ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಅಮೆರಿಕಕ್ಕೆ ಎಚ್-1ಬಿ ವೀಸಾದಿಂದ ಹೋದವರಲ್ಲಿ ಭಾರತೀಯರೇ ಹೆಚ್ಚು

|
Google Oneindia Kannada News

ವಾಷಿಂಗ್ಟನ್, ಏ. 15: ಅಮೆರಿಕಕ್ಕೆ ಕೆಲಸಕ್ಕೆ ಹೋಗುವವರಿಗೆ ನೀಡಲಾಗುವ ಎಚ್-1ಬಿ ವೀಸಾದಲ್ಲಿ ಸಿಂಹಪಾಲು ಭಾರತೀಯರದ್ದಿದೆ. 2021ರ ಹಣಕಾಸು ವರ್ಷದಲ್ಲಿ ಅಮೆರಿಕ 4.07 ಲಕ್ಷ ಮಂದಿಗೆ ಎಚ್-1ಬಿ ವೀಸಾ ನೀಡಿತ್ತು. ಇವರಲ್ಲಿ ಶೇ. 74.1 ರಷ್ಟು ಮಂದಿ ಭಾರತೀಯರೇ ಆಗಿದ್ದಾರೆ ಎಂಬುದು ಅಮೆರಿಕದ ಹೋಮ್‌ಲ್ಯಾಂಡ್ ಸೆಕ್ಯೂರಿಟಿ ಇಲಾಖೆಯ ಇತ್ತೀಚಿನ ವರದಿಯೊಂದರಿಂದ ತಿಳಿದುಬಂದಿದೆ.

ಹಿಂದಿನ ವರ್ಷದಲ್ಲಿ (2020ರ ಹಣಕಾಸು ವರ್ಷ) ಅಮೆರಿಕ 4.26 ಲಕ್ಷ ಮಂದಿಗೆ ಎಚ್-1ಬಿ ವೀಸಾ ಅನುಮತಿ ಕೊಟ್ಟಿತ್ತು. ಆಗಲೂ ಶೇ. 74ಕ್ಕಿಂತ ಹೆಚ್ಚು ಭಾರತೀಯರು ಆ ವೀಸಾ ಪಡೆದಿದ್ದರು. ಅಂದರೆ, 2020ರಲ್ಲಿ 3.19 ಲಕ್ಷ ಹಾಗು 2021ರಲ್ಲಿ 3.01 ಲಕ್ಷ ಮಂದಿ ಭಾರತದಿಂದ ಅಮೆರಿಕಕ್ಕೆ ಎಚ್-1ಬಿ ವೀಸಾ ಪಡೆದು ಹೋಗಿದ್ದಾರೆ.

ಅಮೆರಿಕದ ಎಚ್‌-1ಬಿ ವೀಸಾ ನೋಂದಣಿ ಮಾರ್ಚ್ 1 ರಿಂದ ಪ್ರಾರಂಭಅಮೆರಿಕದ ಎಚ್‌-1ಬಿ ವೀಸಾ ನೋಂದಣಿ ಮಾರ್ಚ್ 1 ರಿಂದ ಪ್ರಾರಂಭ

ಭಾರತೀಯರು ಬಿಟ್ಟರೆ ಅಮೆರಿಕದ ಎಚ್-1ಬಿ ವೀಸಾ ಹೆಚ್ಚು ಪಡೆದ ಇತರರಲ್ಲಿ ಚೀನೀಯರು ಪ್ರಮುಖರು. 2020ರಲ್ಲಿ 51597 ಮತ್ತು 2021ರಲ್ಲಿ 50328 ಮಂದಿ ಚೀನೀಯರು ಎಚ್‌-1ಬಿ ವೀಸಾ ಪಡೆದಿದ್ದರು. ಅಂದರೆ ಒಟ್ಟಾರೆ ವೀಸಾ ಪಡೆದವರಲ್ಲಿ ಚೀನೀಯರು ಪಾಲು ಶೇ. 12ರ ಆಸುಪಾಸು.

Indians got 74 pc H-1B Visas this fiscal, while Chinese are way behind

ಭಾರತ ಮತ್ತು ಚೀನಾ ಬಿಟ್ಟರೆ ಅಮೆರಿಕಕ್ಕೆ ಎಡೆತಾಕುವ ಇತರ ದೇಶಗಳ ಜನರ ಸಂಖ್ಯೆ ನಗಣ್ಯವೇ. ಪಕ್ಕದ ಕೆನಡಾ ದೇಶದಿಂದ 3836 ಮಂದಿ ಕಳೆದ ವರ್ಷ ಎಚ್-1ಬಿ ವೀಸಾ ಪಡೆದು ಅಮೆರಿಕಕ್ಕೆ ಹೋಗಿರುವ ಮಾಹಿತಿ ಇದೆ.

H1-B ವೀಸಾ ಅರ್ಜಿದಾರರು ಖುದ್ದಾಗಿ ಸಂದರ್ಶನಕ್ಕೆ ಹಾಜರಾಗಬೇಕಿಲ್ಲH1-B ವೀಸಾ ಅರ್ಜಿದಾರರು ಖುದ್ದಾಗಿ ಸಂದರ್ಶನಕ್ಕೆ ಹಾಜರಾಗಬೇಕಿಲ್ಲ

ಕಂಪ್ಯೂಟರ್ ಸಂಬಂಧಿತ ಉದ್ಯೋಗಿಗಳ ಪಾಲು ಹೆಚ್ಚು:
ಎಚ್-1ಬಿ ವೀಸಾ ಪಡೆದವರಲ್ಲಿ ಹೆಚ್ಚಿನವರು ಕಂಪ್ಯೂಟರ್ ಸಂಬಂಧಿತ ಉದ್ಯೋಗಿಗಳಾಗಿದ್ದಾರೆ. ಈ ಕ್ಷೇತ್ರದ 2.8 ಲಕ್ಷ ಮಂದಿ ಎಚ್-1ಬಿ ವೀಸಾ ಸಿಕ್ಕಿತ್ತು. ಅಂದರೆ ಅನುಮೋದನೆಗೊಂಡ ಎಚ್-1ಬಿ ವೀಸಾಗಳಲ್ಲಿ ಶೇ. 68.8ರಷ್ಟು ಪಾಲು ಕಂಪ್ಯೂಟರ್ ಉದ್ಯೋಗಿಗಳದ್ದಾಗಿದೆ.

