Click it and Unblock the Notifications
Just In
-
-
-
Don't Miss
-
Seetha Rama ; ಸತ್ಯ ಹೇಳಲು ಹೊರಟ ಚಾಂದಿನಿಯನ್ನು ತಡೆದ ಭಾರ್ಗವಿ ಮನದಲ್ಲಿ ಸರ್ಪ್ರೈಸ್ ಪ್ಲಾನ್..! -
KKR vs RR IPL 2024: ಜೋಸ್ ದಿ ಬಾಸ್ ಬಟ್ಲರ್ ಆರ್ಭಟಕ್ಕೆ ಕೆಕೆಆರ್ ಹೈರಾಣ; ರಾಯಲ್ ಆಗಿ ಗೆದ್ದ ರಾಜಸ್ಥಾನ -
ಬೇಸಿಗೆಯಲ್ಲಿ ಇಡ್ಲಿ, ದೋಸೆಯ ಹಿಟ್ಟು ಹುಳಿ ಬಂದರೆ ಹುಳಿ ಕಡಿಮೆಯಾಗಲು ಏನು ಮಾಡಬೇಕು? -
ಪೆಟ್ರೋಲ್ ಎಂಜಿನ್ಗಳಲ್ಲಿ ಮಾತ್ರ ಬರಲಿದೆ ರೆನಾಲ್ಟ್ನ ಬ್ರಹ್ಮಾಸ್ತ್ರ ಡಸ್ಟರ್ -
ಇಸ್ರೇಲ್-ಇರಾನ್ ಯುದ್ಧದ ಪರಿಣಾಮ ಷೇರು ಪೇಟೆಯಲ್ಲಿ ಭಾರಿ ನಷ್ಟ -
YouTube: ಯೂಟ್ಯೂಬ್ ಬಳಕೆದಾರರಿಗೆ ಶಾಕಿಂಗ್ ನ್ಯೂಸ್! ಆಡ್ ಬ್ಲಾಕರ್ ವಿರುದ್ಧ ಸಮರ -
ವರ್ಧಿತ ಉತ್ಪಾದಕತೆಗಾಗಿ ಪ್ರತಿಯೊಬ್ಬರೂ ಕಲಿಯಬೇಕಾದ 10 ಅಗತ್ಯ ಕೌಶಲ್ಯಗಳು -
Bengaluru to Ayodhya: ಬೆಂಗಳೂರಿನಿಂದ ಅಯೋಧ್ಯೆ ತಲುಪುವುದು ಹೇಗೆ? ನೀವಲ್ಲಿ ನೋಡಲೇಬೇಕಿರುವ ಸ್ಥಳಗಳು ಯಾವವು? ಮಾಹಿತಿ
ಡೊನಾಲ್ಡ್ ಟ್ರಂಪ್ ಕೊಟ್ಟ 'ಸೂಪರ್ ಸುಪ್ರೀಂ ಐಡಿಯಾ'ಗೆ ವೈದ್ಯರೇ ತಬ್ಬಿಬ್ಬು!
ವಾಷಿಂಗ್ಟನ್, ಏಪ್ರಿಲ್ 24: ಇಡೀ ವಿಶ್ವದಲ್ಲಿ ಮಾರಣಾಂತಿಕ ಕೊರೊನಾ ವೈರಸ್ ರುದ್ರ ತಾಂಡವವಾಡುತ್ತಿದೆ. ವಿಶ್ವದಾದ್ಯಂತ 191,086 ಜನರ ಜೀವ ನುಂಗಿರುವ ಕೊರೊನಾ ವೈರಸ್ ಅಮೇರಿಕಾದಲ್ಲಿ 50 ಸಾವಿರಕ್ಕೂ ಅಧಿಕ ಮಂದಿಯನ್ನ ಬಲಿ ಪಡೆದಿದೆ.
Recommended Video
ಕೋವಿಡ್-19 ವಿರುದ್ಧ ಪರಿಣಾಮಕಾರಿಯಾಗಿ ಹೋರಾಡುವ ಔಷಧಿಯನ್ನು ಕಂಡುಹಿಡಿಯುವ ನಿಟ್ಟಿನಲ್ಲಿ ವಿವಿಧ ದೇಶಗಳ ವಿಜ್ಞಾನಿಗಳು, ಸಂಶೋಧಕರು ತೊಡಗಿರುವಾಗಲೇ 'ಹೈಡ್ರಾಕ್ಸಿಕ್ಲೋರೋಕ್ವಿನ್' ಡ್ರಗ್ ನತ್ತ ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮುಖ ಮಾಡಿದರು.
