ಸಾಮಾಜಿಕ ಜಾಲತಾಣ ಮುಚ್ಚುವ ಬೆದರಿಕೆ ಹಾಕಿದ ಡೊನಾಲ್ಡ್ ಟ್ರಂಪ್
ವಾಷಿಂಗ್ಟನ್, ಮೇ 28: ಎರಡು ಟ್ವೀಟ್ಗಳನ್ನು ಟ್ವಿಟ್ಟರ್ 'ಆಧಾರರಹಿತ' ಎಂದು ಟ್ವಿಟ್ಟರ್ ಹೇಳಿರುವ ಕಾರಣ ಸಾಮಾಜಿಕ ಮಾಧ್ಯಮ ವೇದಿಕೆಯನ್ನು ಮುಚ್ಚುವುದಾಗಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಎಚ್ಚರಿಕೆ ನೀಡಿದ್ದಾರೆ.
ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈಗ ಟ್ವಿಟ್ಟರ್ ಕಂಪನಿಯ ವಿರುದ್ಧವೇ ಕಿಡಿಕಾರಿದ್ದಾರೆ.
ಕೊರೊನಾ ತಂದ ಆಪತ್ತು: ಡೊನಾಲ್ಡ್ ಟ್ರಂಪ್ ರಾಜಕೀಯ ಭವಿಷ್ಯಕ್ಕೆ ಕುತ್ತು?
ಮಂಗಳವಾರ ಟ್ರಂಪ್ ಅಮೆರಿಕ ಚುನಾವಣೆಯಲ್ಲಿ ಪೋಸ್ಟಲ್ ಮೂಲಕ ಚಲಾವಣೆಯಾಗುವ ಮತಗಳಲ್ಲಿ ಭಾರೀ ಅಕ್ರಮ ನಡೆಯುತ್ತಿದೆ ಎಂದು ಗಂಭೀರ ಆರೋಪ ಮಾಡಿದ್ದರು. ಟ್ರಂಪ್ ಅವರ ಈ ಟ್ವೀಟ್ ಗೆ ಮೊದಲ ಬಾರಿಗೆ ಟ್ವಿಟ್ಟರ್ ಈ ರೀತಿ ಫ್ಯಾಕ್ಟ್ ಚೆಕ್ ಬಟನ್ ನೀಡಿದ್ದು ಅಮೆರಿಕ ಅಧ್ಯಕ್ಷರ ಕೋಪಕ್ಕೆ ಕಾರಣವಾಗಿದೆ.
ಫೇಕ್ ನ್ಯೂಸ್ಗಳಾದ ಸಿಎನ್ಎನ್, ಅಮೆಜಾನ್, ವಾಷಿಂಗ್ಟನ್ ಪೋಸ್ಟ್ ವರದಿಯನ್ನು ಫ್ಯಾಕ್ಟ್ ಚೆಕ್ ನಲ್ಲಿ ತೋರಿಸುತ್ತಿದೆ. ಟ್ಟಿಟ್ಟರ್ ಪೂರ್ಣವಾಗಿ ನನ್ನ ವಾಕ್ ಸ್ವಾತಂತ್ರ್ಯ ನಿಗ್ರಹಿಸಲು ಮುಂದಾಗುತ್ತಿದೆ. ಈ ರೀತಿ ಮಾಡಲು ನಾನು ಬಿಡುವುದಿಲ್ಲ ಎಂದು ಹೇಳಿದ್ದಾರೆ.
ಟ್ರಂಪ್ ಅವರು ಈ ಆರೋಪ ಮಾಡಿದ ಬೆನ್ನಲ್ಲೇ ಮೊದಲ ಬಾರಿಗೆ ಟ್ವಿಟ್ಟರ್ ಈ ವಿಚಾರದ ಬಗ್ಗೆ ಫ್ಯಾಕ್ಟ್ ಚೆಕ್ ಬಟನ್ ಸೇರಿಸಿದೆ. ಟ್ರಂಪ್ ಅವರ ಟ್ವೀಟ್ ಕೆಳ ಭಾಗದಲ್ಲಿ ಫ್ಯಾಕ್ಟ್ ಚೆಕ್ ಸೇರಿಸಿದ್ದಕ್ಕೆ ಟ್ರಂಪ್ ಈಗ ಕಿಡಿಕಾರಿದ್ದಾರೆ. ಈ ಫ್ಯಾಕ್ಟ್ ಚೆಕ್ ಬಟನ್ ಕ್ಲಿಕ್ ಮಾಡಿದರೆ ಟ್ರಂಪ್ ಅವರ ಹೇಳಿಕೆ ಸುಳ್ಳು ಎಂದು ತಿಳಿಸುವ ಹಲವು ಮಾಧ್ಯಮಗಳ ವರದಿ ಕಾಣಿಸುತ್ತದೆ.
ಈ ಕುರಿತು ಟ್ವಿಟ್ಟರ್ ಉದ್ದೇಶಿಸಿ ಬುಧವಾರ ಟ್ವೀಟ್ ಮಾಡಿರುವ ಟ್ರಂಪ್ 2020ರ ಅಧ್ಯಕ್ಷ ಚುನಾವಣೆಗೆ ಟ್ವಿಟ್ಟರ್ ಎಂಟ್ರಿ ಕೊಟ್ಟಿದೆ. ಮೇಲ್ - ಇನ್ ಬ್ಯಾಲೆಟ್ಸ್ ನಲ್ಲಿ ಭಾರೀ ಅಕ್ರಮ ಮತ್ತು ಭ್ರಷ್ಟಾಚಾರ ನಡೆಯುತ್ತಿದೆ.