• search
  • Live TV
ವಾಷಿಂಗ್ಟನ್ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಅಮೆರಿಕದಲ್ಲಿ ಸರಕಾರದ 'ಅಂಗಡಿ' ಭಾಗಶಃ ಬಂದ್, ಎಲ್ಲ ಟ್ರಂಪ್ ಮಹಿಮೆ!

By ಅನಿಲ್ ಆಚಾರ್
|

ವಾಷಿಂಗ್ಟನ್, ಡಿಸೆಂಬರ್ 23: ಅಮೆರಿಕ ಸರಕಾರವನ್ನೇ ಭಾಗಶಃ ಬಂದ್ ಮಾಡಿ ಭಾನುವಾರಕ್ಕೆ ಎರಡನೇ ದಿನ. ಇದು ಕ್ರಿಸ್ ಮಸ್ ತನಕ ಮುಂದುವರಿಯುವ ಅಂದಾಜಿದೆ. ಕಾಂಗ್ರೆಸ್ ವಾರಾಂತ್ಯದ ತನ ಮುಂದೂಡಲಾಗಿದೆ. ಅಮೆರಿಕ- ಮೆಕ್ಸಿಕೋ ಗಡಿಯಲ್ಲಿ ಗೋಡೆ ನಿರ್ಮಾಣ ಮಾಡುವುದಕ್ಕೆ ಹಣಕಾಸು ಒದಗಿಸುವುದಕ್ಕೆ ಸಂಬಂಧಿಸಿದಂತೆ ಟ್ರಂಪ್ ವಾದಕ್ಕೆ ಭಿನ್ನವಾದ ಅಭಿಪ್ರಾಯ ವ್ಯಕ್ತವಾಗಿದೆ.

ಇದೀಗ ಸರಕಾರವೇ ಸ್ಥಗಿತ ಆಗಿರುವುದರಿಂದ ಶನಿವಾರದಿಂದಲೇ ಹಲವು ಮುಖ್ಯ ಸಂಸ್ಥೆಗಳು ಕಾರ್ಯ ನಿರ್ವಹಿಸುತ್ತಿಲ. ಕ್ರಿಸ್ ಮಸ್ ನಲ್ಲಿ ಫ್ಲೋರಿಡಾಗೆ ಹೋಗುವ ಬದಲು ವಾಷಿಂಗ್ಟನ್ ನಲ್ಲೇ ಉಳಿಯುವುದಾಗಿ ಟ್ರಂಪ್ ಹೇಳಿದ್ದಾರೆ. ನಾನು ವೈಟ್ ಹೌಸ್ ನಲ್ಲೇ ಇದ್ದೇನೆ. ಶ್ರಮಪಟ್ಟು ಕೆಲಸ ನಿರ್ವಹಿಸುತ್ತಿದ್ದೇನೆ ಎಂದು ಟ್ವೀಟ್ ಮಾಡಿದ್ದಾರೆ.

ಟ್ರಂಪ್ ನಿಲುವಿಗೆ ಬೇಸರ: ಅಮೆರಿಕ ರಕ್ಷಣಾ ಕಾರ್ಯದರ್ಶಿ ರಾಜೀನಾಮೆ

ಗಡಿ ಸುರಕ್ಷತೆ (ತಂಡಗಳು, ಮಾದಕ ವಸ್ತುಗಳು, ಮಾನವ ಕಳ್ಳಸಾಗಣೆ ಇನ್ನಷ್ಟು) ಬಗ್ಗೆ ಡೆಮಾಕ್ರಟ್ ಗಳ ಜತೆ ಚರ್ಚೆ ನಡೆಸಿದೆವು. ಆದರೆ ಅದು ಬಹಳ ಸಮಯ ಹಿಡಿಸಿತು ಎಂದು ಡೊನಾಲ್ಡ್ ಟ್ರಂಪ್ ಹೇಳಿದ್ದಾರೆ. ಡೊನಾಲ್ಡ್ ಟ್ರಂಪ್ ಅಂದುಕೊಂಡಿರುವಂತೆ ಮೆಕ್ಸಿಕೋ ಗಡಿಯಲ್ಲಿ ಗೋಡೆ ನಿರ್ಮಾಣಕ್ಕೆ ಐದು ಬಿಲಿಯನ್ ಅಮೆರಿಕನ್ ಡಾಲರ್ ಹಣ ಬೇಕು.