ಮಲೇರಿಯಾಗೆ ಬಳಸುವ ಹೈಡ್ರಾಕ್ಸಿಕ್ಲೋರೋಕ್ವಿನ್ ಔಷಧ ಕೋವಿಡ್-19 ರೋಗಿಗಳಿಗೂ ಉಪಯುಕ್ತ ಎಂದು ಡೊನಾಲ್ಡ್ ಟ್ರಂಪ್ ಹೇಳಿದ್ದರು. ಅದನ್ನ ಭಾರತದಿಂದ ತರಿಸಿಕೊಂಡು ರೋಗಿಗಳ ಮೇಲೆ ಪ್ರಯೋಗ ಮಾಡಿದರು. ಆದ್ರೆ, ರೋಗಿಗಳಲ್ಲಿ ಹೈಡ್ರಾಕ್ಸಿಕ್ಲೋರೋಕ್ವಿನ್ ನಿಂದ ಯಾವುದೇ ಪ್ರಯೋಜನ ಆಗಲಿಲ್ಲ. ಅಸಲಿಗೆ, ಹೈಡ್ರಾಕ್ಸಿಕ್ಲೋರೋಕ್ವಿನ್ ಪಡೆದ ರೋಗಿಗಳ ಪೈಕಿ 27.8% ಮಂದಿ ಮೃತಪಟ್ಟರು.!
ಈ ಮಹಾ ಪ್ರಮಾದ ಎಸಗಿದ ಬಳಿಕ ಎಚ್ಚೆತ್ತು ಕೊಳ್ಳದ ಡೊನಾಲ್ಡ್ ಟ್ರಂಪ್ ಇದೀಗ ವೈಟ್ ಹೌಸ್ ನಲ್ಲಿ ನ್ಯೂಸ್ ಬ್ರೀಫಿಂಗ್ ವೇಳೆ ವೈದ್ಯರಿಗೆ ಮತ್ತೊಂದು ಸೂಪರ್ ಸುಪ್ರೀಂ ಐಡಿಯಾ ಕೊಟ್ಟಿದ್ದಾರೆ. ಡೊನಾಲ್ಡ್ ಟ್ರಂಪ್ ಕೊಟ್ಟ ಐಡಿಯಾ, ಆಡಿದ ಮಾತುಗಳನ್ನು ಕೇಳಿ ವೈದ್ಯರೇ ತಬ್ಬಿಬ್ಬಾಗಿದ್ದಾರೆ.
ಅಧ್ಯಯನದಿಂದ ತಿಳಿದು ಬಂದಿದ್ದೇನು.?
ಗುರುವಾರದ ನ್ಯೂಸ್ ಬ್ರೀಫಿಂಗ್ ವೇಳೆ ಡಿಪಾರ್ಟ್ಮೆಂಟ್ ಆಫ್ ಹೋಮ್ ಲ್ಯಾಂಡ್ ಸೆಕ್ಯೂರಿಟಿಯ ವಿಜ್ಞಾನ ಮತ್ತು ತಂತ್ರಜ್ಞಾನ ಸಲಹೆಗಾರ ವಿಲಿಯಂ ಬ್ರಿಯಾನ್, ''ಸೂರ್ಯನ ಬೆಳಕು, ಬಿಸಿಲು ಮತ್ತು ತೇವಾಂಶ ಇರುವ ಪ್ರದೇಶದಲ್ಲಿ ಕೊರೊನಾ ವೈರಸ್ ನಶಿಸಿ ಹೋಗುತ್ತದೆ ಎಂಬುದು ಅಧ್ಯಯನದಿಂದ ತಿಳಿದುಬಂದಿದೆ'' ಎಂದರು,
ಡೊನಾಲ್ಡ್ ಟ್ರಂಪ್ ಹೇಳಿದ್ದೇನು.?
