• search
  • Live TV
ವಾಷಿಂಗ್ಟನ್ ಸುದ್ದಿಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  

ಅಮೆರಿಕಾ ಅಧ್ಯಕ್ಷನಾಗಿ ಆಯ್ಕೆಯಾದರೆ ಭಾರತಕ್ಕೆ ಹೆಚ್ಚಿನ ಆದ್ಯತೆ:ಜೋ ಬಿಡೆನ್

|

ವಾಷಿಂಗ್ಟನ್, ಜೂನ್ 2: ಅಮೆರಿಕಾದ ಡೆಮಾಕ್ರಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಮತ್ತು ಅಮೆರಿಕದ ಮಾಜಿ ಉಪಾಧ್ಯಕ್ಷ ಜೋ ಬಿಡೆನ್ ಅವರು ನವೆಂಬರ್ ಚುನಾವಣೆಯಲ್ಲಿ ಗೆದ್ದರೆ ತಮ್ಮ ಆಡಳಿತದಲ್ಲಿ ಭಾರತಕ್ಕೆ ಹೆಚ್ಚಿನ ಆದ್ಯತೆ ನೀಡಲಿದ್ದೇವೆ ಎಂದು ತಿಳಿಸಿದ್ದಾರೆ.

ಅಮೆರಿಕಾದ "ನೈಸರ್ಗಿಕ ಪಾಲುದಾರ" ಆಗಿರುವ ನವದೆಹಲಿಯೊಂದಿಗೆ ಸಂಬಂಧವನ್ನು ಬಲಪಡಿಸುವ ನಿಟ್ಟಿನಲ್ಲಿ ಅವರ ಆಡಳಿತವು ಕೆಲಸ ಮಾಡುತ್ತದೆ ಎಂದು ಬಿಡೆನ್ ಹೇಳಿದರು. ಬೀಕನ್ ಕ್ಯಾಪಿಟಲ್ ಪಾಲುದಾರರ ಅಧ್ಯಕ್ಷ ಮತ್ತು ಸಿಇಒ ಅಲನ್ ಲೆವೆಂಥಾಲ್ ಆಯೋಜಿಸಿದ್ದ ವರ್ಚುವಲ್ ನಿಧಿಸಂಗ್ರಹಣೆ ಸಂದರ್ಭದಲ್ಲಿ ಬಿಡೆನ್ ಅವರ ಈ ಅಭಿಪ್ರಾಯಗಳು ಬಂದವು.

ಅಮೆರಿಕದಲ್ಲಿ ಒಂದೇ ದಿನ 52 ಸಾವಿರ ಕೊರೊನಾ ಸೋಂಕಿತರು ಪತ್ತೆ

ಈ ಸಂದರ್ಭದಲ್ಲಿ, ಅಮೆರಿಕಾ-ಭಾರತ ಸಂಬಂಧಗಳನ್ನು ಬಲಪಡಿಸುವುದು ಅಮೆರಿಖಾ ಭದ್ರತೆಗಾಗಿ "ಅಗತ್ಯ ಮತ್ತು ಪ್ರಮುಖ" ನಡೆ ಎಂದು ಬಿಡೆನ್ ವಿವರಿಸಿದರು.

ಜೋ ಬಿಡೆನ್ ಹೇಳಿದ ಪ್ರಮುಖಾಂಶಗಳು ಈ ಕೆಳಗಿವೆ:

1) ನಮ್ಮ ಸುರಕ್ಷತೆಗಾಗಿ ಭಾರತವು ಈ ಪ್ರದೇಶದಲ್ಲಿ ಪಾಲುದಾರರಾಗಬೇಕು ಮತ್ತು ಅವರ ಪಾಲಿಗೂ ಇದು ಅಷ್ಟೇ ಪ್ರಮುಖವಾದುದು.

