ಜನಾಂಗೀಯ ಹತ್ಯೆ ವಿರುದ್ಧದ ಪ್ರತಿಭಟನೆ: ನೈಕಿ ಶೋ ರೂಮ್ ಲೂಟಿ
ವಾಷಿಂಗ್ಟನ್, ಮೇ 31: ಅಮೆರಿಕದಲ್ಲಿ, ಆಫ್ರಿಕನ್ ಪ್ರಜೆ ಜಾರ್ಜ್ ಪ್ಲೋಯ್ಡ್ ಎಂಬಾತನ ಜನಾಂಗೀಯ ಹತ್ಯೆ ಖಂಡಿಸಿ ಪ್ರತಿಭಟನೆಗಳು ಹೆಚ್ಚುತ್ತಿವೆ.
ಈ ನಡುವೆ ಮಿಚಿಗನ್ ನಲ್ಲಿ ನಡೆಯುತ್ತಿದ್ದ ಪ್ರತಿಭಟನೆ ವೇಳೆ ಪ್ರತಿಭಟನಾಕಾರರು ನೈಕಿ ಶೋ ರೂಮ್ ಒಂದನ್ನು ಹಾಡಹಗಲೇ ಲೂಟಿ ಮಾಡಿರುವ ಘಟನೆ ಶನಿವಾರ ನಡೆದಿದೆ. ಈ ಕುರಿತ ವಿಡಿಯೋ ಟ್ವಿಟ್ಟರ್ ನಲ್ಲಿ ವೈರಲ್ ಆಗಿದೆ.
ಅಮೇರಿಕಾದಲ್ಲಿ ಹಿಂಸಾಚಾರಕ್ಕೆ ತಿರುಗಿದ ಪ್ರತಿಭಟನೆ: ಗುಂಡೇಟಿಗೆ ಓರ್ವ ಬಲಿ.!
ಪ್ರತಿಭಟನಾಕಾರರು ನೈಕಿ ಮಳಿಗೆಗೆ ಹಾನಿ ಮಾಡಿ, ಮಳಿಗೆಯಲ್ಲಿನ ವಸ್ತುಗಳನ್ನು ಲೂಟಿ ಮಾಡಿದ್ದಾರೆ. ಈ ವೇಳೆ ಪೊಲೀಸರು ಸ್ಥಳಕ್ಕೆ ಬರುವ ವೇಳೆಗೆ ಮಳಿಗೆ ಸಂಪೂರ್ಣ ಲೂಟಿಯಾಗಿರುವುದು ಕಂಡು ಬಂದಿದೆ.
Nike store on Michigan Ave smashed and completely looted pic.twitter.com/IRZc4FuDBO
— Ben Pope (@BenPopeCST) May 31, 2020
ಕಳೆದ ವಾರ ಖೋಟಾ ನೋಟು ಚಲಾವಣೆ ಆರೋಪದ ಮೇಲೆ ಜಾರ್ಜ್ ಪ್ಲೋಯ್ಡ್ ಎಂಬ ವ್ಯಕ್ತಿಯನ್ನು ಮಿನ್ನೆಸೋಟಾದಲ್ಲಿ ಪೊಲೀಸರು ಥಳಿಸಿದ್ದರು. ಕಾರ್ನಿಂದ ಹೊರಗೆಳೆದು ಜಾರ್ಜ್ ಕುತ್ತಿಗೆಯ ಮೇಲೆ ಪೊಲೀಸ್ ಅಧಿಕಾರಿಯೊಬ್ಬ ಕಾಲಿಟ್ಟು ಅಮಾನವೀಯವಾಗಿ ನಡೆದುಕೊಂಡಿದ್ದ. ಈ ವೇಳೆ ಜಾರ್ಜ್ ಉಸಿರುಗಟ್ಟಿ ಸಾವನ್ನಪ್ಪಿದ್ದ. ಈ ಜನಾಂಗೀಯ ಹತ್ಯೆಯನ್ನು ಖಂಡಿಸಿ ಅಮೇರಿಕದ ಹತ್ತಕ್ಕೂ ಹೆಚ್ಚು ರಾಜ್ಯಗಳಲ್ಲಿ ಪ್ರತಿಭಟನೆಗಳು ನಡೆಯುತ್ತಿವೆ.