ಇನ್ನು, ಎಚ್-1ಬಿ ವೀಸಾ ಪಡೆದವರಲ್ಲಿ ಶೇ. 56.6 ಮಂದಿ ಸ್ನಾತಕೋತ್ತರ ಪದವೀಧರರಾಗಿದ್ದಾರೆ. ಶೇ. 33.7 ಮಂದಿ ಬ್ಯಾಚಲರ್ ಪದವಿ ಪಡೆದವರಾಗಿದ್ದಾರೆ. ಶೇ. 6.8 ಮಂದಿ ಡಾಕ್ಟರೇಟ್ ಪಡೆದವರಿದ್ದರೆ ಶೇ. 2.9 ಮಂದಿ ವೃತ್ತಿಪರ ಡಿಗ್ರಿ ಪಡೆದುಕೊಂಡವರಿದ್ದಾರೆ.

Indians got 74 pc H-1B Visas this fiscal, while Chinese are way behind

ವೀಸಾ ಪಡೆದವರ ಸರಾಸರಿ ಸಂಬಳ ಎಷ್ಟು:
2021ರ ಹಣಕಾಸು ವರ್ಷದಲ್ಲಿ ಎಚ್-1ಬಿ ವೀಸಾ ಪಡೆದ ನೌಕರರ ಸರಾಸರಿ ಸಂಬಳ 1.08 ಲಕ್ಷ ಡಾಲರ್ (74 ಲಕ್ಷ ರೂಪಾಯಿ) ಅಂತೆ. ಇದು 2020ರ ವರ್ಷದಕ್ಕಿಂತ ಶೇ. 6.9ರಷ್ಟು ಹೆಚ್ಚು ಎನ್ನಲಾಗಿದೆ. ಇನ್ನು, ಎಚ್-1ಬಿ ವೀಸಾ ಪಡೆದ ಮಂದಿಯ ಸರಾಸರಿ ವಯಸ್ಸು 33 ವರ್ಷವಂತೆ.

ಏನಿದು ಎಚ್-1ಬಿ ವೀಸಾ?
ಎಚ್-1ಬಿ ವೀಸಾ ಎಂಬದು ಅಮೆರಿಕಕ್ಕೆ ವರ್ಕ್ ಪರ್ಮಿಟ್ ಮೇಲೆ ಹೋಗಲು ನೀಡಲಾಗುವ ವೀಸಾ. ಸಾಫ್ಟ್‌ವೇರ್, ಎಂಜಿನಿಯರಿಂಗ್, ವೈದ್ಯಕೀಯ ಇತ್ಯಾದಿ ವೃತ್ತಿಪರ ಕ್ಷೇತ್ರಗಳಲ್ಲಿ ಖಾಲಿ ಇರುವ ಕೆಲಸಕ್ಕಾಗಿ ವಿದೇಶದ ವೃತ್ತಿಪರರಿಗೆ ಅಮೆರಿಕದಲ್ಲಿ ಸೇವೆ ಸಲ್ಲಿಸಲು ಈ ವೀಸಾ ನೀಡಲಾಗುತ್ತದೆ. ಇದು ತಾತ್ಕಾಲಿಕ ವೀಸಾ ಮಾತ್ರ.

ಎಚ್-1ಬಿ ವೀಸಾದ ಕಾಲಾವಧಿ 3 ವರ್ಷ ಇರುತ್ತದೆ. ಹೆಚ್ಚೆಂದರೆ 5 ವರ್ಷದವರೆಗೂ ಇದರ ಅವಧಿಯನ್ನ ವಿಸ್ತರಿಸಬಹುದು. ಒಂದು ವೇಳೆ ಹೆಚ್-1ಬಿ ವೀಸಾ ಮೇಲೆ ಅಮೆರಿಕಕ್ಕೆ ಹೋದ ವ್ಯಕ್ತಿ, ಅದೇ ದೇಶದ ಪೌರತ್ವ ಪಡೆಯಬೇಕಾದರೆ ಗ್ರೀನ್ ಕಾರ್ಡ್‌ಗೆ ಅಪ್ಲೈ ಮಾಡಬೇಕಾಗುತ್ತದೆ. ಗ್ರೀನ್ ಕಾರ್ಡ್ ಸಿಕ್ಕರೆ ಆ ವ್ಯಕ್ತಿ ಅಮೆರಿಕದ ಯಾವುದೇ ಪ್ರದೇಶದಲ್ಲಿ ಯಾವುದೇ ಕೆಲಸ ಮಾಡಲು ಅನುಮತಿ ಸಿಕ್ಕಂತಾಗುತ್ತದೆ. ಅಮೆರಿಕದ ಪೌರತ್ವವೂ ಸಿಕ್ಕಂತಾಗುತ್ತದೆ.

(ಒನ್ಇಂಡಿಯಾ ಸುದ್ದಿ)

English summary
Out of total approved H-1B visas, Indians share is over 74% says a govt report in US. Around 12% Visas gone to Chinese.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X