2) ಭಾರತದೊಂದಿಗನ ಪಾಲುದಾರಿಕೆ, ಕಾರ್ಯತಂತ್ರದ ಸಹಭಾಗಿತ್ವ, ನಮ್ಮ ಭದ್ರತೆಯಲ್ಲಿ ಅಗತ್ಯ ಮತ್ತು ಮುಖ್ಯವಾಗಿದೆ.

3) ನಮ್ಮ ಆಡಳಿತದಲ್ಲಿ, ಒಂದು ದಶಕದ ಹಿಂದೆ ಅಮೆರಿಕಾ-ಭಾರತ ನಾಗರಿಕ ಪರಮಾಣು ಒಪ್ಪಂದಕ್ಕೆ ಕಾಂಗ್ರೆಸ್ಸಿನ ಅನುಮೋದನೆ ಪಡೆಯುವಲ್ಲಿ ನನ್ನದೊಂದು ಪಾತ್ರವನ್ನು ವಹಿಸಲು ನನಗೆ ಹೆಮ್ಮೆ ಇದೆ. ಇದು ನಿಜಕ್ಕೂ ದೊಡ್ಡ ವಿಷಯವಾಗಿದೆ.

4) ನಮ್ಮ ಸಂಬಂಧದಲ್ಲಿ ಹೆಚ್ಚಿನ ಪ್ರಗತಿಗೆ ಬಾಗಿಲು ತೆರೆಯಲು ಸಹಾಯ ಮಾಡುವುದು ಮತ್ತು ಭಾರತದೊಂದಿಗಿನ ನಮ್ಮ ಕಾರ್ಯತಂತ್ರದ ಸಹಭಾಗಿತ್ವವನ್ನು ಬಲಪಡಿಸುವುದು ಒಬಾಮಾ-ಬಿಡೆನ್ ಆಡಳಿತದಲ್ಲಿ ಹೆಚ್ಚಿನ ಆದ್ಯತೆಯಾಗಿತ್ತು.

5) ನಾನು ಅಧ್ಯಕ್ಷನಾಗಿ ಆಯ್ಕೆಯಾದರೆ ಭಾರತದೊಂದಿಗಿನ ನಮ್ಮ ಕಾರ್ಯತಂತ್ರದ ಸಂಬಂಧವನ್ನು ಬಲಪಡಿಸುವುದು ಹೆಚ್ಚಿನ ಆದ್ಯತೆಯಾಗಿದೆ.

ಇದೇ ವೇಳೆ ಅಮೆರಿಕಾದಲ್ಲಿ ಕೋವಿಡ್ -19 ಬಿಕ್ಕಟ್ಟನ್ನು ನಿಭಾಯಿಸಿದ್ದಕ್ಕಾಗಿ ಬಿಡೆನ್, ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿರುದ್ಧ ವಾಗ್ದಾಳಿ ನಡೆಸಿದರು ಮತ್ತು ಟ್ರಂಪ್ ಅನೇಕ ಎಚ್ಚರಿಕೆಗಳನ್ನು ನಿರ್ಲಕ್ಷಿಸಿದ್ದಾರೆ ಎಂದು ಹೇಳಿದ್ದಾರೆ. ಸೂಕ್ತ ನಾಯಕತ್ವಕ್ಕಿಂತ ಹೆಚ್ಚಾಗಿ, ದೇಶವು ಗುಣಪಡಿಸುವ ಅವಶ್ಯಕತೆಯಿದೆ ಎಂದು ಅವರು ಹೇಳಿದರು.

ಜೊತೆಗೆ ತಾವು ಆಡಳಿತಕ್ಕೆ ಬಂದರೆ ಟ್ರಂಪ್ ಆಡಳಿತವು ಹೆಚ್-1b ವೀಸಾ ಮೇಲೆ ಹೇರಿರುವ ನಿಷೇಧ ಹಿಂಪಡೆಯುವುದಾಗಿ ಭರವಸೆ ನೀಡಿದರು.

English summary
Democratic presidential candidate and former vice president will have India on a high priority for his administration if he wins the November elections.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more