Click it and Unblock the Notifications
Just In
-
-
-
Don't Miss
-
PBKS vs MI: ಐಪಿಎಲ್ನಲ್ಲಿ ಈ ಇತಿಹಾಸ ನಿರ್ಮಿಸಿದ 2ನೇ ಆಟಗಾರ ರೋಹಿತ್ ಶರ್ಮಾ -
ಕಬೀರ್ ಸಿಂಗ್ ನನ್ನ ಬದುಕಿನ ಬಹುದೊಡ್ಡ ತಪ್ಪು ಎಂದ ನಟ ; ಕೆರಳಿ ಕೆಂಡವಾದ ಸಂದೀಪ್ ರೆಡ್ಡಿ ವಂಗಾ..! -
ಎಲೆಕ್ಟ್ರಿಕ್ ಕಾರು ಖರೀದಿಸಿ ಪರಿಸರ ಪ್ರೇಮ ಮೆರೆದ ನಟಿ: ಬೆಲೆ ಕೇಳಿದ್ರೆ ತಲೆ ತಿರುಗುತ್ತೆ! -
ಊಟದ ರುಚಿ ಹೆಚ್ಚಿಸುತ್ತೆ ಚೌಳಿಕಾಯಿ ಪಲ್ಯ..! ಹೀಗೆ ಮಾಡಿ -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಇರಾನ್‌ನಿಂದ ತೈಲ ಆಮದು: ಭಾರತಕ್ಕೆ ವಿನಾಯಿತಿ ನೀಡಿದ ಅಮೆರಿಕ
ವಾಷಿಂಗ್ಟನ್, ನವೆಂಬರ್ 2: ಇರಾನ್ ಮೇಲೆ ನಿರ್ಬಂಧ ಜಾರಿಯಾದ ಬಳಿಕವೂ ಅದರಿಂದ ತೈಲ ಖರೀದಿ ಮಾಡಲು ಭಾರತಕ್ಕೆ ಅವಕಾಶ ನೀಡಲು ಅಮೆರಿಕ ಒಪ್ಪಿಕೊಂಡಿದೆ ಎಂದು ವರದಿಯಾಗಿದೆ. ಇದರಿಂದ ಭಾರತವು ತೈಲ ಬಿಕ್ಕಟ್ಟು ಎದುರಿಸುವ ಕಳವಳ ಸದ್ಯಕ್ಕೆ ದೂರವಾಗಿದೆ.
ಭಾರತ ಮಾತ್ರವಲ್ಲದೆ ಜಪಾನ್, ದಕ್ಷಿಣ ಕೊರಿಯಾ ಸೇರಿದಂತೆ ಎಂಟು ದೇಶಗಳಿಗೆ ಅಮೆರಿಕ ಈ ಅನುಮತಿ ನೀಡಿದೆ ಎನ್ನಲಾಗಿದೆ.
ತೈಲ ಉತ್ಪಾದನೆಯಲ್ಲಿ ಮುಂಚೂಣಿ ದೇಶಗಳಲ್ಲಿ ಒಂದಾಗಿರುವ ಇರಾನ್ ಮೇಲೆ ಅಮೆರಿಕ ತನ್ನ ದಿಗ್ಬಂಧನಗಳನ್ನು ಮರುಹೇರಿಕೆ ಮಾಡುತ್ತಿದ್ದು, ನವೆಂಬರ್ ನಾಲ್ಕರಂದು ಜಾರಿಯಾಗುತ್ತಿದೆ.
ಇರಾನ್‌ನ ಆರ್ಥಿಕತೆಯ ಎಲ್ಲ ಮಾರ್ಗಗಳನ್ನು ಬಂದ್ ಮಾಡುವ ಗುರಿ ಹೊಂದಿರುವ ಟ್ರಂಪ್ ಆಡಳಿತ, ತೈಲಕ್ಕೆ ಅಧಿಕ ಬೆಲೆ ತೆರದೆ ಆಮದು ಮಾಡಿಕೊಳ್ಳಲು ಕೆಲವು ದೇಶಗಳಿಗೆ ವಿನಾಯಿತಿ ನೀಡಿದೆ.
