ದೀಪಾವಳಿ ಹಬ್ಬದಲ್ಲಿ ಹಿಂದೂಗಳನ್ನೇ ಮರೆತ ಡೊನಾಲ್ಡ್ ಟ್ರಂಪ್

ವಾಷಿಂಗ್ಟನ್, ನವೆಂಬರ್ 14: ದೀಪಾವಳಿ ಹಬ್ಬ ಮುಗಿದ ಒಂದು ವಾರದ ಬಳಿಕ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಟ್ವಿಟ್ಟರ್‌ನಲ್ಲಿ ಶುಭಾಶಯ ಕೋರಿದ್ದಾರೆ. ಆದರೆ, ಅವರ ಟ್ವೀಟ್ ಟ್ವಿಟ್ಟಿಗರ ಟ್ರಾಲ್‌ಗೆ ಗುರಿಯಾಗಿದೆ.

ಏಕೆಂದರೆ, ಟ್ರಂಪ್ ಕೋರಿರುವ ಶುಭಾಶಯದಲ್ಲಿ ಹಿಂದೂಗಳ ಉಲ್ಲೇಖವೇ ಇಲ್ಲ. ಒಂದು ಟ್ವೀಟ್ ಮಾಡಿದ್ದ ಟ್ರಂಪ್, ಅದನ್ನು ಅಳಿಸಿ ಹಾಕಿ ಮತ್ತೊಂದು ಟ್ವೀಟ್ ಮಾಡಿದ್ದರು ಅದರಲ್ಲಿಯೂ ಟ್ರಂಪ್ ಹಿಂದೂಗಳನ್ನು ಬಿಟ್ಟು ಉಳಿದ ಧರ್ಮಗಳನ್ನು ಉಲ್ಲೇಖಿಸಿದ್ದಾರೆ.

ಮೊದಲ ಟ್ವೀಟ್‌ನಲ್ಲಿ 'ದೀಪಾವಳಿ ಬೌದ್ಧರು, ಸಿಖ್ಖರು ಮತ್ತು ಜೈನರು ಆಚರಿಸುವ ಹಬ್ಬ' ಎಂದು ಟ್ರಂಪ್ ಬರೆದುಕೊಂಡಿದ್ದರು. ಅದರಲ್ಲಿ ಈ ಹಬ್ಬವನ್ನು ಪ್ರಮುಖವಾಗಿ ಆಚರಿಸುವ ಹಿಂದೂಗಳನ್ನು ಹೆಸರಿಸಿರಲಿಲ್ಲ. ಅದಕ್ಕೆ ಅಲ್ಲಿ ಟೀಕೆಗಳು ವ್ಯಕ್ತವಾದವು.

ಇದು ಟ್ರಂಪ್ ಅವರು ಮಾಡಿದ ದೀಪಾವಳಿ ಭಾಷಣವನ್ನು ಟ್ವೀಟ್ ಮಾಡುವಲ್ಲಿ ಆದ ಪ್ರಮಾದ ಎಂದು ಹೇಳಲಾಗಿದೆ.

ಟ್ರಂಪ್ ಅವರ ಭಾಷಣದ ಎರಡನೆಯ ಭಾಗವನ್ನು ಮೊದಲನೆಯ ಟ್ವೀಟ್ ಆಗಿ ಬಳಸಿಕೊಳ್ಳಲಾಗಿತ್ತು. ಬಳಿಕ ಅದನ್ನು ಅಳಿಸಿ ಹಾಕಲಾಯಿತು. ಎರಡನೆಯ ಟ್ವೀಟ್‌ನಲ್ಲಿಯೂ ಹಿಂದೂಗಳನ್ನು ಉಲ್ಲೇಖ ಮಾಡಿರಲಿಲ್ಲ. ನಂತರ ಮೂರನೇ ಟ್ವೀಟ್ ಮಾಡಲಾಯಿತು.

ಈ ಟ್ವೀಟ್‌ಗಳ ನಡುವಿನ ಒಂದು ಗಂಟೆಯ ಅಂತರ ಟ್ವಿಟ್ಟರ್‌ನಲ್ಲಿ ಟೀಕೆ ಮತ್ತು ಆಕ್ರೋಶ ವ್ಯಕ್ತವಾಗಲು ಸಾಕಾಯಿತು.

Array

ದೀಪಾವಳಿ ಆಚರಣೆ

ಇಂದು ನಾವು ದೀಪಾವಳಿ ಆಚರಿಸುವ ಸಲುವಾಗಿ ಸೇರಿದ್ದೆವು. ಬೌದ್ಧರು, ಸಿಖ್ಖರು ಮತ್ತು ಜೈನರು ಅಮೆರಿಕ ಮತ್ತು ಜಗತ್ತಿನೆಲ್ಲೆಡೆ ಆಚರಿಸುವ ಹಬ್ಬ ಎಂದು ಟ್ರಂಪ್ ಹೇಳಿದ್ದರು.

