಳ್ಳುಗಳನ್ನು ಹೊಂದಿದ ಮತ್ತು ನಂಬರುಗಳ ಬದಲಿಗೆ ಹರಳುಗಳನ್ನು ಹೊಂದಿದ, ಸ್ವಲ್ಪ ಹೈಫೈ ತರಹದ ಕೈಗಡಿಯಾರವಾಗಿತ್ತು. ಈ ಕೈಗಡಿಯಾರವನ್ನು ನೋಡಿದ ನನ್ನ ಪತ್ನಿ, "ನೋಡಿ, ನಿಮ್ಮ ವಾಚನ್ನು ನೋಡಿದ ನಿಮ್ಮ ಸಹೋದ್ಯೋಗಿಗಳಿಗೆ ನಿಮ್ಮ ಮೇಲೆ ಅನುಕಂಪವಾಗಿ ಈ ಹೊಸ ಸುಂದರ ವಾಚನ್ನು ಕೊಡಿಸಿದ್ದಾರೆ" ಎಂದಳು. ಆದರೂ ನಾನು ನನ್ನ ಹಳೆಯ ವಾಚಿಗೇ ಜೋತು ಬಿದ್ದಾಗ ಅವಳಿಗೆ ನನ್ನ ಮೇಲೆ ಅಸಾಧ್ಯ ಕೋಪ.

ಅಂತಹ ನನ್ನ ನೆಚ್ಚಿನ ಈ ಕೈಗಡಿಯಾರ ನಿಧಾನವಾಗಿ ಹಿಂದೆ ಬೀಳತೊಡಗಿದಾಗ, ಎಲ್ಲರಿಗಿಂತ ಹೆಚ್ಚು ಸಂತೋಷವಾಗಿದ್ದು ನನ್ನ ಪತ್ನಿಗೆ. ಅವಳು ಒಂದು ಹೊಸ ವಾಚನ್ನು ಕೊಂಡುಕೊಳ್ಳಿ ಎಂದು ನನ್ನ ದುಂಬಾಲು ಬಿದ್ದಳು. ಈ ವಾಚನ್ನೇ ಸ್ವಲ್ಪ ರಿಪೇರಿ ಮಾಡಿಸಿದರೆ ಇನ್ನೂ ನಾಲ್ಕೈದು ವರ್ಷ ಓಡುವದು ಗ್ಯಾರಂಟಿ ಎಂದು ನಾನು ಉತ್ತರಕೊಟ್ಟಾಗ ಇದು ಹೋಪ್‌ಲೆಸ್ ಕೇಸು ಎಂದುಕೊಂಡು ಸುಮ್ಮನಾದಳು.

English summary
Wrist watch is not just an instrument to see the time or just a fashion item, now-a-days the watch has become smart too like our mobile phones. It makes us realize that we have run along with the time. Times have changed, so wrist watches. By the by, do you wear wrist watch?
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X