ಚುನಾವಣೆ ವೇಳೆ ಭರವಸೆ ನೀಡಿದ್ದರು

ಚುನಾವಣೆ ವೇಳೆ ಭರವಸೆ ನೀಡಿದ್ದರು

ಅನಧಿಕೃತ ವಲಸೆಗೆ ತಡೆ ಒಡ್ಡಬೇಕು ಎಂಬ ಕಾರಣಕ್ಕೆ ಈ ಗೋಡೆ ನಿರ್ಮಾಣದ ಭರವಸೆಯನ್ನು ಚುನಾವಣೆ ಪ್ರಚಾರದ ವೇಳೆ ಅವರು ನೀಡಿದ್ದರು. ಅದಕ್ಕೆ ಡೆಮಾಕ್ರಟ್ಸ್ ವಿರೋಧ ವ್ಯಕ್ತಪಡಿಸಿದ್ದರು. ವ್ಯವಹಾರಕ್ಕೆ ಗೈರಾಗಿದ್ದರಿಂದ ಹಲವಾರು ಸಂಸ್ಥೆಗಳಿಗೆ ಶುಕ್ರವಾರದ ರಾತ್ರಿಯಿಂದಲೇ ಸರಕಾರದ ಹಣಕಾಸು ಬಿಡುಗದೆ ಆಗುವುದು ನಿಂತುಹೋಗಿದೆ. ಹೌಸ್ ಆಫ್ ರೆಪ್ರಸೆಂಟೇಟಿವ್ಸ್ ಹಾಗೂ ಸೆನೆಟ್ ಸದಸ್ಯರು ಶನಿವಾರ ಅಧಿವೇಶನದಲ್ಲಿ ಸೇರಿದ್ದರು. ಆದರೆ ಯಾವುದೇ ಒಪ್ಪಂದಕ್ಕೆ ಬರಲಾಗದೇ ಮುಂದೂಡಲಾಗಿದೆ. ಗುರುವಾರದ ತನಕ ಯಾವುದೇ ಮತದ ನಿರೀಕ್ಷೆ ಕೂಡ ಇಲ್ಲವಾಗಿದೆ.

ಲಿಬರ್ಟಿ ಸ್ಟ್ಯಾಚ್ಯು ಹಾಗೂ ಎಲ್ಲಿಸ್ ದ್ವೀಪ ತೆರೆದಿವೆ

ಲಿಬರ್ಟಿ ಸ್ಟ್ಯಾಚ್ಯು ಹಾಗೂ ಎಲ್ಲಿಸ್ ದ್ವೀಪ ತೆರೆದಿವೆ

ಸಾರ್ವಜನಿಕ ಶೌಚಾಲಯಗಳು ಬಾಗಿಲು ಮುಚ್ಚಿವೆ. ಅಷ್ಟೇ ಅಲ್ಲ, ವೈಟ್ ಹೌಸ್ ಸಂದರ್ಶಕರ ಕೇಂದ್ರ, ರಾಷ್ಟ್ರೀಯ ಕ್ರಿಸ್ ಮಸ್ ಟ್ರೀ, ನ್ಯಾಷನಲ್ ಆರ್ಕೈವ್ಸ್ ಇತರ ಸರಕಾರಿ ನಿಯಂತ್ರಿತ ಸ್ಥಳಗಳು ಬಂದ್ ಆಗಿವೆ. ನ್ಯೂಯಾರ್ಕ್ ಗವರ್ನರ್ ಅನುದಾನ ಒದಗಿಸಿರುವುದರಿಂದ ಲಿಬರ್ಟಿ ಸ್ಟ್ಯಾಚ್ಯು ಹಾಗೂ ಎಲ್ಲಿಸ್ ದ್ವೀಪ ತೆರೆದಿವೆ.