ವಿಲಿಯಂ ಬ್ರಿಯಾನ್ ಮಾತುಗಳನ್ನು ಕೇಳಿ, ''ಕೊರೊನಾ ವೈರಸ್ ನ ಕೊಲ್ಲಲು ಮನುಷ್ಯನ ದೇಹದೊಳಗೆ light, heat ಅಥವಾ disinfectant inject ಮಾಡಬಹುದಾ.? ಸೂರ್ಯನ ಬೆಳಕು ಮತ್ತು ಶಾಖದಿಂದ ರೋಗಿಗಳನ್ನು ಗುಣಮುಖಪಡಿಸುವ ಬಗ್ಗೆ ವೈದ್ಯರ ಬಳಿ ನಾನು ಮಾತನಾಡುತ್ತೇನೆ. ಅದು ವರ್ಕ್ ಆಗಬಹುದು, ಆಗದೆಯೂ ಇರಬಹುದು. ನಾನು ವೈದ್ಯ ಅಲ್ಲ'' ಎಂದು ಡೊನಾಲ್ಡ್ ಟ್ರಂಪ್ ಹೇಳಿದರು.
ತಬ್ಬಿಬ್ಬಾದ ವೈದ್ಯೆ
''ಕೋವಿಡ್-19 ರೋಗವನ್ನು ವಾಸಿ ಮಾಡಲು ಹೀಟ್ ಅಥವಾ ಲೈಟ್ ಬಳಸಿರುವ ಬಗ್ಗೆ ಎಲ್ಲದರೂ ಕೇಳಿದ್ದೀರಾ.?'' ಎಂದು ಡಾ.ಡೆಬೋರಾ ಬ್ರಿಕ್ಸ್ ಬಳಿ ಡೊನಾಲ್ಡ್ ಟ್ರಂಪ್ ಕೇಳಿದಾಗ, ತಬ್ಬಿಬ್ಬಾದ ಆಕೆ ''ಚಿಕಿತ್ಸೆಯಾಗಿ ಬಳಸಿಲ್ಲ'' ಎಂದು ಉತ್ತರಿಸಿದರು. ''ಈ ಬಗ್ಗೆ ಗಮನ ಹರಿಸಿ'' ಎಂದು ಆಕೆಗೆ ಡೊನಾಲ್ಡ್ ಟ್ರಂಪ್ ಸೂಚಿಸಿದರು.
ಗುಡುಗಿದ ಟ್ರಂಪ್
ಡೊನಾಲ್ಡ್ ಟ್ರಂಪ್ ಆಡಿದ ಮಾತುಗಳನ್ನು ಕೇಳಿದ ಓರ್ವ ಪತ್ರಕರ್ತ, ''ವದಂತಿಗಳನ್ನು ಹರಡುತ್ತಿದ್ದೀರಾ'' ಎಂದು ಹೇಳಿದ ಕೂಡಲೆ ''ನಾನು ಇಲ್ಲಿರುವುದು ಐಡಿಯಾಗಳನ್ನು ಹೇಳುವುದಕ್ಕೆ. ಒಂದು ವೇಳೆ ಶಾಖ ಒಳ್ಳೆಯದ್ದು ಎಂದಾದರೆ, ಸೂರ್ಯನ ಬೆಳಕು ಒಳ್ಳೆಯದ್ದು ಎಂದಾದರೆ, ನನ್ನ ಮಟ್ಟಿಗೆ ಅವು ಒಳ್ಳೆಯದ್ದೇ'' ಎಂದು ವೈಟ್ ಹೌಸ್ ನಲ್ಲಿ ಡೊನಾಲ್ಡ್ ಟ್ರಂಪ್ ಗುಡುಗಿದರು.
ಅಮೇರಿಕಾದ ಅಂಕಿ-ಅಂಶ
ಅಮೇರಿಕಾದಲ್ಲಿ ಇಲ್ಲಿಯವರೆಗೂ 8,86,709 ಮಂದಿಗೆ ಕೊರೊನಾ ವೈರಸ್ ಸೋಂಕು ತಗುಲಿದೆ. ಈವರೆಗೂ ಕೋವಿಡ್-19 ನಿಂದ 50,243 ಮಂದಿ ಬಲಿಯಾಗಿದ್ದಾರೆ. 14,997 ಜನರ ಆರೋಗ್ಯ ಸ್ಥಿತಿ ಇನ್ನೂ ಚಿಂತಾಜನಕವಾಗಿದೆ.
