• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಸೆ.24ರಂದು ಅಮೆರಿಕ ಮಂದಾರದಲ್ಲಿ ಗಣೇಶೋತ್ಸವ

By Prasad
|

ಅಮೆರಿಕಾದ "ಮಂದಾರ" ನ್ಯೂ ಇಂಗ್ಲೆಂಡ್ ಕನ್ನಡ ಕೂಟ ತನ್ನ ನೂತನ ಪದಾಧಿಕಾರಿಗಳೊಂದಿಗೆ ಹೊಸ ಹುಮ್ಮಸ್ಸಿನಿಂದ ಗಣೇಶೋತ್ಸವ ಸಮಾರಂಭಕ್ಕೆ ಸಜ್ಜಾಗುತ್ತಿದೆ.

ಇದೇ ಬರುವ ಸೆಪ್ಟೆಂಬರ್ 24ರಂದು ಮೆಸಾಚುಸೆತ್ಸ್ ರಾಜ್ಯದ ಫ್ರೆಮಿಂಗ್ ಹ್ಯಾಮಿನಲ್ಲಿ ಗಣೇಶೋತ್ಸವ ಕಾರ್ಯಕ್ರಮವನ್ನು ಹಮ್ಮಿಕೊಳ್ಳಲಾಗಿದೆ. ಕಣ್ಮನ ಕಿವಿಗಳಿಗೆ ರಸದೌತಣದ ಜೊತೆಗೆ ಬಾಯಲ್ಲಿ ನೀರೂರಿಸುವ ಹಬ್ಬದ ರಸಗವಳದ ಸಿದ್ಧತೆಯೂ ಭರದಿಂದ ಸಾಗಿದೆ.

ಕಾರ್ಯಕ್ರಮದ ಪಟ್ಟಿ : ಗಣಪತಿ ಪೂಜೆಯೊಂದಿಗೆ ಸರಿಯಾಗಿ ಮಧ್ಯಾಹ್ನ 2 ಗಂಟೆಗೆ ಆರಂಭವಾಗುವ ಕಾರ್ಯಕ್ರಮ, ಭರವಸೆಯ ಕಲಾವಿದೆ ದೀಪ್ತಿ ನವರತ್ನ ಅವರ ಕರ್ನಾಟಕ ಸಂಗೀತ, ಗಣಪತಿ ಆರಾಧನೆಯೊಂದಿಗೆ ಮನರಂಜನೆಗೆ ಮೊದಲುಗೊಳ್ಳಲಿದೆ.

ಕನ್ನಡ ಸಂಗೀತ ಕ್ಷೇತ್ರದ ಹೊಸ ತಲೆಮಾರಿನ ಅದ್ಭುತ ಹಾಡುಗಾರ ಗಣೇಶ್ ದೇಸಾಯಿ ಮತ್ತು 'ಮೂಡಲ ಮನೆ' ಖ್ಯಾತಿಯ ನಮಿತಾ ದೇಸಾಯಿಯವರ ಲಾಲಿತ್ಯಪೂರ್ಣ ನೃತ್ಯಾವಳಿ, ಕಾರ್ಯಕ್ರಮದ ಕೇಂದ್ರ ಆಕರ್ಷಣೆ.

ಕರ್ನಾಟಕದ ವಿವಿಧ ಸಂಸ್ಕೃತಿಯ ಬಟ್ಟೆಬರೆಗಳ ಸೊಬಗನ್ನು ಪರಿಚಯಿಸುವ ಫ್ಯಾಶನ್ ಶೋ, ಹಳ್ಳಿ ಹೆಂಗಸರ ವಿಶಿಷ್ಟ ವಾದ್ಯಗೋಷ್ಠಿಯ ದುಡಿತ-ಮಿಡಿತ ಜಾನಪದ ಸಂಗೀತ, ಕಲಾಶ್ರೀ ಪ್ರೊ. ಮಲ್ಲಣ್ಣರವರ ತಂಡದಿಂದ ಕನ್ನಡ ಜನಪ್ರಿಯ ಗೀತೆಗಳ ಲಘು ರಸಸಂಜೆ. ಇವೆಲ್ಲದರ ಜೊತೆಗೆ ಇದೇ ಮೊದಲ ಬಾರಿಗೆ "ನ್ಯೂ ಇಂಗ್ಲೆಂಡ್ ನಾಲಾಯಕರು" ತಂಡದವರು ನಗೆಗಡಲಲ್ಲಿ ನಿಮ್ಮನ್ನೆಲ್ಲ ತೇಲಿಸಲು ಪ್ರಸ್ತುತಪಡಿಸುತ್ತಿರುವ ಹಾಸ್ಯನಾಟಕ.

ಮಧ್ಯಾಹ್ನ 2 ಗಂಟೆಗೆ ಆರಂಭವಾಗುತ್ತಿರುವ ಕಾರ್ಯಕ್ರಮ ನಡೆಯಲಿರುವ ಸ್ಥಳದ ವಿಳಾಸ ಹೀಗಿದೆ : Keef Tech Auditorium, 750 Winter Street, Framingham MA. ಈಗಲೇ ಕಾರ್ಯಕ್ರಮಕ್ಕೆ ಹೊರಡಲು ತಯಾರಾಗುತ್ತಿದ್ದರೆ ಸ್ವಲ್ಪ ತಡೆಯಿರಿ. ಇನ್ನೂ ಇದೆ!

ಅಪ್ಪಟ ಕರ್ನಾಟಕ ಶೈಲಿಯ ರುಚಿಕರ ಹಬ್ಬದೂಟದ ನಂತರ ರಂಗದಮೇಲೆ ರಂಗುರಂಗಿನ ಯಕ್ಷಗಾನ. ಯಕ್ಷಗಾನ ಕಲಾವೃಂದದವರ ಆಶ್ರಯದಲ್ಲಿ ಸ್ಥಳೀಯ ಕಲಾವಿದರೂ ಸೇರಿ ನಡೆಸಿಕೊಡಲಿದ್ದಾರೆ "ಮಾಗಧ ವಧೆ".

ಇದೇ ಸಂದರ್ಭದಲ್ಲಿ ಮಂದಾರ ಕನ್ನಡ ಕೂಟಕ್ಕೆ ಸದಸ್ಯರಾಗಿ ತಮ್ಮ ಕುಟುಂಬವನ್ನು ನೊಂದಾಯಿಸಿಕೊಳ್ಳಲು ಮರೆಯಬೇಡಿ. ಬನ್ನಿ, ಆನಂದಿಸಿ, ಹಬ್ಬದೂಟದೊಡನೆ ಗಣಪನ ಕೃಪೆಯಲ್ಲಿ ಕನ್ನಡಕೂಟವನ್ನು ಹರಸಿ ಬೆಳೆಸಿ. ಹೆಚ್ಚಿನ ಮಾಹಿತಿ ಮತ್ತು ವಿವರಗಳಿಗಾಗಿ ನಮ್ಮ ಜಾಲತಾಣಕ್ಕೆ http://www.nekk.org ಭೇಟಿ ನೀಡುತ್ತಿರಿ.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
Mandara, New England Kannada Koota in Framington, Messachusetts, USA is celebrating Ganesha Habba 2011 on September 24. Various cultural activities have been organized to enthral the Kannadigas.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more