ಮೂರನೇ ಬಾರಿಗೆ ಸರಕಾರ ಭಾಗಶಃ ಬಂದ್

ಮೂರನೇ ಬಾರಿಗೆ ಸರಕಾರ ಭಾಗಶಃ ಬಂದ್

ಹೌಸ್ ಹಾಗೂ ಸೆನೆಟ್ ಎರಡೂ ಕಡೆ ಟ್ರಂಪ್ ರ ಸ್ವಂತ ರಿಪಬ್ಲಿಕನ್ ಪಕ್ಷವೇ ಅಧಿಕಾರದಲ್ಲಿ ಇದ್ದರೂ ಈ ವರ್ಷದಲ್ಲಿ ಮೂರನೇ ಬಾರಿಗೆ ಸರಕಾರ ಭಾಗಶಃ ಬಂದ್ ಆಗಿದೆ. ಜನವರಿಯಲ್ಲಿ ಇದು ಬದಲಾಗಲಿದ್ದು, ಹೌಸ್ ಡೆಮಾಕ್ರಟಿಕ್ ಕೈಗೆ ಸಿಗಲಿದೆ. ಡೆಮಾಕ್ರಟ್ ಉನ್ನತ ಸೆನೆಟ್ ಪ್ರಕಾರ, ಈಗಿನ ಸ್ಥಿತಿಗೆ ಟ್ರಂಪ್ ಕಾರಣ. ಈ ಸ್ಥಗಿತ ಆಗಿರುವುದು ಗಡಿ ಸುರಕ್ಷತೆಗಾಗಿ ಅಂತಲ್ಲ: ಅಧ್ಯಕ್ಷ ಟ್ರಂಪ್ ಬಿಲಿಯನ್ ಗಟ್ಟಲೆ ಡಾಲರ್ ಗಳನ್ನು ಒತ್ತಾಯಿಸುತ್ತಿರುವುದು ದುಬಾರಿ, ಪರಿಣಾಮ ಬೀರದ ಗೋಡೆ ನಿರ್ಮಾಣಕ್ಕೆ. ಅದಕ್ಕೆ ಅಮೆರಿಕದ ಬಹುಸಂಖ್ಯಾತರ ಬೆಂಬಲ ಇಲ್ಲ ಎಂದು ಶುಮಾರ್ ಎಂಬ ಸೆನೆಟ್ ಹೇಳಿದ್ದಾರೆ.

ಎಂಟು ಲಕ್ಷ ಸರಕಾರಿ ನೌಕರರ ಮೇಲೆ ಪರಿಣಾಮ

ಎಂಟು ಲಕ್ಷ ಸರಕಾರಿ ನೌಕರರ ಮೇಲೆ ಪರಿಣಾಮ

ಎಂಟು ಲಕ್ಷ ಸರಕಾರಿ ನೌಕರರ ಮೇಲೆ ಇದರಿಂದ ಪರಿಣಾಮ ಆಗಿದೆ. ಸುರಕ್ಷತೆಗೆ ಸಂಬಂಧಿಸಿದ ಸಂಸ್ಥೆಗಳು ಕೆಲಸ ನಿರ್ವಹಿಸುತ್ತಿವೆ. ಆದರೆ ಹಲವು ಸಂಸ್ಥೆಗಳಿಗೆ ಕ್ರಿಸ್ ಮಸ್ ಆಚರಣೆಗೆ ಸಮಸ್ಯೆಯಾಗಿದೆ. ಭದ್ರತೆ ಆಡಳಿತ ಅಧಿಕಾರಿಗಳು ಸೇರಿದಂತೆ ಹಲವರಿಗೆ ವೇತನ ಪಾವತಿಯಾಗಿಲ್ಲ. ಇನ್ನು ಇದರಿಂದ ದೀರ್ಘಾವಧಿಯ ತೊಂದರೆ ಆಗಲ್ಲ. ಟ್ರಂಪ್ ಈ ಸಮಸ್ಯೆ ನಿವಾರಿಸುತ್ತಾರೆ ಎಂಬ ವಿಶ್ವಾಸ ವ್ಯಕ್ತವಾಗುತ್ತಿದೆ. ಆದರೆ ಸದ್ಯಕ್ಕಂತೂ ಸಮಸ್ಯೆ ಎದುರಾಗಿರುವುದು ಹೌದು.

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

English summary
A partial US government shutdown that entered its second day on Sunday was set to stretch through Christmas, after Congress adjourned for the weekend with no deal in sight to end an impasse over funding for President Donald Trump's wall on the US-Mexico border.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more