ಶನಿ ಗ್ರಹದಲ್ಲಿ ಒಂದು ದಿನಕ್ಕೆ 10 ಗಂಟೆ 33 ನಿಮಿಷ 38 ಸೆಕೆಂಡ್, ಒಂದು ವರ್ಷಕ್ಕೆಷ್ಟು?

ವಾಷಿಂಗ್ಟನ್ (ಅಮೆರಿಕ), ಜನವರಿ 20: ಕಸ್ಸಿನಿ ಬಾಹ್ಯಾಕಾಶ ನೌಕೆಯು ಮಹತ್ವದ ಸಂಗತಿಯೊಂದನ್ನು ಬಯಲು ಮಾಡಿದೆ. ಶನಿ ಗ್ರಹದಲ್ಲಿ ಒಂದು ದಿನ ಅಂದರೆ 10 ಗಂಟೆ 33 ನಿಮಿಷ ಹಾಗೂ 38 ಸೆಕೆಂಡ್ ಗಳು ಮಾತ್ರ ಎಂಬ ಅಚ್ಚರಿಯ ಸಂಗತಿ ಬಯಲಾಗಿದೆ. ಸೌರಮಂಡಲ ವ್ಯವಸ್ಥೆ ವಿಜ್ಞಾನದಲ್ಲಿ ಇದು ಕುತೂಹಲವಾಗಿ ಉಳಿದಿತ್ತು.

ಕ್ಯಾಲಿಫೋರ್ನಿಯಾದ ಸಾಂಟಾ ಕ್ರೂಜ್ ವಿಶ್ವವಿದ್ಯಾಲಯದ ವಿಜ್ಞಾನಿಗಳ ನೇತೃತ್ವದಲ್ಲಿ ಕಸ್ಸಿನಿ ಬಾಹ್ಯಾಕಾಶ ಯೋಜನೆ ಕೈಗೊಂಡಿದ್ದು, ಅದರಿಂದ ಬಂದ ಹೊಸ ಮಾಹಿತಿಯು ಈ ಅಂಶವನ್ನು ಬಯಲು ಮಾಡಿದೆ. ಶನಿ ಗ್ರಹದಲ್ಲಿ ಒಂದು ವರ್ಷ ಅಂದರೆ, ಭೂಮಿ ಮೇಲಿನ 29 ವರ್ಷಗಳು ಎಂಬುದನ್ನು ಸಹ ಇದೇ ವೇಳೆ ಕಂಡುಹಿಡಿಯಲಾಗಿದೆ.

ಉಂಗುರದಲ್ಲಿ ಶನಿ ಗ್ರಹವು ಅವಿತಿಟ್ಟುಕೊಂಡಿರುವುದರಿಂದ ಈ ಅವಧಿಯನ್ನು ನಿರ್ಧರಿಸುವುದು ಸಾಧ್ಯವಾಗಿರಲಿಲ್ಲ. ಶನಿ ಗ್ರಹದ ಉಂಗುರದೊಳಗೆ ಆಗುವ ಕಂಪನಗಳನ್ನು ವಿಶ್ಲೇಷಣೆ ಮಾಡಿದ ಅಸ್ಟ್ರಾನಮಿ ಹಾಗೂ ಅಸ್ಟ್ರೋಫಿಸಿಕ್ಸ ವಿದ್ಯಾರ್ಥಿ ಕ್ರಿಸ್ಟೋಫರ್ ಮನ್ ಕೋವಿಚ್ ಈ ಬಗ್ಗೆ ತಿಳಿಸಿದ್ದಾರೆ.

ಗ್ರಹದೊಳಗೆ ಆಗುವ ಕಂಪನಗಳನ್ನು ಗಮನಿಸಿ, ಸೆಸ್ಮೊಮೀಟರ್ಸ್ ಅನ್ನು ಭೂ ಕಂಪನದಿಂದ ಆದ ವ್ಯತ್ಯಾಸಗಳನ್ನು ಮೌಲ್ಯಮಾಪನ ಮಾಡಲಾಗಿದೆ. ಕಸ್ಸಿನಿ ಬಾಹ್ಯಾಕಾಶ ನೌಕೆಯು ಇಂಧನ ಕಡಿಮೆಯಾದಾಗ ಶನಿಗ್ರಹದ ವಾತಾವರಣದಲ್ಲಿ ಸೆಪ್ಟೆಂಬರ್ 15, 2017ರಲ್ಲಿ ಪ್ರವೇಶ ಮಾಡಿದ್ದು, 13 ವರ್ಷಗಳ ಕಾಲ ಶನಿ ಗ್ರಹದ ಮಾಹಿತಿಯನ್ನು ರವಾನೆ ಮಾಡುತ್ತದೆ.

English summary

NASA's Cassini spacecraft has revealed that a day on Saturn is just over 10 and-a-half-hours-long, a finding that solved a long-standing mystery of solar system science.