ಹುಟ್ಟುತ್ತಲೇ ಮಗುವಿನಲ್ಲಿತ್ತು ಕೊರೊನಾವೈರಸ್ ವಿರುದ್ಧ ಹೋರಾಡುವ ಪ್ರತಿಕಾಯ
ನ್ಯೂಯಾರ್ಕ್, ಮಾರ್ಚ್ 18: ಮಹಿಳೆಯೊಬ್ಬಳು ಈಗಾಗಲೇ ಕೊರೊನಾವೈರಸ್ ವಿರುದ್ಧ ಪ್ರತಿಕಾಯವಿರುವ ಮಗುವಿಗೆ ಜನ್ಮ ನೀಡಿರುವ ಘಟನೆ ಅಮೆರಿಕದಲ್ಲಿ ನಡೆದಿದೆ.
ಲಸಿಕೆ ಪಡೆದ ಮೂರು ವಾರಗಳ ನಂತರ, ಅವಳು ಆರೋಗ್ಯವಂತ ಹಾಗೂ ಸಂಪೂರ್ಣ ಗರ್ಭಾವಸ್ಥೆ ಮುಗಿದ ಹೆಣ್ಣು ಶಿಶುವಿಗೆ ಜನ್ಮ ನೀಡಿದ್ದಾಳೆ. ಜನನದ ನಂತರ ತೆಗೆದ ರಕ್ತದ ಮಾದರಿಯು ಕೊರೊನಾ ವೈರಸ್ ವಿರುದ್ಧ ಪ್ರತಿಕಾಯಗಳ ಉಪಸ್ಥಿತಿಯನ್ನು ಬಹಿರಂಗಪಡಿಸಿತು ಎಂದು ಅಧ್ಯಯನವು ತಿಳಿಸಿದೆ
ಲಾಕ್ಡೌನ್, ಕರ್ಫ್ಯೂ, ನೈಟ್ ಕರ್ಫ್ಯೂ ಯಾವುದೂ ಇಲ್ಲ: ಯಡಿಯೂರಪ್ಪ
ಮಹಿಳೆಯೊಬ್ಬರು ಗರ್ಭಾವಸ್ಥೆಯಲ್ಲಿದ್ದಾಗಲೇ ಕೋವಿಡ್ -19 ಲಸಿಕೆಯ ಮೊದಲ ಡೋಸ್ ಪಡೆದಿದ್ದು ಅವರೀಗ ಕೊರೊನಾವೈರಸ್ ಗೆ ವಿರುದ್ಧ ಪ್ರತಿಕಾಯಗಳನ್ನು ಹೊಂದಿರುವ ಮಗುವಿಗೆ ಜನ್ಮ ನೀಡಿದ್ದಾರೆ ಎಂದು ಅಮೆರಿಕಾದ ವೈದ್ಯರು ಹೇಳಿದ್ದಾರೆ.
ಸೋಂಕಿನ ಅಪಾಯ ಕಡಿಮೆ ಮಾಡುತ್ತದೆ
ಸಂಶೋಧನೆಯು ತಾಯಿಯ ವ್ಯಾಕ್ಸಿನೇಷನ್ನೊಂದಿಗೆ SARS-CoV-2 ನಿಂದ ರಕ್ಷಣೆ ಮತ್ತು ಸೋಂಕಿನ ಅಪಾಯವನ್ನು ಕಡಿಮೆ ಮಾಡುವ ಸಾಮರ್ಥ್ಯವನ್ನು ಸೂಚಿಸುತ್ತದೆ. ಆದಾಗ್ಯೂ, ಲಸಿಕೆ ಹಾಕಿದ ತಾಯಂದಿರಿಗೆ ಜನಿಸಿದ ಶಿಶುಗಳಲ್ಲಿನ ಪ್ರತಿಕಾಯದ ಪ್ರತಿಕ್ರಿಯೆಯನ್ನು ಪ್ರಮಾಣೀಕರಿಸಲು ಹೆಚ್ಚಿನ ದೀರ್ಘಕಾಲೀನ ಅಧ್ಯಯನಗಳು ಅಗತ್ಯವೆಂದು ಗಿಲ್ಬರ್ಟ್ ಮತ್ತು ಚಾಡ್ ರುಡ್ನಿಕ್ ಹೇಳಿದ್ದಾರೆ.
ಗರ್ಭಾವಸ್ಥೆಯಲ್ಲಿರುವಾಗಲೇ ಲಸಿಕೆ ಪಡೆದಿದ್ದರು
ಪ್ರಿ- ಪ್ರಿಂಟ್ ಸರ್ವರ್ medRxiv ನಲ್ಲಿ ಪೋಸ್ಟ್ ಮಾಡಲಾಗಿರುವ ಪೀರ್-ರಿವ್ಯೂಡ್ ಅಧ್ಯಯನದ ( peer-reviewed study,) ಪ್ರಕಾರ, ತಾಯಿಯು ಮಾಡೆರ್ನಾ mRNA ಲಸಿಕೆಯ ಒಂದು ಡೋಸ್ ಅನ್ನು 36 ವಾರಗಳ ಗರ್ಭಿಣಿಯಾಗಿದ್ದಾಗ ಪಡೆದಿದ್ದಳು.
ಹುಟ್ಟಿದ ಶಿಶುವಲ್ಲಿ ಕೊರೊನಾ ವಿರುದ್ಧ ಹೋರಾಡುವ ಶಕ್ತಿ
ಇಲ್ಲಿ, ತಾಯಿಯ ವ್ಯಾಕ್ಸಿನೇಷನ್ ನಂತರ ಕರುಳ ಬಳ್ಳಿಯ ರಕ್ತದಲ್ಲಿ ಪತ್ತೆಹಚ್ಚಬಹುದಾದ SARS-CoV-2 IgG ಪ್ರತಿಕಾಯಗಳೊಂದಿಗಿನ ಶಿಶುವಿನ ಮೊದಲ ಪ್ರಕರಣವನ್ನು ನಾವು ವರದಿ ಮಾಡುತ್ತೇವೆ ಎಂದು ಸಹ ಲೇಖಕರಾದ ಯುಎಸ್ ಫ್ಲೋರಿಡಾ ಅಟ್ಲಾಂಟಿಕ್ ವಿಶ್ವವಿದ್ಯಾಲಯದ ಪಾಲ್ ಗಿಲ್ಬರ್ಟ್ ಮತ್ತು ಚಾಡ್ ರುಡ್ನಿಕ್ ಹೇಳಿದ್ದಾರೆ.
ಎರಡನೇ ಲಸಿಕೆ ಪಡೆದ ಮಹಿಳೆ
ಮಗುವಿಗೆ ಪ್ರತ್ಯೇಕವಾಗಿ ಹಾಲುಣಿಸುವ ಮಹಿಳೆ, ಸಾಮಾನ್ಯ 28 ದಿನಗಳ ವ್ಯಾಕ್ಸಿನೇಷನ್ ಪ್ರೋಟೋಕಾಲ್ ಟೈಮ್ ಲೈನ್ ಪ್ರಕಾರ ಲಸಿಕೆಯ ಎರಡನೇ ಪ್ರಮಾಣವನ್ನು ಪಡೆದುಕೊಂಡಳೆಂದು ವೈದ್ಯರು ಹೇಳಿದ್ದಾರೆ.