ಟಿಕ್ಟಾಕ್ ನಿಷೇಧಕ್ಕೆ ಅಮೆರಿಕ ಸಂಸತ್ನಲ್ಲಿ ಮತ ಚಲಾವಣೆ
ವಾಷಿಂಗ್ಟನ್, ಆಗಸ್ಟ್ 7: ಅಮೆರಿಕದಲ್ಲಿ ಟಿಕ್ಟಾಕ್ ನಿಷೇಧಕ್ಕೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮುಂದಾಗಿದ್ದು, ಟಿಕ್ಟಾಕ್ ಅಪ್ಲಿಕೇಶನ್ ಬಳಸುವುದನ್ನು ನಿಷೇಧಿಸುವ ಮಸೂದೆಯನ್ನು ಅನುಮೋದಿಸಲು ಯುಎಸ್ ಸಂಸತ್ನಲ್ಲಿ ಸರ್ವಾನುಮತ ಚಲಾವಣೆಯಾಗಿದೆ.
ಭಾರತದಲ್ಲಿ ಚೀನಾದ ಅಪ್ಲಿಕೇಷನ್ಗಳಿಗೆ ನಿಷೇಧ ಹೇರಿದೆ. ಅದೇ ರೀತಿ ನಾವುಯ ಸಹ ಚೀನಾದ ಟಿಕ್ಟಾಕ್ ಅಪ್ಲಿಕೇಶನ್ ನಿಷೇಧ ಮಾಡುತ್ತಿದ್ದೇವೆ ಎಂದು ಟ್ರಂಪ್ ಮಾಧ್ಯಮಗೋಷ್ಠಿಯಲ್ಲಿ ಹೇಳಿದ್ದರು.
ಅಮೆರಿಕದಲ್ಲಿ ಟಿಕ್ಟಾಕ್ ಬ್ಯಾನ್: ಡೊನಾಲ್ಡ್ ಟ್ರಂಪ್ ಹೇಳಿದ್ದೇನು?
ಟಿಕ್ಟಾಕ್ ಬಳಸುವುದರಿಂದ ದೇಶದ ಭದ್ರತೆಗೆ ಧಕ್ಕೆ ಬರಲಿದೆ. ಟಿಕ್ಟಾಕ್ ಮೂಲಕ ಚೀನಾ ವೈಯಕ್ತಿಕ ಮಾಹಿತಿಗಳನ್ನು ಸಂಗ್ರಹಿಸಿದೆ ಎಂದು ಟ್ರಂಪ್ ಆರೋಪಿಸಿದ್ದರು.
ಇನ್ನು ವಿಶ್ವ ವ್ಯಾಪಾರ ಸಂಸ್ಥೆಗೆ ಚೀನಾದ ಪ್ರವೇಶದಿಂದ, ಬಹುಶಃ ಎಲ್ಲಾ ವ್ಯವಹಾರಗಳಲ್ಲಿ ಕೆಟ್ಟ ಪರಿಣಾಮ ಎದುರಾಗಲಿದೆ. ನೀವು ಸತ್ಯವನ್ನು ತಿಳಿದುಕೊಳ್ಳಬೇಕಾದರೆ, ಅವರು ಈ ಮೊದಲು ಯಾರೂ ಉಲ್ಲಂಘಿಸದಂತಹ ನಿಯಮಗಳನ್ನು ಉಲ್ಲಂಘಿಸಿರುವುದು ಗಮನಿಸಿ ಎಂದು ಯುಎಸ್ ಅಧ್ಯಕ್ಷ ಎಚ್ಚರಿಕೆ ನೀಡಿದ್ದಾರೆ.
ಕೊರೊನಾ ವೈರಸ್ ವಿಚಾರದಲ್ಲಿ ಚೀನಾ ವಿರುದ್ಧ ಕಿಡಿಕಾರುತ್ತಿರುವ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ಚೀನಾ ಜೊತೆಗಿನ ಎಲ್ಲ ಒಪ್ಪಂದ, ವ್ಯವಹಾರಗಳನ್ನು ಮುರಿದುಕೊಳ್ಳುವ ಎಚ್ಚರಿಕೆ ನೀಡಿದ್ದರು.