ಇರಾನ್‌ನಿಂದ ಅಧಿಕ ಪ್ರಮಾಣದಲ್ಲಿ ತೈಲ ಖರೀದಿ ಮಾಡುವ ಚೀನಾ, ಈಗಾಗಲೇ ಅಮೆರಿಕದೊಮದಿಗೆ ಮಾತುಕತೆ ನಡೆಸಿದೆ. ಅಮೆರಿಕ ವಿನಾಯಿತಿ ಪಡೆದಿರುವ ಎಂಟು ದೇಶಗಳಲ್ಲಿ ಚೀನಾ ಕೂಡ ಸೇರಿದೆ. ಇತರೆ ನಾಲ್ಕು ದೇಶಗಳು ಯಾವುವು ಎಂಬುದು ಇನ್ನೂ ಗೊತ್ತಾಗಿಲ್ಲ.
ನಿರ್ಬಂಧದ ನಿಯಮವೇನು?
ಅಮೆರಿಕದ ನಿರ್ಬಂಧದ ಪ್ರಕಾರ ನವೆಂಬರ್ 5ರಿಂದ ಇರಾನ್‌ನಿಂದ ತೈಲ ಸೇರಿದಂತೆ ಯಾವುದೇ ಉತ್ಪನ್ನಗಳ ಖರೀದಿ ಹಾಗೂ ಅದರೊಂದಿಗೆ ವಾಣಿಜ್ಯ ಚಟುವಟಿಕೆಗಳನ್ನು ನಡೆಸುವಂತಿಲ್ಲ. ನಿಯಮಗಳನ್ನು ಮೀರಿ ಯಾವುದೇ ದೇಶ ಅಥವಾ ಸಂಸ್ಥೆ ಅಥವಾ ವ್ಯಕ್ತಿ ಅದರೊಂದಿಗೆ ವ್ಯವಹಾರ ನಡೆಸಿದರೆ ಅವರ ಮೇಲೆಯೂ ವಿವಿಧ ನಿರ್ಬಂಧಗಳನ್ನು ಹೇರಬಹುದು.
ಇರಾನ್ ಮೇಲೆ ಅವಲಂಬನೆ
ಅಮೆರಿಕದ ಈ ನಿರ್ಧಾರ ಭಾರತದ ಆತಂಕ್ಕೆ ಕಾರಣವಾಗಿತ್ತು. ಏಕೆಂದರೆ, ಭಾರತ ತನ್ನ ಹೆಚ್ಚಿನ ಪಾಲಿನ ತೈಲವನ್ನು ಇರಾನ್‌ನಿಂದಲೇ ಖರೀದಿ ಮಾಡುತ್ತಿದೆ. ಅಮೆರಿಕ ನಿರ್ಬಂಧ ಕಟ್ಟುನಿಟ್ಟಾಗಿ ಜಾರಿಯಾದರೆ ತೈಲಕ್ಕಾಗಿ ಭಾರತ ಪರ್ಯಾಯ ಮಾರ್ಗಗಳನ್ನು ಹುಡುಕಬೇಕು. ಅಲ್ಲದೆ, ಅಮೆರಿಕದ ಎಚ್ಚರಿಕೆ ಮೀರಿ ಇರಾನ್‌ನಿಂದ ತೈಲ ಖರೀದಿ ಮಾಡಿದರೆ ಅದರಿಂದ ವಿವಿಧ ನಿರ್ಬಂಧಗಳಿಗೂ ಒಳಪಡಬೇಕಾದ ಭೀತಿ ಎದುರಾಗಿತ್ತು.
