ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಕನ್ನಡಿಗ ವಿವೇಕ್ ಮೂರ್ತಿಗೆ ಅಮೆರಿಕ ಸರ್ಜನ್ ಜನರಲ್ ಹುದ್ದೆ

|
Google Oneindia Kannada News

ವಾಷಿಂಗ್ಟನ್, ಡಿಸೆಂಬರ್ 7: ರಾಜ್ಯದ ಮಂಡ್ಯ ಜಿಲ್ಲೆಯ ಮೂಲದವರಾದ ಡಾ. ವಿವೇಕ್ ಮೂರ್ತಿ ಅವರನ್ನು ಅಮೆರಿಕದ ಸರ್ಜನ್ ಜನರಲ್ ಹುದ್ದೆಗೆ ಮರಳಿ ನಾಮನಿರ್ದೇಶನ ಮಾಡಲಾಗಿದೆ. ಅಧ್ಯಕ್ಷರಾಗಿ ಚುನಾಯಿತರಾಗಿರುವ ಜೋ ಬೈಡನ್ ಅವರು ತಮ್ಮ ಆಡಳಿತದಲ್ಲಿ ಆರೋಗ್ಯ ವಿಭಾಗವನ್ನು ನಿರ್ವಹಿಸುವ ತಂಡವನ್ನು ಕಟ್ಟಿದ್ದಾರೆ. ಬರಾಕ್ ಒಬಾಮ ಅವರ ಆಡಳಿತದಲ್ಲಿ ಅಮೆರಿಕದ ಸರ್ಜನ್ ಜನರಲ್ ಆಗಿ ಕಾರ್ಯನಿರ್ವಹಿಸಿದ್ದ ಡಾ. ವಿವೇಕ್ ಮೂರ್ತಿ ಅವರಿಗೆ ನಿರೀಕ್ಷೆಯಂತೆ ಅದೇ ಹುದ್ದೆಯನ್ನು ನೀಡಿದ್ದಾರೆ.

2014 ರಿಂದ 2017ರ ಅವಧಿಯಲ್ಲಿ ತಾವು ನಿಭಾಯಿಸಿದ್ದ ಹುದ್ದೆಗೆ ವಿವೇಕ್ ಮೂರ್ತಿ ಮರಳುತ್ತಿದ್ದು, ಅವರಿಗೆ ಹೆಚ್ಚು ವಿಸ್ತೃತ ತಂಡ ಸಿಗುವ ಸಾಧ್ಯತೆ ಇದೆ. ಕೊರೊನಾ ವೈರಸ್ ಪಿಡುಗನ್ನು ನಿಯಂತ್ರಿಸುವ ಮಹತ್ವದ ಜವಾಬ್ದಾರಿ ಅವರ ಮೇಲಿದೆ. ಹೀಗಾಗಿ ಒಬಾಮ ಆಡಳಿತದಲ್ಲಿದ್ದ ಆರೋಗ್ಯ ತಂಡಕ್ಕಿಂತ ಹೆಚ್ಚಿನ ಸಹಾಯಕರು ವಿವೇಕ್ ಅವರ ತಂಡದಲ್ಲಿ ಇರಲಿದ್ದಾರೆ.

ಜೋ ಬೈಡನ್ ಸಂಪುಟದಲ್ಲಿ ವಿವೇಕ್ ಮೂರ್ತಿ, ಅರುಣ್ ಮಜುಂದಾರ್‌ಗೆ ಸ್ಥಾನ ಸಾಧ್ಯತೆಜೋ ಬೈಡನ್ ಸಂಪುಟದಲ್ಲಿ ವಿವೇಕ್ ಮೂರ್ತಿ, ಅರುಣ್ ಮಜುಂದಾರ್‌ಗೆ ಸ್ಥಾನ ಸಾಧ್ಯತೆ

ಅಮೆರಿಕದಲ್ಲಿ ಸುಮಾರು 2.82 ಲಕ್ಷ ಜನರ ಸಾವಿಗೆ ಕಾರಣವಾಗಿರುವ ಕೊರೊನಾ ವೈರಸ್ ಪಿಡುಗನ್ನು ನಿಯಂತ್ರಿಸುವ ಸಂಬಂಧ ಬೈಡನ್ ಅವರ ಆಡಳಿತದಲ್ಲಿ ವಿವೇಕ್ ಮೂರ್ತಿ ಅವರು ಬಹಳ ಪ್ರಮುಖದ ಪಾತ್ರ ವಹಿಸಲಿದ್ದಾರೆ ಎಂಬುದನ್ನು ಸೆನೆಟ್ ಖಚಿಪಡಿಸಿದೆ.

