ವಿಡಿಯೋ; ಬಾಹ್ಯಾಕಾಶದಲ್ಲಿ ಅತಿಹೆಚ್ಚು ದಿನ ಇದ್ದು, ಭೂಮಿಗೆ ಬಂದ ಗಗನಯಾತ್ರಿ!
ವಾಷಿಂಗ್ಟನ್, ಫೆಬ್ರವರಿ 6; ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಿಂದ ಒಂದು ವರ್ಷದ ಬಳಿಕ ಗಗನಯಾತ್ರಿಗಳು ಭೂಮಿಗೆ ಆಗಮಿಸಿರುವ ಸನ್ನಿವೇಶ ಗುರುವಾರ ವಿಜ್ಞಾನ ಪ್ರಿಯರಲ್ಲಿ ಸಂಚಲನ ಸೃಷ್ಠಿಸಿತು.
ಗುರುವಾರ ಈ ಕುರಿತು ರಾಷ್ಟ್ರೀಯ National Aeronautics and Space Administration (NASA) ಹರ್ಷ ವ್ಯಕ್ತಪಡಿಸಿದ್ದು, ಮೂವರು ಗಗನಯಾತ್ರಿಗಳನ್ನು ಕಜಕ್ಸ್ತಾನ್ದ ಹುಲ್ಲುಗಾವಲಿನಲ್ಲಿ ಭೂಮಿಗೆ ಸ್ವಾಗತಿಸಿದೆ. ಇದರಲ್ಲಿದ್ದ ನಾಸಾದ ಕ್ರಿಸ್ಟಿನಾ ಕೋಚ್ ಎಂಬ ಗಗನಯಾತ್ರಿ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದು, ಮಹಿಳಾ ಗಗನಯಾತ್ರಿ ಪೆಗ್ಗಿ ವಿಟ್ಸನ್ ಹೆಸರಿನಲ್ಲಿದ್ದ ಈ ಹಿಂದಿನ ದಾಖಲೆಯನ್ನು ಮುರಿದಿದ್ದಾರೆ.
ಭೂಮಿ ಗಾತ್ರದ ಮತ್ತೊಂದು ಜಗತ್ತು ಕಂಡುಹಿಡಿದ ನಾಸಾ
ಅತಿ ಹೆಚ್ಚು ಕಾಲ ಬಾಹ್ಯಾಕಾಶದಲ್ಲಿದ್ದು ವಾಪಸ್ ಭೂಮಿಗೆ ಬಂದಿರುವ ಮಹಿಳಾ ಗಗನಯಾತ್ರಿ ಕ್ರಿಸ್ಟಿನಾ ಕೋಚ್ ಐತಿಹಾಸಿಕ ದಾಖಲೆ ನಿರ್ಮಿಸಿದ್ದಾರೆ. ಕ್ರಿಸ್ಟಿನಾ ಅವರನ್ನು ಭೂಮಿಗೆ ಸ್ವಾಗತಿಸಿದಾಗ ಅವರು ಅತೀವ ಸಂತಸ ವ್ಯಕ್ತಪಡಿಸಿ ನಗುತ್ತಿರುವ ದೃಶ್ಯವನ್ನು ಟ್ವೀಟ್ ಮಾಡಿರುವ ನಾಸಾ 'ಎಂತಹ ಅದ್ಭುತ ನಗು' ಎಂದು ಪ್ರಶಂಸಿದೆ. ಜಗತ್ತಿನಾದ್ಯಂತ ಶುಭಾಶಯಗಳು ಕ್ರಿಸ್ಟಿನಾ ಅವರಿಗೆ ಸಂದಿವೆ.
Thumbs up and a huge smile from @Astro_Christina! 😊👍
— NASA (@NASA) February 6, 2020
Her first spaceflight became a 328-day mission with 5,248 orbits of Earth, a journey of 139 million miles, roughly the equivalent of 291 trips to the Moon & back. #CongratsChristina & welcome home: https://t.co/8MFSftrUyR pic.twitter.com/zlmY2yYJDe
ಇದಕ್ಕೂ ಮುನ್ನ 2019 ರ ಡಿಸೆಂಬರ್ ನ 28 ರಲ್ಲಿ ನಾಸಾದ ಪೆಗ್ಗಿ ವಿಟ್ಸನ್ ಎಂಬುವವರು 289 ದಿನಗಳ ಕಾಲ ಬಾಹ್ಯಾಕಾಶದಲ್ಲಿದ್ದು ವಾಪಸ್ ಭೂಮಿಗೆ ಬಂದಿದ್ದರು. 328 ದಿನಗಳ ಕಾಲ ಬಾಹ್ಯಾಕಾಶದಲ್ಲಿದ್ದು ವಾಪಸ್ಸಾಗುವ ಮೂಲಕ ಈ ದಾಖಲೆಯನ್ನು ಮಿಚಿಗನ್ ಮೂಲದ 41 ವರ್ಷದ ಇಂಜಿನಿಯರ್ ಕ್ರಿಸ್ಟಿನಾ ಕೋಚ್ ಮುರಿದಿದ್ದಾರೆ. ಇವರ ಜೊತೆ ಗಗನಯಾತ್ರಿ ಜೆಸ್ಸಿಕಾ ಕೂಡ ವಾಪಸ್ಸಾಗಿದ್ದಾರೆ.