Click it and Unblock the Notifications
Just In
-
-
-
Don't Miss
-
ನಿಜವಾದ ಮಾನವತಾವಾದಿ: ನಟ ರಾಘವ ಲಾರೆನ್ಸ್ರಿಂದ ವಿಶೇಷ ಚೇತನ ಸಾಧಕರಿಗೆ 13 ಟಿವಿಎಸ್ ಸ್ಕೂಟರ್ ಗಿಫ್ಟ್ -
ರಸ್ತೆ ಬದಿಯ ಮರಗಳಿಗೆ ಬಣ್ಣ ಏಕೆ ಬಳಿದಿರುತ್ತಾರೆ..? ಕೆವಿನ್ ಪೀಟರ್ಸನ್ಗೆ ಈ ಪ್ರಶ್ನೆ ಕಾಡಿದ್ದೇಕೆ..? -
ಬಿಸಿಲ ಬೇಗೆಯಿಂದ ರಕ್ಷಿಸಿಕೊಳ್ಳಲು ಟ್ರಾಫಿಕ್ ಪೊಲೀಸರಿಗೆ ರಿಲಿಫ್: ಬಂತು ಹವಾನಿಯಂತ್ರಿತ ಎಸಿ ಹೆಲ್ಮೆಟ್! -
ಕನ್ನಡ ಚಿತ್ರರಂಗಕ್ಕೆ ಬಂದ ಕಾಲಿವುಡ್ನ ಕಿನ್ನರಿ ; ಡಾಲಿಯ 'ಉತ್ತರಕಾಂಡ'ಕ್ಕೆ ಇವರೇ ನಾಯಕಿ..? -
Samsung: ಸ್ಯಾಮ್ಸಂಗ್ನ ಈ ಸರಣಿ ಫೋನ್ಗಳಲ್ಲಿ ಗ್ರೀನ್ ಲೈನ್ ಸಮಸ್ಯೆ! ವರದಿ -
ಟಿ20 ವಿಶ್ವಕಪ್ ಬಗ್ಗೆ ಸ್ಪಷ್ಟನೆ ಕೇಳಿದ ವಿರಾಟ್ ಕೊಹ್ಲಿ; ಕಹಾನಿ ಮೇ ಟ್ವಿಸ್ಟ್ ನೀಡಿದ ಬಿಸಿಸಿಐ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಅತಿ ಎತ್ತರದ ಪ್ರದೇಶದಲ್ಲಿದ್ದರೆ ಕೊರೊನಾ ವೈರಸ್ ಸೋಂಕು ಹರಡುವುದಿಲ್ಲವೇ?
ವಾಷಿಂಗ್ಟನ್, ಜೂನ್ 1: ತಗ್ಗು ಪ್ರದೇಶದಲ್ಲಿ ವಾಸಿಸುವ ಜನರಿಗೆ ಹೋಲಿಸಿದರೆ, ಅತಿ ಎತ್ತರದ ಪ್ರದೇಶಗಳಲ್ಲಿ ವಾಸಿಸುವ ಜನರು, ಅದರಲ್ಲೂ ಸಮುದ್ರ ಮಟ್ಟಕ್ಕಿಂತ 3 ಸಾವಿರ ಮೀಟರ್ (9,842 ಅಡಿ) ಎತ್ತರದಲ್ಲಿ ನೆಲೆಸಿರುವವರಲ್ಲಿ ಕೊರೊನಾ ವೈರಸ್ ಸೋಂಕಿನ ಪ್ರಮಾಣ ಕಡಿಮೆ ಇದೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
Recommended Video
ರೆಸ್ಪಿರೇಟರಿ ಫಿಸಿಯಾಲಜಿ ಆಂಡ್ ನ್ಯೂರೋಬಯಾಲಜಿ ಎಂಬ ಜರ್ನಲ್ ನಲ್ಲಿ ಪ್ರಕಟವಾದ ಅಧ್ಯಯನದಲ್ಲಿ ಈ ಅಂಶ ಬೆಳಕಿಗೆ ಬಂದಿದೆ. ಆಸ್ಟ್ರೇಲಿಯಾ, ಬೊಲಿವಿಯಾ, ಕೆನಡಾ ಮತ್ತು ಸ್ವಿಟ್ಜರ್ ಲ್ಯಾಂಡ್ ನ ಸಂಶೋಧಕರು ಬೊಲಿವಿಯಾ, ಈಕ್ವೆಡಾರ್ ಮತ್ತು ಟಿಬೆಟ್ ನ ಎಪಿಡಿಮಿಯೋಲಾಜಿಕಲ್ ಡೇಟಾವನ್ನು ಪರಿಶೀಲಿಸಿದ್ದಾರೆ.
ಚೀನಾಗೆ ಹೋಲಿಸಿದರೆ, ಟಿಬೆಟ್ ನಲ್ಲಿ ಸೋಂಕಿತರ ಸಂಖ್ಯೆ ಸಿಕ್ಕಾಪಟ್ಟೆ ಕಡಿಮೆ ಇದೆ. ಹಾಗೇ, ಬೊಲಿವಿಯನ್ ಆಂಡೆಸ್ ಮತ್ತು ಈಕ್ವೆಡೋರಿಯನ್ ಆಂಡೆಸ್ ನಲ್ಲೂ ಸೋಂಕಿತರ ಪ್ರಮಾಣ ಕಮ್ಮಿ ಇರುವುದು ದತ್ತಾಂಶದಿಂದ ತಿಳಿದುಬಂದಿದೆ.
