ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಡೈವೋರ್ಸ್ ಕೇಳಿದ್ದಕ್ಕೆ ಪತ್ನಿಯನ್ನು ಬಾತ್‌ಟಬ್‌ನಲ್ಲಿ ಮುಳುಗಿಸಿ ಕೊಂದ

|
Google Oneindia Kannada News

ನ್ಯೂಯಾರ್ಕ್, ಜುಲೈ 16: ಭಾರತ ಮೂಲದ ವ್ಯಕ್ತಿಯೊಬ್ಬ 12 ವರ್ಷಗಳ ಹಿಂದೆ ತನ್ನಿಂದ ದೂರವಾಗಿದ್ದ ಪತ್ನಿ ವಿಚ್ಛೇದನ ಕೇಳಿದ್ದಕ್ಕಾಗಿ ಕೊಲೆ ಮಾಡಿದ ಪ್ರಕರಣದಲ್ಲಿ ಅಮೆರಿಕದ ನ್ಯಾಯಾಲಯವೊಂದರಿಂದ ಶಿಕ್ಷೆಗೆ ಗುರಿಯಾಗಿದ್ದಾನೆ.

ಅವತಾರ್ ಗ್ರೇವಲ್ (44) ಎಂಬಾತನನ್ನು 2011ರಲ್ಲಿ ಭಾರತದಿಂದ ಅಮೆರಿಕಕ್ಕೆ ಗಡಿಪಾರು ಮಾಡಲಾಗಿತ್ತು. ಈತ 2007ರಲ್ಲಿ ಅಹ್ವಾಟುಕೀಯಲ್ಲಿನ ಫೀನಿಕ್ಸ್ ಎಂಬಲ್ಲಿ 30 ವರ್ಷದ ಪತ್ನಿ ನವನೀತ್ ಕೌರ್‌ಳನ್ನು ಬಾತ್ ಟಬ್‌ನಲ್ಲಿ ಮುಳುಗಿಸಿ ಕೊಲೆ ಮಾಡಿದ್ದ. ಈ ಪ್ರಕರಣದಲ್ಲಿ ಆತ ತಪ್ಪಿತಸ್ಥ ಎಂಬುದು ದೃಢಪಟ್ಟಿದೆ. ಶಿಕ್ಷೆಯ ಪ್ರಮಾಣವನ್ನು ಆಗಸ್ಟ್ 23ರಂದು ಪ್ರಕಟಿಸಲಾಗುತ್ತದೆ.

ದೇವಿ ದರ್ಶನ ಪಡೆದು ಬೆಟ್ಟದಿಂದ ಹೆಂಡತಿಯನ್ನೇ ದೂಡಿದ ದೇವಿ ದರ್ಶನ ಪಡೆದು ಬೆಟ್ಟದಿಂದ ಹೆಂಡತಿಯನ್ನೇ ದೂಡಿದ

ಇವರಿಬ್ಬರೂ 2005ರಲ್ಲಿ ಭಾರತದಲ್ಲಿ ಮದುವೆಯಾಗಿದ್ದರು. ಆದರೆ, ಕೆಲವೇ ಸಮಯದಲ್ಲಿ ಬೇರ್ಪಟ್ಟಿದ್ದರು. ಅವತಾರ್ ಕೆನಡಾದಲ್ಲಿ ನೆಲೆಸಿದ್ದರೆ, ನವನೀತ್ ಕೌರ್ ಅಮೆರಿಕದಲ್ಲಿ ವೀಸಾದಡಿ ವಾಸಿಸುತ್ತಿದ್ದರು.

Indian origin man convicted afte 12 years killing wife seeking divorce

ಮದುವೆಯಾದಾಗಿನಿಂದಲೂ ಅವತಾರ್, ಹೆಂಡತಿಯ ಬಗ್ಗೆ ಅನುಮಾನ ಹೊಂದಿದ್ದ. ಆಕೆ ಎಲ್ಲಿದ್ದಾಳೆ ಎಂದು ತಿಳಿಯಲು ಪದೇ ಪದೇ ಕರೆ ಮಾಡುತ್ತಿದ್ದ. ಆಕೆ ರಿಸೀವ್ ಮಾಡದೆ ಇದ್ದರೆ ಕಚೇರಿ ಮತ್ತು ಇತರೆ ವ್ಯಕ್ತಿಗಳಿಗೆ ಕರೆ ಮಾಡುತ್ತಿದ್ದ. ಮದುವೆ ವೇಳೆ ನವನೀತ್ ಕೌರ್ ಅವರಿಗೆ ಹೃದಯ ಚಿಕಿತ್ಸೆಯ ಅಗತ್ಯವಿತ್ತು. ಅವರು ಅಮೆರಿಕದಲ್ಲಿ ಚಿಕಿತ್ಸೆ ಪಡೆಯಲು ಬಯಸಿದ್ದರೆ, ಅವತಾರ್ ಕೆನಡಾದಲ್ಲಿ ಚಿಕಿತ್ಸೆ ನೀಡಲು ಬಯಸಿದ್ದ.

ಸರಣಿ ಅತ್ಯಾಚಾರಿ ಸೈನೆಡ್ ಮೋಹನ್ 17ನೇ ಪ್ರಕರಣದಲ್ಲೂ ಅಪರಾಧ ಸಾಬೀತು ಸರಣಿ ಅತ್ಯಾಚಾರಿ ಸೈನೆಡ್ ಮೋಹನ್ 17ನೇ ಪ್ರಕರಣದಲ್ಲೂ ಅಪರಾಧ ಸಾಬೀತು

ಕೆಲವು ಸಮಯದ ಬಳಿಕ ನವನೀತ್ ತಮಗೆ ವಿಚ್ಛೇದನ ಬೇಕೆಂದು ಹೇಳಿದ್ದರು. ಅದರ ಬಗ್ಗೆ ಮಾತನಾಡಲು ಅವತಾರ್ ಕೆನಡಾದಿಂದ ಬಂದಿದ್ದ ಸಂದರ್ಭದಲ್ಲಿ ಮಾತಿಗೆ ಮಾತು ಬೆಳೆದು ಹೊಡೆದಾಡಿಕೊಂಡಿದ್ದರು. ಬಳಿಕ ಅವತಾರ್ ಆಕೆಯ ಕತ್ತು ಹಿಸುಕಿ ಬಾತ್‌ಟಬ್‌ನಲ್ಲಿ ಮುಳುಗಿಸಿದ್ದ ಎಂದು ಆರೋಪಿಸಲಾಗಿತ್ತು.

English summary
An Indian origin man was convicted by a US court for killing his estranged wife 12 years ago when she asked for a divorce.
ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X