ಅಮೆರಿಕ ಸೇನೆಯ ಬ್ಯಾಂಡ್ ನಿಂದ ಮೊಳಗಿತು 'ಜನಗಣಮನ': ವಿಡಿಯೋ ವೈರಲ್
Recommended Video
ವಾಷಿಂಗ್ಟನ್, ಸೆಪ್ಟೆಂಬರ್ 19: ಅಮೆರಿಕ ಸೇನೆಯ ಬ್ಯಾಂಡ್ ಭಾರತೀಯ ರಾಷ್ಟ್ರಗೀತೆಯನ್ನು ನುಡಿಸಿದ ವಿಡಿಯೋವೊಂದು ಸಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ವಾಷಿಂಗ್ಟನ್ ನಲ್ಲಿ ನಡೆದ ಭಾರತ ಮತ್ತು ಅಮೆರಿಕ ಸೇನೆಯ ಜಂಟಿ ತರಬೇತಿ ಸಂದರ್ಭದಲ್ಲಿ ಅಮೆರಿಕದ ಸೇನಾ ಬ್ಯಾಂಡ್ 'ಜನಗಣಮನ' ವನ್ನು ಸುಶ್ರಾವ್ಯವಾಗಿ ನುಡಿಸುವ ಮೂಲಕ ಕೋಟ್ಯಂತರ ಭಾರತೀಯರನ್ನು ಪುಳಕಿತಗೊಳಿಸಿತು.
ರಾಷ್ಟ್ರಗೀತೆ ಕಡ್ಡಾಯ: ಸುಪ್ರಿಂ ಆದೇಶ ಬದಲಾವಣೆಗೆ ಕೇಂದ್ರ ಮನವಿ
ವಾಷಿಂಗ್ಟನ್ ನ ಲೆವಿಸ್ ಮೆಕಾರ್ಡ್ ನ ಜಂಟಿ ಶಿಬಿರದಲ್ಲಿ ಉಭಯ ದೇಶಗಳ ನಡುವಿನ ರಕ್ಷಣಾ ಸಹಕಾರದ ಅಂಗವಾಗಿ ಜಂಟಿ ತರಬೇತಿ ನಡೆಸಲಾಯಿತು.
#WATCH USA: American Army band playing Indian National Anthem during the Exercise Yudh Abhyas 2019 at Joint Base Lewis, McChord. pic.twitter.com/J9weLpKD3X
— ANI (@ANI) September 19, 2019
ಯುದ್ಧ್ ಅಭ್ಯಾಸ್ 2019 ಎಂಬ ಹೆಸರಿನಲ್ಲಿ ನಡೆಯುತ್ತಿರುವ ಈ ತರಬೇತಿ ಶಿಬಿರ ಭಾರತ ಮತ್ತು ಅಮೆರಿಕ ನಡುವೆ ನಡೆಯುತ್ತಿರುವ ಅತ್ಯಂತ ಡೊಡ್ಡ ಸೇನಾ ತರಬೇತಿ ಶಿಬಿರ ಎಂಬ ಹೆಗ್ಗಳಿಕೆ ಪಡೆದಿದೆ.
ಉಗ್ರರ ದಮನಕ್ಕಾಗಿ ಭಾರತ ಮತ್ತು ಅಮೆರಿಕ ಸೈನಿಕರು ಜಂಟಿಯಾಗಿ ತರಬೇತಿ ಪಡೆಯುತ್ತಿದ್ದು, ಉಭಯ ದೇಶಗಳ ಮಟ್ಟಿಗೆ ಇದು ಅತ್ಯಂತ ಮಹತ್ವದ ವಿಷಯವಾಗಿದೆ.