ಪೆರುವಿನ ಕುಸ್ಕೊ ಅಂಕಿ-ಅಂಶ
ಕೇವಲ 420,000 ನಿವಾಸಿಗಳನ್ನು ಹೊಂದಿರುವ ಪೆರುವಿನ ಕುಸ್ಕೊದಲ್ಲಿ ಇಲ್ಲಿಯವರೆಗೂ ಮೂರು ಮಂದಿ ಮಾತ್ರ ಕೋವಿಡ್-19 ನಿಂದ ಸಾವನ್ನಪ್ಪಿದ್ದಾರೆ. ಅಸಲಿಗೆ, ಆ ಮೂವರೂ ಮೆಕ್ಸಿಕೊ, ಚೀನಾ ಮತ್ತು ಬ್ರಿಟನ್ ನಿಂದ ಬಂದಿದ್ದ ಪ್ರವಾಸಿಗಳು.
ಮಾರ್ಚ್ 23 ರಿಂದ ಏಪ್ರಿಲ್ 3 ರವರೆಗೂ ಪೆರುವಿನಲ್ಲಿ ಲಾಕ್ ಡೌನ್ ಘೋಷಿಸಲಾಗಿತ್ತು. ಅಂದಿನಿಂದ ಕುಸ್ಕೊದಲ್ಲಿ ಕೊರೊನಾ ವೈರಸ್ ಸೋಂಕಿನಿಂದ ಯಾರೂ ಸಾವನ್ನಪ್ಪಿಲ್ಲ.
ಅಂದ್ಹಾಗೆ, ಕುಸ್ಕೊ ಸಮುದ್ರಮಟ್ಟಕ್ಕಿಂತ 3,400 ಮೀಟರ್ (11,200 ಅಡಿ) ಎತ್ತರದಲ್ಲಿದೆ.
ವೈರಾಣುಗಳಿಗೆ ಪ್ರತಿಕೂಲ ವಾತಾವರಣ
ಹೆಚ್ಚಿನ ಎತ್ತರದಲ್ಲಿ ವಾಸಿಸುವ ಜನರು ಹೈಪೋಕ್ಸಿಯಾ (ರಕ್ತದಲ್ಲಿ ಕಡಿಮೆ ಪ್ರಮಾಣದ ಆಕ್ಸಿಜನ್) ನಿಭಾಯಿಸುವ ಸಾಮರ್ಥ್ಯವನ್ನು ಹೊಂದಿರುತ್ತಾರೆ. ಹಾಗೇ, ಅಲ್ಲಿನ ನೈಸರ್ಗಿಕ ವಾತಾವರಣ ವೈರಾಣುಗಳಿಗೆ ಪ್ರತಿಕೂಲವಾಗಿದೆ ಎಂದು ಸಂಶೋಧಕರು ವಿಶ್ಲೇಷಿಸಿದ್ದಾರೆ.
ಹಿಮಾಲಯನ್ಸ್, ಇಥಿಯೋಪಿಯನ್ ಹೈಲ್ಯಾಂಡರ್ಸ್, ಆಂಡಿಯನ್ಸ್ ಮಾತ್ರ ಎತ್ತರದ ವಾತಾವರಣಕ್ಕೆ ಜೆನೆಟಿಕ್ ಅಡ್ಯಾಪ್ಟೇಷನ್ ಹೊಂದಿದ್ದಾರೆ ಎಂದು ಸಂಶೋಧಕರು ತಿಳಿಸಿದ್ದಾರೆ.
ಹೆಚ್ಚಿನ ಅಧ್ಯಯನದ ಅವಶ್ಯಕತೆ ಇದೆ
ಅತಿ ಎತ್ತರದಲ್ಲಿ ವಾಸಿಸುವ ಜನರು ಮತ್ತು ಕೊರೊನಾ ವೈರಸ್ ಸೋಂಕಿನ ನಡುವೆ ಇರುವ ಸಂಬಂಧದ ಕುರಿತು ಇನ್ನೂ ಹೆಚ್ಚಿನ ಅಧ್ಯಯನದ ಅವಶ್ಯಕತೆ ಇದೆ. ಅತಿ ಎತ್ತರದಲ್ಲಿ ವಾಸಿಸುವ ಜನರು ಕೊರೊನಾ ವೈರಸ್ ಸೋಂಕಿಗೆ ಒಳಗಾದಾಗ, ಪರೀಕ್ಷೆ ಅಥವಾ ವೈದ್ಯಕೀಯ ಚಿಕಿತ್ಸೆ ಪಡೆಯುವ ಸಾಧ್ಯತೆ ಕಮ್ಮಿ ಇರುವ ಅಂಶವನ್ನೂ ತಳ್ಳಿ ಹಾಕುವಂತಿಲ್ಲ.
ಎಲ್ಲಿದ್ದರೇನು.?
''ವೈರಾಣುಗಳಿಗೆ ಜನರೆಂದರೆ ಇಷ್ಟ. ಅತಿ ಎತ್ತರದ ಪ್ರದೇಶಗಳ ಬಗ್ಗೆ ವೈರಾಣು ಕೇರ್ ಮಾಡಲ್ಲ'' ಎನ್ನುತ್ತಾರೆ ಸ್ಯಾನ್ ಫ್ರಾನ್ಸಿಸ್ಕೋದಲ್ಲಿನ ಕ್ಯಾಲಿಫೋರ್ನಿಯಾದ ವಿಶ್ವವಿದ್ಯಾನಿಲಯದ ಸಂಶೋಧಕ ಪೀಟರ್ ಚಿನ್-ಹಾಂಗ್.