ತಾತ್ಕಾಲಿಕ ಮಾತ್ರ
ಈ ವಿನಾಯಿತಿ ತಾತ್ಕಾಲಿಕ ಮಾತ್ರ. ಇರಾನ್ ಮೇಲಿನ ನಿರ್ಬಂಧ ಜಾರಿಯಾದ ಬಳಿಕ ಹಂತ ಹಂತವಾಗಿ ಅದರಿಂದ ತೈಲ ಖರೀದಿ ಪ್ರಮಾಣವನ್ನು ಕಡಿಮೆಗೊಳಿಸಬೇಕು. ಆದರೆ, ವಿನಾಯಿತಿಯ ಅಡಿಯಲ್ಲಿ ದೇಶಗಳು ಈಗ ಎಷ್ಟು ಪ್ರಮಾಣದ ತೈಲ ಖರೀದಿ ಮಾಡಲು ಅವಕಾಶ ನೀಡಲಾಗುತ್ತದೆ ಎಂಬ ಬಗ್ಗೆ ಮಾಹಿತಿ ನೀಡಲು ಅಧಿಕಾರಿಗಳು ನಿರಾಕರಿಸಿದರು.
ಸೋಮವಾರ ಬಹಿರಂಗ
ಇರಾನ್‌ನಿಂದ ತೈಲ ಖರೀದಿ ಮಾಡಲು ಭಾರತ, ಚೀನಾ, ಜಪಾನ್ ಮತ್ತು ದಕ್ಷಿಣ ಕೊರಿಯಾಗಳಿಗೆ ಅಮೆರಿಕ ವಿನಾಯಿತಿ ನೀಡಿದೆ. ಜತೆಗೆ ಇನ್ನೂ ನಾಲ್ಕು ದೇಶಗಳು ಈ ಅವಕಾಶ ಪಡೆದುಕೊಂಡಿದ್ದು, ಅವುಗಳ ಮಾಹಿತಿಯನ್ನು ಸೋಮವಾರ ಬಹಿರಂಗಪಡಿಸಲಾಗುವುದು. ಇರಾನ್ ಜತೆಗೆ ಇತರೆ ಆರ್ಥಿಕ ಒಪ್ಪಂದಗಳನ್ನು ಸಹ ಕಡಿತಗೊಳಿಸುವಂತೆ ಎಲ್ಲ ದೇಶಗಳಿಗೆ ಟ್ರಂಪ್ ಸರ್ಕಾರ ಸೂಚಿಸಿದೆ. ನಿರ್ಬಂಧದ ವ್ಯಾಪ್ತಿಗೆ ಒಳಪಡದೆ ಇದ್ದರೂ, ಸರಕುಗಳ ವ್ಯಾಪಾರವನ್ನು ತಗ್ಗಿಸುವಂತೆ ಅದು ಕೋರಿದೆ.
ನಿರ್ಬಂಧ ಯಾಕೆ?
ಇರಾನ್‌ನಲ್ಲಿ ಇಸ್ಲಾಮಿಕ್ ಸ್ಟೇಟ್‌ನ ಕಾರ್ಯಚಟುವಟಿಕೆಗಳು ಹೆಚ್ಚಾಗಿದ್ದು, ಅವರನ್ನು ನಿಯಂತ್ರಿಸಲು ಸರ್ಕಾರ ಯಾವುದೇ ಕ್ರಮ ತೆಗೆದುಕೊಳ್ಳುತ್ತಿಲ್ಲ. ಅಲ್ಲದೆ, ಅಣ್ವಸ್ತ್ರ ಚಟುವಟಿಕೆಗಳನ್ನು ಇರಾನ್ ಸ್ಥಗಿತಗೊಳಿಸುತ್ತಿಲ್ಲ. ವಿರೋಧದ ನಡುವೆಯೂ ಇರಾನ್ ಅಣ್ವಸ್ತ್ರ ಪ್ರಯೋಗಗಳನ್ನು ನಡೆಸಿತ್ತು. ಹೀಗಾಗಿ ಇರಾನ್ ಪರಮಾಣು ಒಪ್ಪಂದದಿಂದ ಅಮೆರಿಕ ಹೊರನಡೆದಿತ್ತು. 2015ರಿಂದಲೇ ಆಗಿನ ಅಧ್ಯಕ್ಷ ಬರಾಕ್ ಒಬಾಮ ಸರ್ಕಾರ ಮೊದಲ ಹಂತದ ನಿರ್ಬಂಧ ಜಾರಿ ಮಾಡಿತ್ತು.