 Kannadiga Dr Vivek Murthy Nominated As US Surgeon General BY Joe Biden

2014ರಲ್ಲಿ ಸರ್ಜನ್ ಜನರಲ್ ಆಗಿ ನೇಮಕಗೊಂಡ ಸಂದರ್ಭದಲ್ಲಿ ವಿವೇಕ್ ಮೂರ್ತಿ ಅವರಿಗೆ ಸೆನೆಟ್‌ನಲ್ಲಿ ರಿಪಬ್ಲಿಕನ್ನರಿಂದ ತೀವ್ರ ವಿರೋಧ ವ್ಯಕ್ತವಾಗಿತ್ತು. ಆದರೆ ಬರಾಕ್ ಒಬಾಮ ತಮ್ಮ ಪಟ್ಟು ಸಡಿಲಿಸಿರಲಿಲ್ಲ. ಈ ಬಾರಿ ಕೂಡ ಸೆನೆಟ್‌ನಲ್ಲಿ ರಿಪಬ್ಲಿಕನ್ನರು ಪ್ರಾಬಲ್ಯ ಉಳಿಸಿಕೊಂಡರೆ ವಿವೇಕ್ ಅವರು ಪ್ರತಿರೋಧ ಎದುರಿಸುವ ಸಾಧ್ಯತೆ ಇದೆ.

ಜೋ ಬೈಡನ್ ಪರಾಮರ್ಶನಾ ತಂಡಗಳಲ್ಲಿ ಭಾರತ ಮೂಲದ 20 ಮಂದಿಗೆ ಸ್ಥಾನಜೋ ಬೈಡನ್ ಪರಾಮರ್ಶನಾ ತಂಡಗಳಲ್ಲಿ ಭಾರತ ಮೂಲದ 20 ಮಂದಿಗೆ ಸ್ಥಾನ

ಒಬಾಮ ಆಡಳಿತದಲ್ಲಿ ಸರ್ಜನ್ ಜನರಲ್ ಆಗಿ ವಿವೇಕ್ ಅವರು ಎಬೋಲಾ ಮತ್ತು ಝೈಕಾ ವೈರಸ್‌ಗಳ ರಾಷ್ಟ್ರೀಯ ಬಿಕ್ಕಟ್ಟು ಹಾಗೂ ಇತರೆ ಆರೋಗ್ಯ ಸಮಸ್ಯೆಗಳನ್ನು ಸಮರ್ಥವಾಗಿ ಎದುರಿಸುವಲ್ಲಿ ಅಮೆರಿಕಕ್ಕೆ ನೆರವಾಗಿದ್ದರು.

ಅಮೆರಿಕದ ಕೊವಿಡ್ ಟಾಸ್ಕ್ ಫೋರ್ಸಿಗೆ ಕನ್ನಡಿಗ ವಿವೇಕ್ ಮೂರ್ತಿಅಮೆರಿಕದ ಕೊವಿಡ್ ಟಾಸ್ಕ್ ಫೋರ್ಸಿಗೆ ಕನ್ನಡಿಗ ವಿವೇಕ್ ಮೂರ್ತಿ

ಅಮೆರಿಕ ಅಧ್ಯಕ್ಷೀಯ ಚುನಾವಣೆಯಲ್ಲಿ ಜೋ ಬೈಡನ್ ಅವರ ಡೆಮಾಕ್ರಟಿಕ್ ತಂಡದ ಪ್ರಚಾರ ಕಾರ್ಯದಲ್ಲಿ ಹಿರಿಯ ಆರೋಗ್ಯ ಸಲಹೆಗಾರರಾಗಿ ವಿವೇಕ್ ಮೂರ್ತಿ ಪ್ರಮುಖ ಪಾತ್ರ ವಹಿಸಿದ್ದರು.

English summary
US President elect Joe Biden nominates Dr Vivek Murthy as US Surgeon General, a role he held under The Barack Obama administration.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X