It was my great honor to host a celebration of Diwali, the Hindu Festival of Lights, in the Roosevelt Room at the @WhiteHouse this afternoon. Very, very special people! https://t.co/kQk7IvpSFo pic.twitter.com/tYlBABg4JF

— Donald J. Trump (@realDonaldTrump) 13 November 2018

ಬೆಳಕಿನ ಹಬ್ಬ

ಆ ಟ್ವೀಟ್ ಬಳಿಕ ಮತ್ತೊಂದು ಟ್ವೀಟ್ ಮಾಡಿದ ಟ್ರಂಪ್, 'ದೀಪಾವಳಿಯ ಹಬ್ಬವನ್ನು ಆಚರಿಸುವುದು ನನಗೆ ಬಹುದೊಡ್ಡ ಗೌರವವಾಗಿದೆ. ಇದು ಹಿಂದೂಗಳ ಬೆಳಕಿನ ಹಬ್ಬ. ಬಹಳ ಬಹಳ ವಿಶೇಷ ಜನರೊಂದಿಗೆ!' ಎಂದು ಬರೆದಿದ್ದಾರೆ.

Good to see Indian culture in US. Why to mention any caste or religion.
But since u have mentioned.. let me tell u .. u forgot Hindus for whom it's biggest festival.

— Vikaas Verma (@Vikaas007) 14 November 2018

ಧರ್ಮ ಏಕೆ ಉಲ್ಲೇಖಿಸುತ್ತೀರಿ

ಅಮೆರಿಕದಲ್ಲಿ ಭಾರತೀಯ ಸಂಸ್ಕೃತಿ ನೋಡಿ ಖುಷಿಯಾಯಿತು. ಆದರೆ, ಯಾವುದೇ ಜಾತಿ ಅಥವಾ ಧರ್ಮವನ್ನು ಏಕೆ ಉಲ್ಲೇಖ ಮಾಡುತ್ತೀರಿ? ಆದರೆ, ನೀವು ಉಲ್ಲೇಖ ಮಾಡಿದಾಗಿನಿಂದ... ಹೇಳುತ್ತೇನೆ, ನೀವು ಹಿಂದೂಗಳನ್ನೇ ಮರೆತಿದ್ದೀರಿ. ಇದು ಅವರ ಅತಿ ದೊಡ್ಡ ಹಬ್ಬ ಎಂದು ವಿಕಾಸ್ ವರ್ಮಾ ಎಂಬುವವರು ಟ್ವೀಟ್ ಮಾಡಿದ್ದಾರೆ.

Trump's Twitter account posted a Diwali tweet that didn't mention Hindus, then deleted it, then... reposted it again with a different link but still no Hindus? pic.twitter.com/6zRqLzOA0r

— Tom Phillips (@flashboy) 13 November 2018

ಹಿಂದೂಗಳ ಹೆಸರಿರಲಿಲ್ಲ

ಟ್ರಂಪ್ ಅವರ ಟ್ವಿಟ್ಟರ್ ಅಕೌಂಟ್ ಮಾಡಿದ ದೀಪಾವಳಿ ಟ್ವೀಟ್ ನಲ್ಲಿ ಹಿಂದೂಗಳನ್ನು ಹೆಸರಿಸಿರಲಿಲ್ಲ. ಅದನ್ನು ಅಳಿಸಿ ಮತ್ತೆ ಅದನ್ನೇ ಬೇರೆ ಲಿಂಕ್‌ನೊಂದಿಗೆ ಪೋಸ್ಟ್ ಮಾಡಲಾಯಿತು. ಆದರೆ ಅದರಲ್ಲಿಯೂ ಹಿಂದೂಗಳಿಲ್ಲ? ಎಂದು ಟಾಮ್ ಫಿಲಿಪ್ಸ್ ಟ್ವೀಟ್ ಮಾಡಿದ್ದಾರೆ.

Diwali was last week. But you can celebrate Christmas in January if you just want a photo op

— BSturdy (@JusticeStrength) 14 November 2018

ಫೋಟೊಗಾಗಿ ಆಚರಣೆ

ದೀಪಾವಳಿ ಕಳೆದ ವಾರ ಇದ್ದಿದ್ದು. ಆದರೆ, ನೀವು ಫೋಟೊದ ಸಲುವಾಗಿ ಕ್ರಿಸ್ ಮಸ್ ಅನ್ನು ಜನವರಿಯಲ್ಲಿ ಬೇಕಾದರೂ ಆಚರಿಸಬಹುದು ಎಂದು ಬಿಸ್ಟರ್ಡಿ ಎಂಬ ಖಾತೆಯಿಂದ ಟ್ವೀಟ್ ಮಾಡಲಾಗಿದೆ.

English summary

American President Donald Trump tweets on Diwali a week after festival, described as 'holiday observed by Buddhists, Sikhs and Jains'. He forget to mention Hindus in the second tweet also.